Solomon 4:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

^13-14 Nɨ mati azenir aghuim, temer bar aghuiba an iti. Temer maba dagher aghuiba iti, ezɨ maba mughuriar aghuim zuir boreba iti. Maba me dar sandan aghuibar dar ingari, egha maba, daghebagh amima, da isɨngi. Temer kaba, dar ovɨziba bar isɨngigha, nguazir kamɨn ter ovɨziba bar dagh afira. Dar eboriba bar isɨngigha, nguazir kamɨn ter eboriba bar dagh afira.

Solomon 4:13 ပူးပေါင်းရင်းမြစ်များ

Solomon 1:14

Nan roroar kɨ bar ifongezim, a mati akɨmarir mughuriar aghuim zuim, a Engedin nguibamɨn wainɨn azenibar otifi.

Solomon 6:11

Kɨ izaghirɨgha gɨvagha azenimɨn aven itir temer aghuir ovɨziba itibar tongɨn iti. Kɨ temeba ko dar akɨmarir otivibar ganasa danganir zarimɨn ize. Kɨ wainɨn ikarɨzir mumuriba, ko temer dagher aghuiba itibar akɨmaribar ganasa ize.

Fofozir Gumazim 2:5

Kɨ azenibar ingara da opari, ezɨ dar aven temer dagher aghuiba batiba iti.

Solomon 1:12

Nan atrivim uan dakozim gakua, egha borer aghuir kɨ uabɨ gaghuizimɨn mughuriam isi.

Filipai 1:11

Eghtɨ arazir aghuir Krais Iesus ami otiviba, da bar ia gizɨvagham. Eghtɨ gumazamiziba dar ganɨva ziar ekiam God danɨngɨva egh an ziam fam. Kamaghɨn, kɨ ia bagha God ko mɨgei.

Jon Osirizir Akar Aghuim 12:3

Ezɨ Maria, mughuriar aghuim zuir borer ivezim bar pɨn kozim inigha iza Iesusɨn dagarimning ginge, egha uan dapanir arɨzimɨn an dagarimning adɨsi. Ezɨ borer kamɨn mughuriar aghuim dɨpenim bar a koro.

Mak Osirizir Akar Aghuim 14:3

Egha Iesus Betanin nguibamɨn ikiava, Saimonɨn dɨpenimɨn aven dagher dakozimɨn apava aperaghav iti. (Saimon faragha lepan arɨmariam an mɨkarzim gami.) Iesus apava aperaghav itima, amizir mam mughuriar aghuim zuir borer mam inigha izi. Borer kam alabastan ingarizir mɨsevimɨn aven iti. Boremɨn ziam nat, an ivezim bar pɨn ko. Amizir kam borer kam inigha Iesus bagha izegha borev sevim abigha borem Iesusɨn dapanim ginge.

Aisaia 61:11

Kɨ fo, Ikiavɨra Itir God, nan Ekiam, uan arazir aghuim ko uan akurvazir arazim nan akagham, mati nguazim dagher ovɨziba an aven ikia biaba otiva anaga azenim girɨ. Eghtɨ Kantrin Igharazibar Gumazamiziba Ekiamɨn arazir kamɨn ganigh an ziam fam.

Aisaia 60:21

Nɨn gumazamiziba bar moghɨra arazir aghuibara damu, egh kɨ me bagha mɨsevezir nguazim me a inigh, a dapiagh zurara ikiam. Guizbangɨra, nan dafarimɨn, kɨ men ingarigha me gamizɨ me ikɨzir vamɨran gumazamizibar otogha, mati kɨ temer ovɨziba oparizɨ, da biar avɨriba otifi. Kɨ kamaghsua, kɨ kamaghɨn damightɨ, ikɨzir igharazibar gumazamiziba ganɨva, ziar ekiam na danɨngam.

Solomon 8:2

Egha kɨ nɨ inigha ga uan amebamɨn dɨpenimɨn ghuzɨ, nɨ deravɨra nan sure gamighai. Ezɨ kɨ, wain ko pauran isɨngtɨzim sara verezim, a isa nɨ ganighai. Egha kɨ uan pomigranetɨn ovɨzibar dɨpaba nɨ ganɨngizɨ, nɨ da ameghai.

Solomon 6:2

Nan roroar gumazir kɨ bar ifongezim, uan azenim giraghu. Azenir kam, bizir mughuriar aghuiba itiba, a gizɨfa. An memen okoruam azenimɨn graziba api, ezɨ an akɨmarir aghuiba akumakua da arɨsi.

Onger Akaba 92:14

Da ghurizir dughiamɨn, dar dagheba ikiavɨra iti. Dar dafaribagh arɨghavɨra itima, da gavgavigha mɨdir puvatɨ.

Solomon 2:3

Nan roroar gumazir kɨ bar ifongezim, a gumazir igiar igharazibar tongɨn ikia, mati temer dagher aghuiba itim, a ruarimɨn ikia temer igharazibar tongɨn ti. Aruer ekiamɨn dughiam kɨ an dughuazimɨn aven ikiasa bar ifonge. Temer kamɨn ovɨziba bar deragha nan akatorimɨn bar isɨngi.

Solomon 4:16

O notɨn amɨnim, nɨ osegh dɨkafigh. O sautɨn amɨnim, nɨ dɨkavigh izɨ. Gua dɨkavigh izɨ nan azenim givang, egh danganiba bar dar amutɨ, da azenir kamɨn mughuriar aghuim ikiam. Eghtɨ nan roroar gumazir kɨ bar ifongezim, uan azenimɨn izɨva, egh an ter ovɨzir bar aghuibar amam.

Joel 2:8

Me ghua gumazir igharazitabar tuaviba apɨrir puvatɨ. Me vaghvagha bigha ghuavɨra iti. Me ghua men afuziba ko barir pibar atiatir puvatɨ, eghtɨ bizitam men tɨvaghan kogham.