Solomon 1:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Guizbangɨra, nan mɨkarzim pɨki, ezɨ ia kamaghɨn nɨghnɨghan markɨ, kɨ ti pura ingangarir amizir kɨnim. Puvatɨ. Aruem na gapongezɨ, nan mɨkarzim kamaghɨn oto. Nan tuebaba nan atara na gamizɨ, kɨ ghua wainɨn azenibar gari. Kamaghɨn amizɨ, kɨ deragha uan mɨkarzim geghuvir puvatɨ.

Solomon 1:6 ပူးပေါင်းရင်းမြစ်များ

Onger Akaba 69:8

Nan aveghbuaba gumazir igharazimɨn gari moghɨn nan gari. Ezɨ nan adarazi nguibar igharazibar gumazimɨn gari moghɨn nan gari.

Jopɨn Akɨnafarim 30:30

Nan mɨkarzim mɨsigha pigha inge, ezɨ nan mɨkarzimɨn inir muziariba tintinibar pura vuaghira iri. Ezɨ arɨmariar kurar kam nan mɨkarzim gamizɨ, a puvɨra fei.

Galesia 4:29

Nguazimɨn amiziba boriba isi moghɨn otozir otarim, a Godɨn Duamɨn gavgavimɨn otozir otarim pazava a gami. Kamaghɨra, datɨrɨghɨn Moses Osirizir Arazibar apengan itir gumazamiziba, e tina Godɨn Duamɨn apengan iti, me en aghuagha osɨmtɨziba e garɨsi.

Aposel 14:22

Aning gavgavim suren gumazamizibagh anɨga akurvazir mɨgɨrɨgɨabar me gamua ghaze, ia uan nɨghnɨzir gavgavibar tuivigh gavgafigh. Aning kamaghɨn me mɨgɨa ghaze, “E God Bizibagh Ativaghamin Dughiamɨn aven mangɨsɨ, e faragh osɨmtɨzir avɨribar aven mangɨgham.”

Mak Osirizir Akar Aghuim 4:6

Ezɨ dar biba bar nguazimɨn aven iraghuezir puvatɨzɨ, aruem anaga dagh isirazɨ, da isia mɨsɨngi.

Matyu 10:25

Eghtɨ suren gumazim uan tisan mɨn otoghɨva, egh deragham. Egh ingangarir gumazim uan ekiamɨn mɨn otoghɨva, a uaghan deragham. Me ziar kam Belsebul isa dɨpenimɨn ghuavim gatɨ, ezɨ e kamaghɨn fo, me uaghan bar ziar kuraba da isɨva an adarazir arɨgham.”

Matyu 10:22

Eghtɨ gumazamiziba bar nan ziam bangɨn ian aghuagham. Eghtɨ gumazamizir gavgavigh ikɨ mangɨ dughiar abuananamɨn otoghamiba, God men akurvagham.

Jeremaia 12:6

Ezɨ nɨn aveghbuaba ko nɨn adarazi akɨrim nɨ gasaragha, osɨmtɨzim nɨ darɨgh pazɨ nɨ damuasa akam mɨsoke. Egha uari akuvagha nɨ ekɨarugha gɨvagha, bar nɨn suighasa roghɨra izi. Kamaghɨn amizɨ, me izɨ akar aghuibar nɨ mɨkɨmtɨ, me baraghan markɨ.”

Jeremaia 8:21

Kɨ Jeremaia, kɨ uan gumazamizir kɨ bar ifongezibar garima, me dɨghoraghire, ezɨ nan nɨghnɨziba ikufi. Kɨ bar osemegha aziava aravɨra iti.