Solomon 4:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Nɨ nan amuim, egha nɨ guizɨn nan dɨghorim asi. Nɨ dughiar vamɨran pura damazir ofɨzimningɨn nan gara, egha nan dɨghorim asi. Kɨ nɨn fɨrimɨn itir manmaniamɨn gara bar nɨ gifonge.

Solomon 4:9 ပူးပေါင်းရင်းမြစ်များ

Solomon 4:12

O nan amuim, nɨ bar nan dɨghorim. Nɨ mati azenir dɨvazim itim, eghtɨ gumazitam an mangan kogham. Nɨ mati mozir dɨpar mam, egha azenir kamɨn aven iti, eghtɨ gumazitam aven mangan kogham.

2 Korin 11:2

God gumazamiziba anarɨram apengan ikiasava a ifonge. Ezɨ kamaghɨra, ia Kraisra gɨn mangasa, kɨ uaghan ifonge. Ia Kraisɨn adarazir mɨrara ikiasa kɨ ia mɨsefe, mati amizir igiar bar zuezim kɨ a inigh mangɨ par a ko poroghamim danɨngam.

Solomon 7:10

Nan roroar gumazir kɨ bar ifongezim, kɨ an amuim, ezɨ a bar na gifonge.

Akar Mogomem 21:2

Ezɨ Nguibar God Baghavɨra Itim, a Jerusalemɨn igiam, kɨ an gari. Kɨ an garima, a Godɨn damazimɨn ikegha Godɨn Nguibam ategha izaghiri. A uabɨ akɨrigha, kurukazir bar aghuim gami, mati amizim uan pamɨn ikiasa kuruke.

Jon Osirizir Akar Aghuim 3:29

Gumazitam amizitamɨn ikiam, eghtɨ amizir kam a gumazir kamɨn amuim. Ezɨ gumazir kamɨn namakam, a tugha gumazir amuimɨn itimɨn akam baraghasa bar akonge. Ezɨ kamaghɨra agorogem nan navir averiam bar a gizɨfa.

Sefanaia 3:17

Ikiavɨra Itir God, a ian God, a ia ko iti. An gavgavim ian akurazɨ, ia mɨdorozimɨn uan apaniba abɨra. A ia bagha bar akongegh ighiabar amuam. Mati gumazamiziba uari akuva Godɨn ziam fa onger akabagh ami moghɨn, a ia bangɨn pamtem ongam. Guizbangɨra a bar ia gifonge, ia kamaghɨn nɨghnɨzir kam damutɨ, a mɨgɨrɨgɨabagh asagham.

Esekiel 16:8

“Kɨ ua iza nɨn garima, nɨ gumazimɨn ikiamin dughiam otogha gɨfa. Ezɨ kɨ uan azenan azuir korotiam inigha an onegha nɨn mɨkarzim avara. Egha kɨ nɨn ikiasa nɨ ko Akar Dɨkɨrɨzir Gavgavim gami, ezɨ nɨ konanamra. Kɨ Ikiavɨra Itir Godɨn Ekiam kamaghɨn mɨkemegha gɨfa.

Aisaia 62:5

Eghtɨ nɨn otariba nɨ inigh, nɨ ko deraghvɨra ikiam, mati gumazir igiam amizir igiamɨn ikia, aning uaning ko deravɨra iti. Guizbangɨra, nɨn God bar nɨ gakuegham, mati gumazim igiamra amuimɨn ikia uan amuim gakonge.

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.

Solomon 6:12

O nan amizim, kɨ nɨn gara, egha agorogem na mɨsosi. Kɨ kamaghɨn nɨghnɨsi, kɨ mati gumazir aruar mamɨn karisɨn aven iti.

Solomon 6:5

Nɨ nan ganan kɨ aghua. Nɨ nan gara nan muriam aghorima, kɨ okam nɨghnɨsi. Nɨn dapanarɨzir gɨrakɨrangɨn guraghav itim, pigha ruaragha bar dera, mati memen pɨzir okoruam bar akuegha, uari fa kura Gileatɨn Mɨghsɨamɨn ghuaghiri.

