Solomon 5:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ An koviamningɨn bar deragha mati temer eborir mughuriar aghuim itiba azenim gizɨfa. An iriviba, mati akɨmarir aghuim. An mɨgɨrɨgɨaba bar dera, mati sandan mughuriar aghuim.

Solomon 5:13 ပူးပေါင်းရင်းမြစ်များ

Solomon 1:10

Kurkazir nɨn dapanir arɨzimɨn guighav itiba, nɨn koviamning gamima, a dafo. Ezɨ nɨn manmaniar aghuiba nɨn fɨrimɨn itima, nɨn fɨrim bar dafo.

Solomon 6:2

Nan roroar gumazir kɨ bar ifongezim, uan azenim giraghu. Azenir kam, bizir mughuriar aghuiba itiba, a gizɨfa. An memen okoruam azenimɨn graziba api, ezɨ an akɨmarir aghuiba akumakua da arɨsi.

Solomon 2:1

Kɨ mati ruarimɨn akɨmarir dirim, a pura Saronɨn danganir zarimɨn oto. Egha kɨ mati akɨmarir aghuarim, a mɨghsɨabar tongɨn itir danganir zarimɨn ti.

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.

Luk Osirizir Akar Aghuim 4:22

Ezɨ me an akabagh ifongeghava nɨghnɨzir avɨribar akar aghuir a mɨkemezibagh ami, egha me kamaghɨn azara, “Kar ti Josepɨn otarimra o?”

Aisaia 50:6

Kɨ pura uabɨ isa apanibar taghizɨ, me aghorimɨn nan akɨragharim mɨsogha, nan ghuamasɨziba asi. Me akar kurabar na mɨgei, kɨ men gari me nan guam giparima, kɨ uan guam men modozir puvatɨ.

Solomon 5:5

Kɨ uan roroar kɨ bar ifongezim bagha tiam kuasa dɨkafi. Kɨ uan dafarim isa tiar akamɨn gugunim darɨghasava amima, ezɨ sandan nan dafarimɨn itim, ira tiar akamɨn igugunimɨn poro.

Solomon 4:11

O nan amuim, nɨn mɨgɨrɨgɨaba, nan kuarimɨn aven bar isɨngi. Nɨn akamɨn torir araziba, nan akamɨn bar isɨngi, mati hani akatorimɨn isɨngi. Nɨ nan torezɨ, kɨ bar akonge, mati kɨ bulmakaun oter eborim ko ani api. Nɨn korotiaba mughuriar aghuim iti, mati Lebanonɨn Mɨghsɨabar mughuriar aghuim.

Solomon 3:6

Bizir tizim gumazamiziba puvatɨzir danganim ategha izi? Bizir kam, mati mɨgharim me sanda ko pauran anezir, me iter balsan eborimɨn ingarizim tuema an mɨgharim otifi. Ezɨ an mughuriam, mati pauran aghuir dagɨar ingangaribagh amir gumaziba amadim.

Onger Akaba 89:15

O Ikiavɨra Itir God, gumazamizir ighiabagh amua nɨn ziam feba, me bar akongegh. Nɨn angazangarim me gisirazɨ moghɨn, nɨ bar me gifuegha men boroghɨra iti.

Onger Akaba 45:2

O atrivim, nɨ gumazir ganganir aghuim gamim. Gumazir igharazitam nɨn mɨn garir puvatɨ. Mɨgɨrɨgɨar nɨn akamɨn otiviba bar deravɨra zui. Ezɨ God deragha nɨ gamua mamaghɨra iti.

Onger Akaba 27:4

Kɨ bizir vamɨra bagha Ikiavɨra Itir Godɨn azaragha gɨfa. Bizir kɨ bar ifongezimra kara: kɨ angamɨra itir dughiamɨn, kɨ an Dɨpenimrama aven ikiam. Kɨ an ganganir aghuimɨn gan an boroghɨn ikɨ bar akueghasa. Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.

Aisaia 50:4

Ikiavɨra Itir God, en Ekiam, nan sure gamigha, uan akabar igharaz darazir sure damuamin fofozir aghuim na ganɨngi. Ezɨ kɨ an akam inigha, gumazamizir amiagha pura itiba, deraghvɨra men sure damuva gavgavim me danɨngam. Egha zurara mɨzarazibar, a na gaghurima, kɨ dɨkava suren gumazimɨn mɨn, an mɨgɨrɨgɨaba baraghasa bar ifonge.

Onger Akaba 45:3

Nɨ atrivir bar gavgavim. Nɨ adiarir bar aghuim gamizɨ nɨn ziam bar pɨn mar iti. Nɨ uan mɨdorozir sabam inigh uan oghɨriam gikegh mɨsoghsɨ gan.

Solomon 1:16

Ame! Nan roroar gumazir kɨ bar ifongezim, nɨ bar dera. Nɨn ganganiba bar dera, ezɨ kɨ bar nɨ gakonge. Gan mɨsiam mati, grazir garir aghuim.