Solomon 3:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Bizir tizim gumazamiziba puvatɨzir danganim ategha izi? Bizir kam, mati mɨgharim me sanda ko pauran anezir, me iter balsan eborimɨn ingarizim tuema an mɨgharim otifi. Ezɨ an mughuriam, mati pauran aghuir dagɨar ingangaribagh amir gumaziba amadim.

Solomon 3:6 ပူးပေါင်းရင်းမြစ်များ

Solomon 4:6

Aning mati mɨghsɨar mamning, mughuriar aghuiba itir biziba bar aning gizɨfa, mam sandan anezim, ezɨ mam pauran balsamɨn temer eborimɨn ingarizim. Kɨ mangɨ mɨghsɨar kamningɨn ikɨ mangɨtɨ amɨnim tiraghtɨ, aruem ovɨram.

Solomon 1:13

Nan roroar kɨ bar ifongezim, a mati pauran anezir mughuriar aghuim itim, nan evarim gisɨn irɨghav ikiava akui.

Akar Mogomem 12:14

God kamaghsua, amizim azenir 3pla ko akuamɨn gumazamiziba puvatɨzir danganimɨn ikɨva, egh a kagh akurvazim iniam. Kamaghɨn amizɨ, a mɨghegh danganir God a bagha dɨkɨrɨzir kamɨn mangasa, God kuarazir anebar ekiamɨn avɨzimning a ganɨngi.

Akar Mogomem 12:6

Ezɨ amizir kam ara gumazamiziba puvatɨzir danganimɨn ghu. Danganir kam God a bagha anekɨri, eghtɨ a kagh 1,260plan dughiabar ikɨ akurvazim ini ikiam.

Jeremaia 31:2

Kɨ Ikiavɨra Itir God, kɨ kamaghɨn mɨgei: Apaniba Israelia mɨsozima, men ikiavɨra itir varazira apanibagh itagha ara ghua gumazamiziba puvatɨzir danganimɨn iti. Ezɨ kɨ me gifuegha, arazir aghuibar me gamima, me ghua avughsazir danganimɨn ghue.”

Jeremaia 2:2

“Nɨ Jerusalemia bagh mangɨ nan akamɨn gun kamagh me mɨkɨm: Ikiavɨra Itir God ghaze, ia bar faraghavɨra nan gumazamizibar otivizir dughiamɨn, ia mati amizim igiamra pamɨn ikia uan pam gifongezɨ moghɨn, ia uari isa na ganigha na gifueghavɨra iti. Egha ia na baghavɨra ikia gumazamiziba puvatɨzir danganimɨn nan gɨn zui, kar nguazir gumazitam dagheba oparizir puvatɨzim.

Aisaia 43:19

Ia gan! Kɨ bizir igiam damuasava ami. Ezɨ bizir kam a datɨrɨghɨn otifi, ezɨ ia ti an ganiz, o puvatɨ? Kɨ danganir mɨsɨngizibar tuavibar ingarɨva, egh kɨ dɨpabar amutɨ, da gumazamiziba puvatɨzir danganir kamɨn ivemaram.

Solomon 5:13

An koviamningɨn bar deragha mati temer eborir mughuriar aghuim itiba azenim gizɨfa. An iriviba, mati akɨmarir aghuim. An mɨgɨrɨgɨaba bar dera, mati sandan mughuriar aghuim.

Solomon 5:5

Kɨ uan roroar kɨ bar ifongezim bagha tiam kuasa dɨkafi. Kɨ uan dafarim isa tiar akamɨn gugunim darɨghasava amima, ezɨ sandan nan dafarimɨn itim, ira tiar akamɨn igugunimɨn poro.

Solomon 1:3

Nɨn mɨkarzim mughuriar bar aghuim iti. Kɨ nɨn ziam baregha bar akonge, mati kɨ sandan aghuim bagha bar akonge. Kamaghɨn, amizir igiaba bar nɨ gifonge.

Godɨn Araziba 8:2

Ikiavɨra Itir God, en God, a 40plan azenibar ian faragha ghua ia inigha gumazamiziba puvatɨzir danganim garui. Ia bizir kam gɨnɨghnɨghvɨra ikɨ. A dughiar kamɨn ian navir averiabagh fofoghasa, ia an Akar Gavgavibagh nɨghnɨghavɨra iti, o puvatɨ. Ia uari fer arazim agɨvagh, an apengan ikiasa, an osɨmtɨzir maba ia ganɨngi.

