Solomon 1:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ O nan roroar bar aghuim, kɨ bar nɨ gifonge. Nɨ na mɨkemegh, nɨ uan memen okoruam inigh managh mangam? Da danganir manamɨn mangɨgh grazir aghuiba bativ dar amam? Egh aruer ekiamɨn, da mangɨ managh muegh avughsam? Nɨ na mɨkemeghtɨ, kɨ nɨ buriamin ingangarir ekiam damuan kogham. Nɨ na mɨkemeghan koghtɨ kɨ ti initam inigh uan guam avaragh, egh memebagh eghuvir gumazir igharazibar memen okoruabar tongɨn nɨ buriam.

Solomon 1:7 ပူးပေါင်းရင်းမြစ်များ

Aisaia 13:20

Gumazitam ua nguibar kamɨn ikian kogham. Eghtɨ uaghan Arebian gumaziba izɨ uan averpenitam danganir kamɨn anesaraghan kogham. Eghtɨ sipsipbar garir gumaziba uan sipsipba inigh izɨtɨ, da danganir kamɨn irɨv ikɨ avughsan kogham.

Onger Akaba 28:1

O Ikiavɨra Itir God, nɨrara dagɨar gavgavimɨn mɨn na modozɨ, kɨ nɨn apazangɨn itima nɨ na geghufi. Kɨ uabɨn akurvaghsɨ nɨn dɨmamin dughiamɨn, nɨ gumazir kuarir onganimɨn mɨn na baraghan koghan markɨ. Kɨ nɨ ko mɨgeir mɨgɨrɨgɨaba, nɨ da baraghan koghtɨ, kɨ ti ovegh mangɨ Oveaghuezibar Nguibamɨn mangɨgham.

Akar Mogomem 7:17

Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

1 Jon 2:19

Kraisɨn apanir kaba faragha e ko ikegha, e ategha azenan ghue. Egha me guizbangɨra en adarazi puvatɨ. E fo, me en adarazi amuava, e ko ikiai. Me e ategha ghue, ezɨ e fo, me en adarazi puvatɨ.

1 Pita 2:7

Ezɨ ia nɨghnɨzir gavgavim Kraisɨn itiba, ia fo, Krais mati dɨpenir akɨnir bar aghuim. Ezɨ nɨghnɨzir gavgavim puvatɨziba, Godɨn Akɨnafarimɨn me ghaze: “Dɨpenir akɨnir kam, kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava.”

1 Pita 1:8

Ezɨ ia an ganizir puvatɨ, egha ia a gifuegha uan naviba isa a ganɨngi. Ezɨ datɨrɨghɨn ia an gari puvatɨ, egha ia nɨghnɨzir gavgavim an ikia egha bar akonge. Agoroger kam a nguazir kamɨn bizir maba bar dagh afira, ezɨ e a mɨkɨmamin akabagh asa.

Jon Osirizir Akar Aghuim 21:17

Egha dughiar mɨkezimɨn uam an azara, “Saimon, Jonɨn otarim, nɨ ti na gifonge?” Ezɨ Pita Iesus baseme, a dughiar mɨkezim uam an azaragha ghaze, nɨ ti na gifonge? Ezɨ a kamaghɨn Iesus mɨgei, “Ekiam, nɨ bar bizibagh fo. Nɨ fo, kɨ nɨ gifonge.” Ezɨ Iesus kamaghɨn a mɨgei, “Nɨ nan gumazamiziba sipsipbar mɨn men akurvagh deraghvɨra men gan.

Jon Osirizir Akar Aghuim 10:11

“Kɨ uabɨ kɨ sipsipbagh eghuvir gumazir aghuim. Sipsipbagh eghuvir gumazir aghuim, a uan sipsipbar akurvaghsɨ me bagh aremegham.

Matyu 10:37

“Tina uan afeziam ko amebam bar aning gifongegha, faragha aning arɨgha, egha na isa gɨn arɨsi, a guizbangɨra nan namakam puvatɨ. Tina uan otarim o guivim bar aning gifongegha, faragha aning arɨgha, egha na isa gɨn arɨsi, a nan namakam puvatɨ.

Maika 5:4

Eghtɨ gumazir dapanir kam otogh, uabɨ uan gumazamiziba Ikiavɨra Itir Godɨn gavgavimɨn men ganam, mati sipsipbagh eghuvir gumazim deravɨra uan sipsipbagh eghufi. Guizbangɨra, a Ikiavɨra Itir God, an God, an an ziar ekiamɨn me gativagham. Eghtɨ gumazamizir kantrin igharazibar itiba an gavgavim gɨfogham. Eghtɨ an gumazamiziba deragh ikiam.

