Solomon 2:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Kɨ oragha fo, nan roroar gumazir kɨ bar ifongezim na bagha izi! Kɨ garima, a mɨghsɨabagh isɨn uabɨ akura ivemara izi.

Solomon 2:8 ပူးပေါင်းရင်းမြစ်များ

Jon Osirizir Akar Aghuim 10:27

Nan sipsipba nan tiarim barasi, ezɨ kɨ me gɨfozɨ, me nan gɨn izi.

Akar Mogomem 3:20

“Ia oragh, kɨ tiar akamɨn tughav ikia, a gafughafusi. Ia nan tiarim baregh egh tiam kuightɨ, kɨ aven mangɨ ia ko ikiam. Egh kɨ ia ko damam, eghtɨ ia na ko damam.

Jon Osirizir Akar Aghuim 3:29

Gumazitam amizitamɨn ikiam, eghtɨ amizir kam a gumazir kamɨn amuim. Ezɨ gumazir kamɨn namakam, a tugha gumazir amuimɨn itimɨn akam baraghasa bar akonge. Ezɨ kamaghɨra agorogem nan navir averiam bar a gizɨfa.

Aisaia 52:7

Godɨn akar aghuim inigha izir gumazamizibar darorim, a bar dera. Me mɨghsɨabar pɨn ikegha akar aghuim inigha iza Saionɨn aven iza kamaghɨn mɨgei, “Ia dabirabir aghuim ko navir amɨrizimɨn ikɨ! Bizir bar aghuiba ia bativam, God ian akurvaghtɨ ia deravɨra ikiam. Eghtɨ ia Saionɨn gumazamiziba, ian God, an atrivimɨn ikiam.” Eghtɨ gumazamiziba akam inigha izir gumazamizibar gansɨ bar akuegham.

Solomon 2:17

A dagh eghuv dar gan mangɨtɨ amɨnim tiraghtɨ, mɨtarmem arɨ mangɨgham. O nan roroar gumazir kɨ bar ifongezim, nɨ zuamɨra raghɨrɨgh arɨ mangɨ, mati asɨzir dian apurir aghuir mam ivemara mɨghsɨar ekiabagh isɨn ara zui.

Aposel 14:10

Egha Pol kamaghɨn pamtemɨn dia, “Nɨ dɨkavigh mɨtɨgh!” Ezɨ gumazir kam uabɨ ekunigha mɨtɨgha maghɨram arui.

Aposel 3:8

Ezɨ a dɨkavigha uabɨ ekunigha maghɨram arui. Egha a Pita ko Jon sara Godɨn Dɨpenir avɨzibar aven aruava, pɨn uabɨ ekura, Godɨn ziam fe.

Jeremaia 48:27

Moap, nɨ fomɨra akar asuibar Israelia mɨgɨa, men ingarav ake. Manmaghɨn ami? Nɨ ti ghaze, Israelia okɨmakɨar gumazimɨn mɨn iti, ezɨ nɨ men ziam dɨkabɨra, egha zurara me geghara dapaniba roi, a?

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Aisaia 35:6

Eghtɨ gumazir suer kuraba, uari akun mavanang izighiram, mati ruarimɨn itir asɨzir mam, me dia a garɨsi. Eghtɨ gumazir mɨgeir puvatɨziba, me pamten dɨm, egh bar akuegham. Eghtɨ dɨpaba otiv gumazamiziba puvatɨzir danganibar mangɨ, egh nguazir mɨsɨngizibar itir fanebar ivemar magɨram.

2 Samuel 6:16

Me Akar Dɨkɨrɨzir Gavgavimɨn Boksiam atera Devitɨn Nguibar Ekiamɨn aven izir dughiamɨn, Solɨn guivim Mikal winduan tughav ikia men gari. A uan pam Atrivim Devitɨn garima, a ighiabagh amuava Ikiavɨra Itir Godɨn damazimɨn tintinibar uabɨ fakurava, Ikiavɨra Itir Godɨn ziam fe. Devit amir arazir kam, Mikal bar a gifongezir puvatɨ, kamaghɨn amizɨ a navir kuram Devitɨn ikia a baseme.

Luk Osirizir Akar Aghuim 6:23

Men afeziaba fomɨra kamaghɨra Godɨn akam inigha izir gumazibagh amizɨ moghɨn, me ia gami. Ia uaghan ivezir ekiam Godɨn Nguibamɨn a iniam. Kamaghɨn amizɨ dughiar kam otoghtɨ, ia bar akongeghɨva agorogem sara pɨn uari akun.

Solomon 4:16

O notɨn amɨnim, nɨ osegh dɨkafigh. O sautɨn amɨnim, nɨ dɨkavigh izɨ. Gua dɨkavigh izɨ nan azenim givang, egh danganiba bar dar amutɨ, da azenir kamɨn mughuriar aghuim ikiam. Eghtɨ nan roroar gumazir kɨ bar ifongezim, uan azenimɨn izɨva, egh an ter ovɨzir bar aghuibar amam.