Solomon 3:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egha kɨ me ategha ghua maghɨra gumazir kɨ ifongezir kamɨn api. Kɨ a bagha ghua a muki, egha kɨ an ataghɨraghan aghua. Egha kɨ a inigha uan amebamɨn dɨpenimɨn ghu, egha ga amebar na batezimɨn danganir akuimɨn aven ghu.

Solomon 3:4 ပူးပေါင်းရင်းမြစ်များ

Solomon 8:2

Egha kɨ nɨ inigha ga uan amebamɨn dɨpenimɨn ghuzɨ, nɨ deravɨra nan sure gamighai. Ezɨ kɨ, wain ko pauran isɨngtɨzim sara verezim, a isa nɨ ganighai. Egha kɨ uan pomigranetɨn ovɨzibar dɨpaba nɨ ganɨngizɨ, nɨ da ameghai.

Aghuzir Akaba 8:17

Ezɨ gumazamizir manaba gavgavigha na buri, me nan ganam. Ezɨ gumazamizir manaba na gifonge, kɨ uaghan bar me gifuegham.

Aghuzir Akaba 4:13

Aghuzir akar aghuim, a nɨn ikɨrɨmɨrimɨn mɨngarim. Kamaghɨn nɨ zurara an suiragh deravɨram a geghuv, egh anetaghɨraghan markɨ.

Matyu 7:7

Egha Iesus ua me mɨgɨa ghaze, “Ia God ko mɨkɨm, egh biziba bagh an azang, eghtɨ a da isɨ ia danɨngam. Egh ia biziba bagh ruiva, ia da bativam. Egh ia tiam gafughafughtɨ, God ia bagh tiam kuigham.

Jeremaia 29:13

Eghtɨ dughiar kamɨn ia uan ifongiaba ko navir averiabar na buri nan gansɨ bar pamtemɨn ingaram. Ia kamaghɨn damu nan apigh nan boroghɨra izam.

Aisaia 45:19

Kɨ saghon ghugha mɨtatemɨn modogha uan akam akurir puvatɨ. Kɨ uan gumazamiziba, Jekopɨn ovavir boriba, kɨ kamaghɨn me mɨkemezir puvatɨ, ‘Ia pura mangɨ gumazamiziba puvatɨzir danganibar na buri.’ Kamaghɨn puvatɨ. Kɨ Ikiavɨra Itir God, kɨ guizɨn akam akuri, ezɨ nan akaba da guizbangɨra zui.”

Solomon 6:12

O nan amizim, kɨ nɨn gara, egha agorogem na mɨsosi. Kɨ kamaghɨn nɨghnɨsi, kɨ mati gumazir aruar mamɨn karisɨn aven iti.

Galesia 4:26

Godɨn Akɨnafarim kamaghɨn mɨkeme: “Amizir boriba puvatɨzir kam, nɨn boriba gɨn bar avɨrasemegham. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar, dɨbobonim gafiragham. Kamaghɨn nɨ amizir boriba isir puvatɨzim, nɨ bar akongegh. Nɨ amizir otɨrɨmɨrir mɨzazibagh fozir puvatɨzim, nɨn navim deragh, nɨ bar akuegh, pamtem dɨmɨva araghasɨ.” Ezɨ kamaghɨn Jerusalemɨn igharazim a Godɨn Nguibamɨn iti, Moses Osirizir Araziba a ikiagharɨghɨzir puvatɨzɨma, a datɨrɨghɨn fɨriaghɨrɨ. Ezɨ an en amebamɨn mɨn iti.

Matyu 28:9

Ezɨ Iesus tuavimɨn maghɨra aning bato, egha ghaze, “Mɨzarazir aghuim.” Ezɨ aning an boroghɨn ghua, an dagarimningɨn suiragha an ziam fe.

Solomon 7:5

Nɨn dapanim nɨn namnam gisɨn ikia bar dera, mati atrivimɨn dapanir asuam, egha mati Karmelɨn Mɨghsɨar orazim. Nɨn dapanir arɨzir gɨrakɨrangɨn guraghav itim, pigha ruaragha bar deragha taghtasi, mati atrivimɨn inir aghuim. Egh nɨn dapanarɨzir kam, atrivim damutɨ, a nɨ gakuegh, nɨn kalabuziar gumazimɨn mɨn otogham.

Jenesis 32:26

Aning uaning mɨsogha ikia gumazir kam Jekop mɨgɨa ghaze, “Amɨnim tiasa bar gefi. Eghtɨ nɨ na ateghtɨ kɨ mangam.” Ezɨ Jekop an akam ikaragha ghaze, “Nɨ faragh God mɨkɨmtɨ a deragh na damutɨ, kɨ gɨn nɨ ateghtɨ nɨ mangam.”

Akɨnafarir Pol Romɨn Nguibar Ekiamɨn Itir Sios Bagha Osirizim 8:35

Krais bar e gifongeghavɨra iti, kamaghɨn amizɨ tina e damutɨ, e Krais e gifongezir arazimɨn saghon ikiam? Puvatɨ. Osɨmtɨziba e bativam, o dughiar kuram e bativam, o gumazamiziba arazir kurabar e damuam o, mɨtiriaba en agham o, bizir daghuamiba puvatɨgham o, bizir kuram e gasɨghasɨgham o, me e mɨsoghtɨ e arɨmɨghiram, bizir kabanang e damutɨ, e ti Krais e gifongezir arazimɨn saghon ikiam, o? Bar puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 8:39

o bizir pɨn itiba, o bizir vazimɨn itiba, o God ingarizir biziba bar, dar tongɨn bizitam e damutɨ, e God e gifongezir arazimɨn saghon ikian kogham. An arazir e gifongezir kam, a Krais Iesus en Ekiamɨn ingangarimɨn, e ganɨngi.

Solomon 1:7

O nan roroar bar aghuim, kɨ bar nɨ gifonge. Nɨ na mɨkemegh, nɨ uan memen okoruam inigh managh mangam? Da danganir manamɨn mangɨgh grazir aghuiba bativ dar amam? Egh aruer ekiamɨn, da mangɨ managh muegh avughsam? Nɨ na mɨkemeghtɨ, kɨ nɨ buriamin ingangarir ekiam damuan kogham. Nɨ na mɨkemeghan koghtɨ kɨ ti initam inigh uan guam avaragh, egh memebagh eghuvir gumazir igharazibar memen okoruabar tongɨn nɨ buriam.