Solomon 3:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Atrivim Solomon uan gumazibav kemezɨ, me kantri Lebanonɨn temer aghuiba inigha a bagha akuriar aghuimɨn ingari, mati dɨpenir muziarir mam.

Solomon 3:9 ပူးပေါင်းရင်းမြစ်များ

Solomon 3:7

Ia gan! Me akuriar aghuim inigha a gupugha izi. Ezɨ Atrivim Solomon uabɨ a gaperaghav iti. Ezɨ 60plan mɨdorozir gumaziba a ko izi. Me Israelian mɨdorozir gumazibar tongɨn itir mɨdorozir gumazir gavgaviba.

Akar Mogomem 14:6

Ezɨ kɨ enselɨn igharazimɨn garima an overiamɨn pɨn mɨghegha zui. A nguazimɨn itir gumazamiziba ko, gumazamizir kantriba bar dar itiba ko, anababa bar ko, nguibabar akaba bar ko, mɨkarzir igharagha gariba bar, a me bagha zurara itir Akar Aghuim akunasa mɨghegha zui.

2 Samuel 23:5

God na ko akar dɨkɨrɨzir gavgavir mam akɨra ghaze, A nan ikɨzim damightɨ me ikɨ gavgavigham, eghtɨ a na ko dɨkɨrɨzir akar kam otevkɨnighan kogham. Eghtɨ akar dɨkɨrɨzir gavgavir kam, a zurara kamaghɨra ikiam. Bizir kɨ ifongeziba, God nan akuraghtɨ da deraghvɨram otivam.

Solomon 3:8

Me fomɨra dughiar avɨribar mɨsoke. Egha me mɨdorozir sababar mɨsogha bar fo. Me bar moghɨra vaghvagha uan mɨdorozir sababa suiki. Me fo, apaniba dɨmagaribar iza me mɨsosi, kamaghɨn amizɨ, me deravɨra uari bagha gara iti.

Solomon 3:10

Akuriar aghuir kamɨn sueba, me silvan dar ingari, ezɨ an dabirabir danganim me golɨn an ingari. Ezɨ me akuriar aghuir kamɨn danganir apiaghirimɨn pilo, atrivimɨn inir pɨghaghevimɨn anevara. Jerusalemɨn amiziba deravɨra dabirabir kam asɨngi. Me atrivim bagha ingangarir kam damuasa bar ifonge.