Akar Mogomem 5:8

An akɨnafarir kam inigha gɨvazɨma, 4plan bizir angamɨra itir kaba ko 24plan gumazir dapanir kaba Sipsipɨn Nguzimɨn boroghɨn uan teviba apɨri. Gumazir dapaniba vaghvagha gitan mɨn garir biziba ko golɨn itaribar suiki. Itarir kaba, pauran mɨgharir mughuriar aghuim zuim, bar dagh izɨfa. Bizir kam kamakɨn, Godɨn gumazamiziba God ko mɨgeir arazim.

Filipai 4:18

Ezɨ akɨnafarir kamɨn aven, kɨ ia na gamizir biziba bagha ia mɨnabi. Ia na bagha biziba inigha Epafroditusɨn dafarim gatɨzɨ a da inigha izezɨ kɨ da ini. Egha datɨrɨghɨn kɨ bizitam otevezir puvatɨ, kɨ mong bar izɨfa. Ia na ganɨngizir biziba, da mati mughuriar aghuim zuir ofa ia God ganɨdi. God ofan kamɨn gara a gifuegha bar akonge.

Matyu 2:11

Egha me dɨpenimɨn aven ghua borim uan amebam Maria ko, aning bato. Me tevibar pɨrigha avigha ghuaghira borimɨn ziam fe. Egha me uan mɨtariba kuigha bizir aghuir a bagha inigha izezibar an ekarim gami. Me gol ko mughuriar aghuim itir borem ko avir mɨgharir mughuriar aghuim gamim da isava a ganɨngi.

Ua Me Ini 30:34

Egha Ikiavɨra Itir God ua Moses kamaghɨn a mɨgei, “Ia mɨgharir mughuriar aghuim zuimɨn pauran ingarsɨ, pauran mughuriar aghuim zuir igharagha garitaba inigh, eghtɨ pauran kabar osɨmtɨziba voroghɨra mangɨ. Pauran kabanang: mean paura, ko pauran me zoghuabar mɨn garir bizimɨn ingarizim, ko galbanumɨn akɨmarimɨn eborir gavgavimɨn, ko pauran me iter balsamɨn eborimɨn ingarizim, bar da inigh,

Akar Mogomem 18:13

Bizir me amaga dagɨaba isir igharaziba uaghan iti, adar kara, sinamon ko, apir iriziba ko, pauran mughuriar aghuim gamim ko, grisɨn igharagha garir mughuriar aghuiba zuiba ko, sandan aghuim ko, wain ko, wel ko, plauan aghuim ko witba; men bulmakauba ko, sipsipba ko hoziaba ko dar karisba ko, pura ingangarir gumazamizir kɨniba, me dagɨaba bagha men ikɨrɨmɨriba amadi. Bizir kaba bar, gumazamizir dagh ivezamiba puvatɨ.

Solomon 3:7

Ia gan! Me akuriar aghuim inigha a gupugha izi. Ezɨ Atrivim Solomon uabɨ a gaperaghav iti. Ezɨ 60plan mɨdorozir gumaziba a ko izi. Me Israelian mɨdorozir gumazibar tongɨn itir mɨdorozir gumazir gavgaviba.

Aghuzir Akaba 7:17

Egha kɨ pauran mughuriar bar aghuim zuiba, mɨsiar kam ginge.

Hosea 9:10

Egha Ikiavɨra Itir God kamaghɨn mɨgei: “Kɨ faraghavɨra ian apizir dughiamɨn, ia bar dera, mati wainɨn ikarɨzim nguazir mɨdiarimɨn otogha deraghavɨra be. Ezɨ ian inazir afeziaba, mati temer fikɨn ovɨzir faraghavɨram aniba. Egha gɨn me Peorɨn Mɨghsɨamɨn otivigha, egha faraghavɨra asem Balɨn ziam fava aghumsɨzir araziba baghavɨra iti. Me bar aser kam gifonge, egha an mɨrara bar ikufi.