Solomon 3:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kɨ dɨmagaribar zurara akuava, irebabar gumazir kɨ ifongezir kamɨn gari. Egha irebamɨn aven kɨ pamtemɨn a gɨnɨghnɨgha danganiba bar a buriavɨra ikia ghua, egha an apizir puvatɨ.

Solomon 3:1 ပူးပေါင်းရင်းမြစ်များ

1 Pita 1:8

Ezɨ ia an ganizir puvatɨ, egha ia a gifuegha uan naviba isa a ganɨngi. Ezɨ datɨrɨghɨn ia an gari puvatɨ, egha ia nɨghnɨzir gavgavim an ikia egha bar akonge. Agoroger kam a nguazir kamɨn bizir maba bar dagh afira, ezɨ e a mɨkɨmamin akabagh asa.

Solomon 5:6

Kɨ uan roroar gumazir kɨ bar ifongezim bagha tiam kui. Kɨ gari, ezɨ puvatɨ, a zuamɨra ua ragha ghugha gɨfa. Ezɨ kɨ an garir puvatɨ. Kɨ an mɨgɨrɨgɨabagh nɨghnɨgha nan navim a bagha bar ikufi. Kɨ a buriagharua, an apizir puvatɨ. Kɨ an deima, a na ikarazir puvatɨ.

Solomon 1:7

O nan roroar bar aghuim, kɨ bar nɨ gifonge. Nɨ na mɨkemegh, nɨ uan memen okoruam inigh managh mangam? Da danganir manamɨn mangɨgh grazir aghuiba bativ dar amam? Egh aruer ekiamɨn, da mangɨ managh muegh avughsam? Nɨ na mɨkemeghtɨ, kɨ nɨ buriamin ingangarir ekiam damuan kogham. Nɨ na mɨkemeghan koghtɨ kɨ ti initam inigh uan guam avaragh, egh memebagh eghuvir gumazir igharazibar memen okoruabar tongɨn nɨ buriam.

Aisaia 55:6

“Ikiavɨra Itir God bar ian boroghɨra ikia ia mɨzua iti. Kamaghɨn, ia datɨrɨghɨn a buri izɨ an dɨmɨva, a baghvɨra ikɨ.

Aisaia 26:9

Dɨmagaribar mɨtiriam nan azi moghɨn, nan nɨghnɨzim nɨrara iti. Egha mɨzarazibar, kɨ uan navir averiamɨn aven nɨ ko ikiasa bar ifonge. Kɨ fo, nɨ nguazir kamɨn itir gumazamizibar araziba tuisɨsi, eghtɨ me ganɨva guizɨn nɨn araziba deraghvɨra dagh fogham.

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Onger Akaba 22:2

O nan God, kɨ aruebar nɨn deima, nɨ na barazir puvatɨ. Kɨ dɨmagaribar nɨn azangsɨghavɨra ikia tong avughsir puvatɨ.

Jon Osirizir Akar Aghuim 21:17

Egha dughiar mɨkezimɨn uam an azara, “Saimon, Jonɨn otarim, nɨ ti na gifonge?” Ezɨ Pita Iesus baseme, a dughiar mɨkezim uam an azaragha ghaze, nɨ ti na gifonge? Ezɨ a kamaghɨn Iesus mɨgei, “Ekiam, nɨ bar bizibagh fo. Nɨ fo, kɨ nɨ gifonge.” Ezɨ Iesus kamaghɨn a mɨgei, “Nɨ nan gumazamiziba sipsipbar mɨn men akurvagh deraghvɨra men gan.

Luk Osirizir Akar Aghuim 13:24

Ezɨ a kamaghɨn me mɨgei, “Kɨ ia mɨgei, gumazamizir avɨriba tiar akar asuvazimɨn aven mangɨva avegham. Kamaghɨn amizɨma ia gavgavigh tiar akar asuvɨrɨzir kamɨn dɨrighɨva aven mangɨ.

Onger Akaba 6:6

Kɨ dia ghuavti, nan gavgaviba bar gɨfa. Nan temeriba zurara dɨmagaribar nan mɨsiam giri, kɨ ara ghuav itima, nan dapanir aghoghonim bar kumkumi.

Onger Akaba 4:4

Ia atar uari bagh gan, egh arazir kuratam damuan markɨ. Ia uan mɨsiabagh ireghɨv ikɨ, mɨgɨrɨgɨar kam gɨnɨghnɨgh uan akabar kumigh. (Ighiam gamua an suiam atugha avughsegha ua ighiam gami.)

Jon Osirizir Akar Aghuim 11:29

Ezɨ Maria kamaghɨn oregha, zuamɨra dɨkavigha Iesus bagha ghu.