Jeremaia 33:12

“Kɨ Ikiavɨra Itir Godɨn Gavgaviba Bar Itim, kɨ kamaghɨn mɨkeme: Datɨrɨghɨn nguazir kam ko an itir nguibaba ikuvigha iti, ezɨ gumazamiziba ko asɨziba dar itir puvatɨ. Ezɨ gɨn, gumazamiziba ua nguibar kabar ikiam. Eghtɨ grazir aghuiba dar aghungam, eghtɨ sipsipbagh eghuvir gumaziba kantrin kamɨn nguazir oteviba bar, ua uan ingangarim damuam. Me graziba itir danganir aghuibar sipsipbar aku mangɨtɨ me aghuvsam.

Aisaia 40:11

A sipsipbagh eghuvir gumazimɨn mɨn, uan gumazamiziba deragha me geghuva men gari. A zurara uan agharimningɨn sipsipɨn nguziba akumakua, me isa uan evarim garɨgha, me ateragha arui. A sipsipɨn amebar nguzir bar muziariba itiba, a men asughasugha, me isa tuaviba men akakagha, men akua zui.

Aisaia 26:9

Dɨmagaribar mɨtiriam nan azi moghɨn, nan nɨghnɨzim nɨrara iti. Egha mɨzarazibar, kɨ uan navir averiamɨn aven nɨ ko ikiasa bar ifonge. Kɨ fo, nɨ nguazir kamɨn itir gumazamizibar araziba tuisɨsi, eghtɨ me ganɨva guizɨn nɨn araziba deraghvɨra dagh fogham.

Aisaia 5:1

Ia oraghtɨ, kɨ uan namakar kɨ ifongezim bagh onger akar kam bangam. Nan onger akar kam, kɨ uan namakamɨn wainɨn azenim geghari. Nan namakam, mɨghsɨam gisɨn itir nguazir mam iti, dagheba an deragha aghui, ezɨ a nguazir kamɨn wainɨn azenimɨn ingari.

Solomon 8:13

O amizir kɨ ifongezim, nɨ azenimɨn aven ikɨ mɨkɨmtɨ, kɨ nɨn tiarim baragham. Nan namakaba uaghan nɨn tiarim baraghasa.

Solomon 6:3

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api.

Solomon 5:16

A nan torima, kɨ an isɨngtɨzim isi. An mɨkarzim bar moghɨra na gamima, kɨ bar a gifonge. O ia Jerusalemɨn amiziba, kɨ ifongezir gumazir kam, a nan roroar aghuim, an ganganim kamaghɨn gari.

Solomon 5:10

Nan roroar gumazir kɨ bar ifongezim, a bar gavgavigha, an guam bar derazɨ, an damazimning dafozɨ, an mɨkarzimɨn ganganim bar dera, egha gumazir tausen plan avɨribar ganganim gafira.

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Solomon 2:16

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api moghɨn, a na ko ikiasa bar akonge.

Solomon 2:3

Nan roroar gumazir kɨ bar ifongezim, a gumazir igiar igharazibar tongɨn ikia, mati temer dagher aghuiba itim, a ruarimɨn ikia temer igharazibar tongɨn ti. Aruer ekiamɨn dughiam kɨ an dughuazimɨn aven ikiasa bar ifonge. Temer kamɨn ovɨziba bar deragha nan akatorimɨn bar isɨngi.

Onger Akaba 116:1

Ikiavɨra Itir God nan dɨmdiaba ko azangsɨziba barasi. Kamaghɨn kɨ bar a gifonge.

Onger Akaba 80:1

O Israelia geghuvir gumazim, nɨ deravɨra e barakigh. Nɨ sipsipbar mɨn Josepɨn ovavir boribagh eghuva, deragha men gari. Nɨ uan atrivir dabirabim gaperaghav ikia, enselɨn bar gavgavibar pɨn iti. Nɨ uan angazangarim e gisiragh.

Onger Akaba 18:1

O Ikiavɨra Itir God, nɨ gavgavim na ganɨdi, ezɨ kɨ nɨ bagha bar ifonge.

Jenesis 37:16

Ezɨ Josep kamaghɨn mɨgei, “Kɨ uan aveghbuaba bagha rui. Nɨ danganir me ikia uan sipsipbar garim, an gun na mɨkɨmam o?”

Solomon 6:2

Nan roroar gumazir kɨ bar ifongezim, uan azenim giraghu. Azenir kam, bizir mughuriar aghuiba itiba, a gizɨfa. An memen okoruam azenimɨn graziba api, ezɨ an akɨmarir aghuiba akumakua da arɨsi.

Rutɨn Eghaghanim 2:21

Ezɨ Rut ua kamaghɨn Naomi mɨgei, “Boas uaghan na mɨgɨa ghaze, ‘Kɨ an ingangarir amiziba ko ingarvɨra ikɨ mangɨtɨ ingangarim gɨvagham.’ ”