Solomon 4:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Nan amizir kɨ bar ifongezim, nɨn ganganim bar dera. Nɨn mɨkarzim duar kuritam an itir puvatɨ.

Solomon 4:7 ပူးပေါင်းရင်းမြစ်များ

Solomon 1:15

Ame! Nɨ amizir bar dirim ezɨ kɨ bar nɨ gifonge. Ezɨ nɨ uaghan na gifonge, ezɨ nɨn damazim bar dera mati kuarazir bunbamɨn damazim.

Jut Osirizir Akɨnafarim 1:24

God uabɨ deraghvɨra ian gantɨ ia iran kogham. Eghtɨ a ia inigh mangɨtɨ ia an nguibar aghuimɨn ikiam. Egh ia an damazimɨn arazir kuraba puvatɨgh, bar akuegham.

Kolosi 1:22

Ezɨ God kamaghɨn ifonge, a ia inigh ua bagh izam. Eghtɨ ia an gumazamizibar mɨn ikɨva, an damazimɨn bar zueghɨva, arazir kuratam ian ikian kogham. Kamaghsua datɨrɨghɨn Godɨn Otarim angamɨra gumazir mɨkarzim sara areme, ezɨ tuavir kamɨn God uam e ko navir vamɨra inis.

Solomon 4:1

O amizir kɨ ifongezim, nɨn ganganim bar dera. Bar guizbangɨra, nɨ amizir dirim. Nɨ uan guam mongasa nir avɨzim uan dapanim gike. Ezɨ kɨ nɨn damazimningɨn gari, aning kuarazir bunbamɨn damazimningɨn mɨn dɨkɨravɨra gara bar dera. Nɨn dapanir arɨzim gɨrakɨrangɨn guraghav itim, pigha ruaragha bar dera, mati memen pɨzir okoruam bar akuegha, uari fa kura Gileatɨn Mɨghsɨamɨn ghuaghiri.

2 Pita 3:14

Kamaghɨn, nan roroaba, ia fo bizir kaba da gɨn izam, ia dar mɨzuamɨva pamtem ingarɨva egh Godɨn damazimɨn zuegh ikɨva, Godɨn damazimɨn arazir kuratam damuan markɨ. Egh ia God ko navir amɨrizimɨn ikɨsɨ pamtem ingar.

Onger Akaba 45:13

Atrivimɨn amuir bar igiam, an akua itir danganimra ikia ganganiba bar dera. A korotiar me tret golɨn nuavigha kurkezim aru.

Solomon 5:16

A nan torima, kɨ an isɨngtɨzim isi. An mɨkarzim bar moghɨra na gamima, kɨ bar a gifonge. O ia Jerusalemɨn amiziba, kɨ ifongezir gumazir kam, a nan roroar aghuim, an ganganim kamaghɨn gari.

Onger Akaba 45:11

Nɨ kamaghɨn damuva atrivimɨn damazimɨn ganganir bar aghuim damutɨ, a nɨn gan nɨ gifuegham. A nɨn gumazir ekiam, nɨ an akaba baragh dar gɨn mangɨ.

Dɨboboniba 24:5

O Jekopɨn ovavir boriba, kɨ ian purirpenibar garima, dar ganganiba bar dera. Bar guizbangɨra, Israelia, ian danganir ia itiba, bar dera.

Akar Mogomem 21:2

Ezɨ Nguibar God Baghavɨra Itim, a Jerusalemɨn igiam, kɨ an gari. Kɨ an garima, a Godɨn damazimɨn ikegha Godɨn Nguibam ategha izaghiri. A uabɨ akɨrigha, kurukazir bar aghuim gami, mati amizim uan pamɨn ikiasa kuruke.