Solomon 3:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ nguibar ekiam geghuvir gumaziba arua iza na bato. Ezɨ kɨ men azara, “Gumazir kɨ ifongezir kam, ia ti an ganiz, o puvatɨ?”

Solomon 3:3 ပူးပေါင်းရင်းမြစ်များ

Solomon 5:7

Ezɨ nguibar ekiamɨn dɨvazim geghuvir gumaziba na batogha, na mɨsogha na mɨkarzim gasɨghasigha, egha kɨ azenan azuir korotiam ini.

Hibru 13:17

Ian gumazir dapaniba ian akurvaghasa zurara ian gari. Egh me gɨn ingangarir me amizibar gun God ko mɨkɨmam. Kamaghɨn amizɨ, ia men akaba baragh egh men apengan ikɨ. Ia kamaghɨn damutɨ, me bar akuegh uan ingangarim damuam. Ia kamaghɨn damuan koghtɨ, me osɨmtɨzim sara ian ganam, eghtɨ bizir kam ian akuraghan kogham.

Jon Osirizir Akar Aghuim 20:15

Ezɨ Iesus kamaghɨn an azara, “Amizim, nɨ manmaghsuava azi? Nɨ tina buri?” Ezɨ Maria ghaze, kar ti azenimɨn garir gumazim, egha a kamaghɨn Iesus mɨgei, “Gumazir aruam, nɨ an kuam inigh mangɨghɨva, egh danganir nɨ an atɨzimɨn gun na mɨkemegh. Eghtɨ kɨ mangɨva a iniam.”

Esekiel 3:17

“Nguazir kamɨn gumazim, kɨ Israelia geghuv men ganasa nɨ amɨsefe. Egh kɨ me mɨkɨmsɨ akatam mɨkemeghtɨ, nɨ oregh, ikiangsɨzim me danɨng me mɨkɨm.

Aisaia 62:6

O Jerusalem, nɨn dɨvazir mɨtiar gavgavibar pɨn, kɨ apaniba bagha garir gumaziba afe, eghtɨ ganganir gumazir kaba, arueba ko dɨmagaribar uan akabar kumighan kogham. Kɨ kamaghɨn me mɨkeme, “Ia Ikiavɨra Itir Godɨn deir gumazamiziba, ia avughsan markɨ.

Solomon 1:7

O nan roroar bar aghuim, kɨ bar nɨ gifonge. Nɨ na mɨkemegh, nɨ uan memen okoruam inigh managh mangam? Da danganir manamɨn mangɨgh grazir aghuiba bativ dar amam? Egh aruer ekiamɨn, da mangɨ managh muegh avughsam? Nɨ na mɨkemeghtɨ, kɨ nɨ buriamin ingangarir ekiam damuan kogham. Nɨ na mɨkemeghan koghtɨ kɨ ti initam inigh uan guam avaragh, egh memebagh eghuvir gumazir igharazibar memen okoruabar tongɨn nɨ buriam.