Solomon 4:10

Nɨ nan amuim, egha nɨ guizɨn nan dɨghorim, nɨ bar na gifonge, ezɨ kɨ bar akonge. Nɨn ifongiar kam, a bar isɨngi, egha wainɨn isɨngtɨzim gafira. Sandan mughuriar nɨ uabɨ gazuir kam, a pauran mabar mughuriaba bar dagh afira.

Solomon 3:11

O Jerusalemɨn amiziba, ia azenan izɨ Atrivim Solomonɨn ganigh. Atrivimɨn dapanir asuam an dapanimɨn iti. Atrivim Solomon amuimɨn itir dughiamɨn, an amebam dapanir asuar kam isa an dapanim garu. Ezɨ dughiar kamɨn a bar akonge.

Solomon 1:15

Ame! Nɨ amizir bar dirim ezɨ kɨ bar nɨ gifonge. Ezɨ nɨ uaghan na gifonge, ezɨ nɨn damazim bar dera mati kuarazir bunbamɨn damazim.

Solomon 1:10

Kurkazir nɨn dapanir arɨzimɨn guighav itiba, nɨn koviamning gamima, a dafo. Ezɨ nɨn manmaniar aghuiba nɨn fɨrimɨn itima, nɨn fɨrim bar dafo.

Onger Akaba 45:9

Atrivibar guivir maba, me nɨn ziaba itir amizibar tongɨn ikia nɨn dɨpenimɨn aven iti. Ezɨ amizir igiar nɨn amuimɨn otoghamim, a nɨn agharir guvimɨn tughav iti. A Ofirɨn kantrin golɨn asɨngizir korotiar aghuim arugha tughav iti.

1 Korin 9:5

A ti kamaghɨn derazir puvatɨ, e amuibar ikɨva, me ko tuavir saghuiabar mangam. Mati aposelɨn igharaziba, ko Ekiamɨn aveghbuar doziba, ko Pita amizɨ moghɨn? Are, arazir kam uaghan dera.

Matyu 12:50

Gumazamizir nan Afeziar uan Nguibamɨn itim ifongezir arazibar gɨn zuiba, me nan doziba ko nan amiziba ko nan amebam.”

Jenesis 41:42

Egha atrivim uan dafarimɨn ring suegha Josep garu. Ezɨ ringɨn kam atrivimɨn ababanim an iti. Egha atrivim uaghan korotiar aghuir mam a garugha gol sen an fɨrimɨn da.

Jenesis 20:12

Egha kɨ ghaze, guizbangɨra Sara nan amizim. Ga afeziar vamɨra ikia, egha amebamning ighara. Egha gɨn a nan amuimɨn oto.

Aghuzir Akaba 1:9

Eghtɨ aningɨn akaba nɨ damutɨ nɨn dabirabimɨn ganganim deragham, mati nɨ adɨsir aghuim gami, ezɨ nɨn ganganim dera.

Esekiel 16:11

Egha kɨ kurkazir bizir aghuiba nɨ ganɨngi. Kɨ daveriaba nɨn agharimning gaghuigha, senɨn aghuim isa nɨn fɨrimɨn da.

Daniel 5:7

Ezɨ a kukunir gumaziba, ko imezibagh amir gumaziba, ko akavsiar ifavaribagh amir gumaziba, tav a bagh me inigh izasa a pamten dei. Me izegha gɨvazɨma, atrivim kamaghɨn me mɨgei, “Gumazitam akar kam dɨponegh an mɨngarimɨn gun na mɨkemeghtɨ, kɨ atrivimɨn korotiar aghevim a danightɨ aneghuam. Egh kɨ golɨn sen an fɨrimɨn daghtɨ, a ziar ekiam iniam. Eghtɨ kɨ a damightɨ a namba 3ɨn gavmanɨn gumazimɨn ikiam.”

Aghuzir Akaba 6:25

Nɨ amizir munamɨn mɨkarzir ganganir aghuimɨn ganɨva a gakongan markɨ. A nɨn ganɨva nɨ gekuightɨ nɨ a bagh mangan markɨ.