Solomon 4:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Nan amuim, nɨ na ko izɨ, egh ga Lebanonɨn Mɨghsɨaba ategh mangam. Nɨ Amanan Mɨghsɨam ko Senirɨn Mɨghsɨam ko Hermonɨn Mɨghsɨar orazim ategh izighirɨ. Nɨ fo, laionba ko asɨzir atiar igharaziba mɨghsɨar kabar iti.

Solomon 4:8 ပူးပေါင်းရင်းမြစ်များ

Godɨn Araziba 3:9

Ezɨ Saidonia, Hermonɨn Mɨghsɨam ziar kam a garɨsi, ‘Sirion.’ Ezɨ Amoria, ziar kam a garɨgha ghaze, ‘Senir.’

Solomon 2:13

Ezɨ fighɨn temeba be. Ezɨ ruarimɨn beniba akɨmariba otifi, ezɨ dar akɨmariba mughuriar aghuiba zui. O nan amizir kɨ bar ifongezim, nan amizir dirim, nɨ dɨkavigh azenan izɨ, egh ga arɨ mangam.”

Onger Akaba 45:10

Amizir igiar atrivimɨn ikiasava amim, kɨ datɨrɨghɨn a mɨkɨmasa. O guivim, nɨ kuarim atɨgh deragh nan mɨgɨrɨgɨaba baragh. Nɨ uan nguibamɨn gumazamiziba ko, nɨn afeziamɨn dɨpenimɨn itir darazi gɨn amadagh.

1 Eghaghaniba 5:23

Manasen anabar me tuirazimningɨn ikɨzir mam bar avɨraseme. Me Basanɨn Distrighɨn iti, ezɨ men nguazim Balhermonɨn nguibar ekiamɨn notɨn amadaghan ghua Senirɨn Mɨghsɨamɨn tu, an ziar mam Hermonɨn Mɨghsɨam.

Jon Osirizir Akar Aghuim 12:26

Ezɨ gumazir nan ingangarim damuasa ifongeziba, me nan gɨn izɨ. Egh nguibar kɨ itim, nan ingangarir gumazamiziba uaghan na ko ikiam. Eghtɨ gumazamizir nan ingangarim gamiba, Afeziam ziar ekiam me danɨngam.”

Aisaia 62:5

Eghtɨ nɨn otariba nɨ inigh, nɨ ko deraghvɨra ikiam, mati gumazir igiam amizir igiamɨn ikia, aning uaning ko deravɨra iti. Guizbangɨra, nɨn God bar nɨ gakuegham, mati gumazim igiamra amuimɨn ikia uan amuim gakonge.

Solomon 7:11

O nan roroar gumazir kɨ bar ifongezim, nɨ na ko izɨ. Ga dɨmagarimɨn ruarimɨn mangɨ, egh nguibar dozibar ikɨ dakuam.

Aghuzir Akaba 9:6

Ia uan arazir onganiba atakigh, egh izɨ ikɨrɨmɨrir aghuim ini. Egh ia nɨghnɨzir aghuimɨn tuavimɨn mangɨ.”

Onger Akaba 76:4

God, nɨ atrivibar ekiam egha ziar ekiam iti. Nɨn ziam bar pɨn ikia, egha mɨghsɨar ekiabar ziar ekiabagh afira. Nɨ mɨghsɨabar uan apanibav sogha me abɨragha uamategha ize.

Onger Akaba 76:1

Judan adarazi bar deravɨra God gɨfo. Israelia an ziar ekiam fe.

1 Atriviba 4:33

An akaba, biziba bar dav gei, mati Lebanonɨn sidan temer ekiam ko, hisopɨn mɨn garir temer dagɨar dɨvazir mɨriabar aghuibav gei. A uaghan asɨzir avɨriba ko, kuaraziba ko ipeba ko, osiriba sara mɨgei.

Josua 12:1

Fomɨra, Moses tɨghar ovengamin dughiamɨn, a faragha Israelia inigha ghua, Jordanɨn Fanemɨn aruem anadi naghɨn itir atrivimning mɨsogha, aning abɨragha aningɨn nguaziba bar ada ini. Nguazir kamɨn mɨtaghniam, sautɨn ikegha Arnonɨn Fanemɨn danganir zarimɨn ikegha, ghua Jordanɨn Fanemɨn danganir zarimɨn otogha, ghua notɨn amadaghan Hermonɨn Mɨghsɨamɨn tu.

Godɨn Araziba 3:25

Kɨ nɨn azai, nɨ nan amamangatɨghtɨ, kɨ mangɨ Jordanɨn Fanem girɨgh vongɨn mangɨ, egh nguazir aghuir kamɨn ganɨva mɨghsɨaba itir danganir aghuibar ganɨva, uaghan Lebanonɨn itir mɨghsɨamɨn ganam.’

2 Atriviba 5:12

A Jordanɨn Fanemɨn dɨpamɨn ruasa na mɨgei. Ezɨ Damaskusɨn Fanemning Abana ko Farpar, aning bar Israelian dɨpabagh afira! Eghtɨ dɨpatam nan arɨmariam agɨvsɨ, kɨ ti uan kantrin aven itir dɨpar kamning guruva ua deragham.” Naman kamaghɨn mɨgɨa, egha bar anɨngaghegha ghu.

Onger Akaba 72:16

Dagher avɨriba Lebanonɨn kantrin otivi moghɨn, gumazamizibar azenibar otiv. Eghtɨ gumazamiziba bar avɨrasemegh nguibabar ikɨ, egh grazibar mɨn danganiba bar dar ikɨ.

Onger Akaba 89:12

Nɨ nguazim bar, an notɨn amadaghan ikegha ghua sautɨn amadaghan biziba vɨrara dar ingari. Gumazamiziba nɨn ziam fe moghɨn, Tabor ko Hermonɨn Mɨghsɨamning, nɨ bagha bar akuegha ighiam banga nɨn ziam fe.

Esekiel 27:5

Me Hermonɨn Mɨghsɨamɨn ghua painɨn temer aghuiba inigha kurir kamɨn ingari. Me Lebanonɨn ruarimɨn ghua sidan temer aghuim inigha, kurimɨn tughav itir guarir akɨnim asara.