Solomon 2:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ A na inigha isar ekiam bagha uan dɨpenir ekiamɨn ghu. A bar na gifonge, ezɨ kɨ a bagha bar akonge, mati nir aghuir me isa gan dagher dɨpenimɨn ga avarazim, kɨ a bagha bar akonge.

Solomon 2:4 ပူးပေါင်းရင်းမြစ်များ

Solomon 1:4

Nɨ na inigh ga zuamɨra arɨ mangam. Nɨ mati nan atrivim, egh nɨ na inigh mangɨ uan danganir akuimɨn mangɨ. Egh ga uaghara bar akongegham. Nɨ bar na gifonge, kamagh amizɨ ga bar akonge. Gan agoroger kam, a bar wainba apir gumazibar agorogebagh afira. Nɨ bar deragha bar igharagha gari. Kamaghɨn amizɨ, amizir igiaba bar nɨ bagha pura iri.

Akar Mogomem 3:20

“Ia oragh, kɨ tiar akamɨn tughav ikia, a gafughafusi. Ia nan tiarim baregh egh tiam kuightɨ, kɨ aven mangɨ ia ko ikiam. Egh kɨ ia ko damam, eghtɨ ia na ko damam.

Onger Akaba 84:10

Kɨ aruer vamɨran nɨn dɨpenimɨn gumaziba uari akuvi naghɨn iti, a bar dera. Aruer kam, a 1,000plan aruer kɨ nguibar igharazimɨn itibagh afira. Kɨ uan Godɨn Dɨpenimɨn tiar akamɨn tughɨv ikiasa bar akonge. Kɨ gumazir kurabar dɨpenibar ikian aghua.

Aisaia 11:10

Eghtɨ dughiar kamɨn, atrivir igiam, Jesin ovavir boribar tongɨn otogh, mati temer ghuzir igiam, temer dakar kamɨn oto. Eghtɨ gumazamiziba bar an gantɨ, a me bagh ababanimɨn mɨn ikiam. Eghtɨ gumazir kamra, kantribar gumazamiziba a bagh izɨ a baghvɨra ikiam. Eghtɨ an Dɨpenir an avughsɨ ikiamim, bar gavgavigh ziar bar ekiam ikɨtɨ, an angazangarim bar me gisiragham.

Solomon 6:4

O kɨ ifongezir amizim, nɨn ganganim bar dera, mati Tirsan nguibar ekiam, ko Jerusalemɨn nguibar ekiam. Nɨn ganganim nan damazimɨn, nɨ amizir bar dirim, mati gumazir mam gari, mɨdorozir gumaziba uan ababanir inir avɨzibar suigha izi, ezɨ kɨ dɨgavir kuram gamigha mɨkɨman asa.

Onger Akaba 20:5

Nɨ uan apanibav sogh me abɨraghtɨ, e bizir kam bagh bar akuegham. E bizir kam gɨnɨghnɨgh uan Godɨn ziam fam. E ghaze, nɨ Ikiavɨra Itir Godɨn azangsɨzir biziba, an ada ikaragh da isɨ nɨ danɨngam.

Solomon 1:1

Onger akar kam a bar dera, egha onger akaba bar dagh afira. Me Solomon gɨnɨghnɨgha a baghavɨra ighiar kam osiri.

Onger Akaba 60:4

Nɨ nir avɨzitam fegh ghuavanaboghtɨ, nɨn atiatia nɨn apengan iti darazi an ganigh fogham. Eghtɨ men apaniba men agɨntɨghtɨ, me arɨ izɨ nɨn nir avɨzim batogh an apengan deragh ikiam. (Ighiam gamua an suiam atugha avughsegha ua ighiam gami.)

Esta 7:7

Ezɨ atrivim puvɨra atara dɨkavigha pura dagher dakozim ategha azenan ghua uan dɨpenimɨn dɨvazimɨn aven itir plauan azenimɨn ghu. Guizbangɨra Hamanɨn ganganim, atrivim bizir kam bagh osɨmtɨzim a danɨngam. A ua bagh Kwin Esta mɨkɨmɨva a gaghorasa. A ghaze, an apangkuvim nan ikɨ, egh atrivim na bagh mɨkɨmtɨ, a na gasɨghasɨghan kogham. Kamaghɨn a dɨpenimɨn aven ikiavɨra iti.

Jopɨn Akɨnafarim 1:10

Nɨ zuraram a ko, an amuiroghboriba ko, an biziba deravɨra dar gari. Mati, gumazim dɨvazir bar gavgavimɨn aven iti. Nɨ zurara deravɨram a gamua bulmakauba ko asɨzir avɨriba a ganɨngizɨ, da a itir nguazim bar a gizɨfa.