Solomon 2:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Nan roroam, kɨ bar nɨ gifonge, ezɨ nan damaziba nan sirizɨ, nan agharapaniba bar nan amɨra. Ga uaning, nɨ ter ovɨziba ko wainɨn ovɨzir me apuzizir taba na danightɨ, kɨ dar amegh ua gavgavim iniam.

Solomon 2:5 ပူးပေါင်းရင်းမြစ်များ

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Hosea 3:1

Egha Ikiavɨra Itir God ua kamaghɨn na mɨgei, “Nɨ ua mangɨ uan amuim gifongegh. Nɨ faragha uan amuim gifonge, ezɨ a ghua poroghamiba uari bakeir arazim gami. Nɨ bar a gifongegh, mati kɨ uan gumazamiziba Israelia bar me gifonge. Guizbangɨra, me na ategha aseba bagha ghue, egha wainɨn ovɨzir me apuziziba isa asebar ofa gami. Me kamaghɨn amizɨ, kɨ Ikiavɨra Itir God me gifueghavɨra iti.”

2 Samuel 6:19

Egha Devit dagheba isa bar gumazamizibagh anɨngi. Gumaziba ko amiziba vaghvagha bret ko asɨzir tuzir me avimɨn tueziba ko wainɨn ovɨzir me apuziziba, me bar ada ini. Me da inigha gɨvagha, me uamategha uan nguibabar ghue.

Filipai 1:23

Nɨghnɨzir pumuning na getui. Kɨ bar ifonge, kɨ aremegh Krais ko ikiam. Nɨghnɨzir kam a bar dera.

Luk Osirizir Akar Aghuim 24:32

Ezɨ aning maghɨra uaning mɨgei, “A tuavimɨn ga batogha Godɨn Akɨnafarimɨn akabar ga mɨgeima, gan navimning dɨkafi.”

Solomon 7:8

Kɨ ghaze, kɨ iruer kamɨn mavanang, egh an dagheba iniam. Kɨ nɨn otemningɨn gari, aning mati wainɨn orozaghar ovɨzir avɨriba itimning. Ezɨ nɨn akamɨn otivir mughuriam, mati ter ovɨzir mughuriar aghuim itim.

Onger Akaba 63:8

Nan duam nɨ ko poroghav iti, ezɨ nɨn agharim deragha na avara.

1 Eghaghaniba 16:3

Egha Devit dagheba isa bar gumazamizibagh anɨngi. Gumaziba ko amiziba vaghvagha bretɨn rubuzim ko asɨzir tuzir me avimɨn tueziba ko wainɨn ovɨzir me apuziziba, me bar ada ini.