Solomon 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ fighɨn temeba be. Ezɨ ruarimɨn beniba akɨmariba otifi, ezɨ dar akɨmariba mughuriar aghuiba zui. O nan amizir kɨ bar ifongezim, nan amizir dirim, nɨ dɨkavigh azenan izɨ, egh ga arɨ mangam.”

Solomon 2:13 ပူးပေါင်းရင်းမြစ်များ

Solomon 2:10

Nan roroar gumazir kɨ bar ifongezim kamaghɨn na mɨgei: “O nan amizir kɨ bar ifongezim, nɨ nan amizir dirim, nɨ dɨkavigh azenan izɨ, egh na ko, ga arɨ mangam.

Aisaia 61:11

Kɨ fo, Ikiavɨra Itir God, nan Ekiam, uan arazir aghuim ko uan akurvazir arazim nan akagham, mati nguazim dagher ovɨziba an aven ikia biaba otiva anaga azenim girɨ. Eghtɨ Kantrin Igharazibar Gumazamiziba Ekiamɨn arazir kamɨn ganigh an ziam fam.

2 Korin 5:20

Kar e Kraisɨn abuir gumazamizibar otivigha, mati God uabɨ uan dɨmdiam ia ganɨngizɨ moghɨn, e akar kam ia mɨkɨri. Kamaghɨn, e Kraisɨn danganim isa, ia gakaghora ghaze, ia Godɨn apanim gamir araziba ategh an namakabar otifigh.

Luk Osirizir Akar Aghuim 19:42

Egha a kamaghɨn mɨgei, “Jerusalem, kɨ kamaghsua, nɨ amua datɨrɨghɨn navir amɨrizimɨn bizibagh foghai. Kamaghɨn amizɨ, da datɨrɨghɨn nɨn modo.

Matyu 24:32

Egha Iesus ua kamaghɨn mɨgei, “Temer fighɨn aguaba ua dɨz murtɨ, ia fogh suam, amozimɨn dughiam roghɨra ize. Ia temer fighɨn gan nɨghnɨzim iniam.

Hagai 2:19

Guizbangɨra, ian dagher dɨpenir ekiar dagheba arɨziba, datɨrɨghɨn witba dar puvatɨ. Eghtɨ ian wainɨn ikarɨziba ko, fighɨn temeba ko, pomigranetɨn temeba ko, olivɨn temeba, da tɨghar bam. Datɨrɨghɨn ikegh mangɨ, kɨ bar deraghvɨra ia damuam.”

Hosea 14:6

Me deraghvɨra otogham, mati tememɨn ghuzir igiaba otifi. Men ganganim bar deragham, mati olivɨn temer dirimɨn mɨn bar dera. Eghtɨ gumazamiziba bar me bagh bar akuegham, mati me kantri Lebanonɨn temer sidabar mughuriar aghuariba bagha agoi.

Aisaia 18:5

Guizbangɨra, kantrin kam bar gavgafi, mati wainɨn ikarɨzim deravɨram otogha, an akɨmariba otivigha irezɨ, wainɨn ovɨziba kɨran oveghangɨn aniam. Gumazim anɨngaghegha wainɨn ovɨzir ghuariba itir aguam atuzɨ a irɨzɨ moghɨn, God kantrin kam gasɨghasɨgham.

Solomon 7:8

Kɨ ghaze, kɨ iruer kamɨn mavanang, egh an dagheba iniam. Kɨ nɨn otemningɨn gari, aning mati wainɨn orozaghar ovɨzir avɨriba itimning. Ezɨ nɨn akamɨn otivir mughuriam, mati ter ovɨzir mughuriar aghuim itim.

Solomon 6:11

Kɨ izaghirɨgha gɨvagha azenimɨn aven itir temer aghuir ovɨziba itibar tongɨn iti. Kɨ temeba ko dar akɨmarir otivibar ganasa danganir zarimɨn ize. Kɨ wainɨn ikarɨzir mumuriba, ko temer dagher aghuiba itibar akɨmaribar ganasa ize.

Solomon 1:15

Ame! Nɨ amizir bar dirim ezɨ kɨ bar nɨ gifonge. Ezɨ nɨ uaghan na gifonge, ezɨ nɨn damazim bar dera mati kuarazir bunbamɨn damazim.

Solomon 2:15

Gan wainɨn ikarɨzibar, akɨmariba otifi. E fo, afiar atiar muziariba aruava tintinibar wainɨn azenibagh asɨghasɨghasava ami. Kamaghɨn amizɨ, nɨ afiar atiar muziarir kabar suikigh, eghtɨ da gan azenimɨn aven izegh gan wainɨn ikarɨzibagh asɨghasighan kogham.