Solomon 5:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Nan roroar gumazir kɨ bar ifongezim, a bar gavgavigha, an guam bar derazɨ, an damazimning dafozɨ, an mɨkarzimɨn ganganim bar dera, egha gumazir tausen plan avɨribar ganganim gafira.

Solomon 5:10 ပူးပေါင်းရင်းမြစ်များ

Onger Akaba 45:2

O atrivim, nɨ gumazir ganganir aghuim gamim. Gumazir igharazitam nɨn mɨn garir puvatɨ. Mɨgɨrɨgɨar nɨn akamɨn otiviba bar deravɨra zui. Ezɨ God deragha nɨ gamua mamaghɨra iti.

Onger Akaba 45:17

Kɨ nɨn ziar ekiamɨn gun mɨkɨmtɨ, gumazamizir gɨn otivamiba nɨ gɨnɨghnɨghvɨra ikiam. Eghtɨ dughiar gɨn izamiba, gumazamiziba zurara nɨn ziam fɨ mamaghɨra ikiam.

Hibru 7:26

Guizbangɨra, Ofa Gamir Gumazibar Dapanir kam e bagha ingara bar deravɨra en akurvasi. A God ifongezir arazibara, dar gɨn zui. Egha arazir kuratam an itir puvatɨ. A Godɨn damazimɨn bar zue. Ezɨ God a isa uan Nguibam bar pɨn anetɨ, ezɨ an arazir kurabagh amir gumazamizibar saghon iti.

Hibru 2:10

E fo, God a biziba bar dar mɨngarim, egha a biziba bar dar ingari. Egha kamaghɨn ifonge, Iesus uan borir avɨriba inigh men aku Godɨn Nguibamɨn mangam, eghtɨ me Iesus ko ziar ekiam iniam. God kamaghɨn ifonge, Iesus gumazamizibar akurvaghamin ingangarim damuam, kamaghɨn amizɨ, a Iesus ataghizɨma a mɨzazim isi. Ezɨ mɨzazir kam Iesus gamima a gumazamizibar akurvaghamin gumazir bar faragha zuimɨn otogha, tuavim men aka. Arazir God a gamir kam, a bar dera.

Kolosi 1:18

Krais, a siosɨn dapanim, ezɨ sios an inivafɨzim. Egha a uabɨ ikɨrɨmɨrir igiamɨn faragha zuir gumazim. Krais Godɨn Otarir ivariam, egha a faragha ovevemɨn ua dɨkafi. God ghaze, Krais uabɨ biziba bar dar dapanimɨn ikiam. Kamaghsua, a Krais gamizɨ, a ua dɨkafi,

Akɨnafarir Pol Romɨn Nguibar Ekiamɨn Itir Sios Bagha Osirizim 9:5

Men ovavir faragha itiba, bar ziar ekiaba iti. Ovavir kabar iza, Gumazir God Uam E Iniasa Mɨsevezim, Krais nguazir kamɨn gumazimɨn mɨn men ikɨzimɨn aven oto. Krais a God, egha biziba bar dar dapanimɨn iti. Eghtɨ e zurazurara Kraisɨn ziam fam!

Solomon 2:1

Kɨ mati ruarimɨn akɨmarir dirim, a pura Saronɨn danganir zarimɨn oto. Egha kɨ mati akɨmarir aghuarim, a mɨghsɨabar tongɨn itir danganir zarimɨn ti.

1 Samuel 16:12

Ezɨ Jesi gumazir mam amadazɨ, a ghua an otarir kam inigha izi. Jesin otarir kam, a uan mugamra ikia an guam bar derazɨ an damazimning dafozɨ, an mɨkarzimɨn ganganiba bar dera. Ezɨ Ikiavɨra Itir God, Samuel mɨgɨa ghaze, “A mara, gumazir mamra, an atrivimɨn otivam. Nɨ atriviba amɨsɨva me gazuir borem isɨ, a gingegh.”

Godɨn Araziba 32:31

Apaniba fogha ghaze, men aseba gavgaviba puvatɨ. Ezɨ Israelian God gavgavir ekiam iti, mati dagɨar gavgavir ekiam.

Aisaia 66:19

Eghtɨ kɨ men tongɨn ababanitam asaragh men akagham. Egh kɨ gumazamizir ikiavɨra itir varazira amangɨtɨ, me saghon itir arighatɨzibar gumazamizir igharaziba bagh mangam. Egh nan ziar ekiam ko gavgavimɨn gun gumazamizir tong oraghizir puvatɨzibav kɨmam. Kɨ kantrin kaba bagh me amangɨtɨ, me mangam, Tarsisɨn kantri ko, Pulɨn kantri ko, Lidian kantri, me barir pibar asir fofozir aghuim itir gumaziba. Egh Tubalɨn kantri, ko Grikɨn kantri, ko nguibar arighatɨzir ongarir torir saghon itiba, me bagh mangam. Gumazamizir ikiavɨra itir varaziran kabanang, kantrin kaba bagh mangegh nan ziar ekiam ko gavgavimɨn gun me mɨkɨmam.

Aisaia 59:19

Ikiavɨra Itir God puv ingara, mati amɨnim iza dɨpam giverazɨ, dɨpam bar puvɨra ivemari moghɨn, Ikiavɨra Itir God izam. Eghtɨ nguazir kamɨn ruaghateviba bar dar itir gumazamiziba, aruem anadi naghɨn tugha ghua aruem uaghiri naghɨn, me Ikiavɨra Itir Godɨn ziar ekiam ko gavgavim gɨfogh, an ziamɨn atiating an apengan ikiam.

Aisaia 10:18

Egh afiragh mangɨ temer ekiaba ko nguazir aghuir azenibar ingaramim sara daboroghtɨ, da bar isigham. Ikiavɨra Itir God, Asiriabagh asɨghasigh, bar men duaba ko mɨkarziba agɨvagham, mati arɨmariam gumazim puv a gamizɨ, an gavgavim bar magɨrɨ ameregh gɨvagham.