Solomon 2:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ A dagh eghuv dar gan mangɨtɨ amɨnim tiraghtɨ, mɨtarmem arɨ mangɨgham. O nan roroar gumazir kɨ bar ifongezim, nɨ zuamɨra raghɨrɨgh arɨ mangɨ, mati asɨzir dian apurir aghuir mam ivemara mɨghsɨar ekiabagh isɨn ara zui.

Solomon 2:17 ပူးပေါင်းရင်းမြစ်များ

Solomon 4:6

Aning mati mɨghsɨar mamning, mughuriar aghuiba itir biziba bar aning gizɨfa, mam sandan anezim, ezɨ mam pauran balsamɨn temer eborimɨn ingarizim. Kɨ mangɨ mɨghsɨar kamningɨn ikɨ mangɨtɨ amɨnim tiraghtɨ, aruem ovɨram.

2 Pita 1:19

Kamaghɨn amizɨ, e nɨghnɨzir gavgavimra Godɨn akam inigha izir gumazibar akabar iti. Ezɨ ia uaghan men akabar suiragh gavgavigh, egh deragham. Godɨn akam inigha izir gumazibar akaba mati lam mɨtatemɨn ikia isi moghɨn, Kraisɨn angazangarim ian navir averiabar aven ikɨ isiam. Arazir kam mati amɨnim itir mɨkovezim overiamɨn isitɨ, mɨtatem mangɨtɨ angazangarim otogham.

Hibru 10:1

Moses Osirizir Arazibar aven, e pura guizɨn bizir gɨn otivamibar ababaniba ko nedazibar gari. Ezɨ a guizbangɨn deravɨra bizir kabar en akazir puvatɨ. Moses Osirizir Araziba ghaze, me ofan kamaghɨn garibara, zurara azeniba bar dar amu. Kamaghɨn amizɨ, e fo, gumazamizir Godɨn boroghɨn zuiba, Moses Osirizir Arazibar gɨn mangɨ ofan kabar amightɨ, ofan kaba me akɨrightɨ, me deraghvɨram otoghan kogham. Puvatɨ.

Hibru 8:5

Ezɨ me nguazimɨn ikia ofa gamir ingangarim gamima ingangarir kam guizbangɨra Godɨn Nguibamɨn itir ingangarimɨn nedazim ko ababanim gami. Arazir kam uaghan Moses bato. A Godɨn Purirpenimɨn ingarasava amima, God kamaghɨn a mɨgei, “Nɨ Purirpenimɨn ingarsɨ, nɨ mɨghsɨamɨn ikia ganizir ababanimra, an gɨn mangɨ deragh an ingar.”

Akɨnafarir Pol Romɨn Nguibar Ekiamɨn Itir Sios Bagha Osirizim 13:12

Amɨnirbɨrim gɨvasava amima, amɨnim tiasa. Kamaghɨn amizɨ, e mɨtatemɨn araziba bar da ateghɨva angazangarimɨn aven mɨsoghsɨ, mɨdorozir biziba inigh dar aghuam.

Solomon 8:14

O nan roroar gumazir kɨ bar ifongezim, nɨ uamategh atamra izasa kɨ ifonge, mati dian asɨzir atiar aghuim mɨghsɨabagh isɨn ivemara izi, mɨghsɨar kaba, bizir mughuriar aghuir avɨriba dar iti.

Aghuzir Akaba 5:19

An ganganim bar derazɨ an araziba bar aghungi. Egha a bar nɨ gifonge, kamaghɨn amizɨ nɨ zurara a gɨnɨghnɨghɨva, egh bar a gifongegh. Egh nɨ zurara an otemning bagh bar akongegh.

Solomon 2:7

O Jerusalemɨn amiziba, kɨ kamaghɨn ian azai, ia dian asɨzir atiar aghuibagh nɨghnigh, egh na ko akam akɨrigh suam, Ia ga uaning gifongezir arazim, an tuavim apɨran markɨ, egh ikɨ mangɨtɨ gan ifongiam gɨvagham.