Solomon 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ O Jerusalemɨn itir amizir igiaba, ia oragh. Nan mɨkarzim pɨki, Ezɨ kɨ ganganir aghuim gami. Nan mɨkarzim pigha, mati Kedarɨn purirpenim. Ezɨ nan ganganim bar dera, mati inir aghuir Solomonɨn dɨpenimɨn guighav itiba.

Solomon 1:5 ပူးပေါင်းရင်းမြစ်များ

2 Korin 5:21

Krais uabɨ arazir kuratam gamizir puvatɨ. Ezɨ God kamaghsua, e Krais ko porogh, an gavgavimɨn e Godɨn damazimɨn gumazamizir aghuibar otivam. Kamaghɨn, God en akurvaghasa en arazir kuraba bar Krais gisɨn da arɨki, ezɨ Krais mati uaghan gumazir arazir kurabagh amir mamɨn mɨn oto.

Luk Osirizir Akar Aghuim 15:22

“Ezɨ an afeziam kamaghɨn uan ingangarir gumazibav gei, ‘Ia zuamɨra! Korotiar bar aghuir ruarim inigh izɨva a darugh. Egh ring an dafarim darugh, dagarir asuaba a daghuigh!

Solomon 5:16

A nan torima, kɨ an isɨngtɨzim isi. An mɨkarzim bar moghɨra na gamima, kɨ bar a gifonge. O ia Jerusalemɨn amiziba, kɨ ifongezir gumazir kam, a nan roroar aghuim, an ganganim kamaghɨn gari.

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Solomon 2:14

Nɨ uan dɨpenimɨn aven ikia, mati kuarazir bunbam saghon itir mɨghsɨamɨn dagɨar torir muziarimɨn modoghav iti. Nɨ azenan izɨtɨ, kɨ nɨn guar dirimɨn ganɨva, egh nɨn tiarir isɨngtɨzim baragham.

Solomon 2:7

O Jerusalemɨn amiziba, kɨ kamaghɨn ian azai, ia dian asɨzir atiar aghuibagh nɨghnigh, egh na ko akam akɨrigh suam, Ia ga uaning gifongezir arazim, an tuavim apɨran markɨ, egh ikɨ mangɨtɨ gan ifongiam gɨvagham.

Onger Akaba 120:5

Maia! Kɨ uabɨn apangkufi! Kɨ Mesekia ko Kedarian tongɨn pazava aperazɨ moghɨn, ian tongɨn datɨrɨghɨn pazava apera.

Akɨnafarir Pol Romɨn Nguibar Ekiamɨn Itir Sios Bagha Osirizim 13:14

Egh ia uan Ekiam Krais Iesus arugh, mati gumazim mɨdorozir biziba aghui. Ia uan navir ghurimɨn arazibagh nɨghnɨghɨva, navir ghurimɨn ifongiam uam an gɨn mangan markɨ.

Luk Osirizir Akar Aghuim 13:34

Egha Iesus ua kamaghɨn mɨgei, “Oio, ia Jerusalemɨn adarasi, kɨ ian apangkufi! Ia Godɨn akam inigha izir gumazibav sozi me ariaghiri, egha God ia bagha amadir gumaziba, ia dagɨaba isa me ginivi me ariaghiri. Dughiar avɨribar kɨ ian boriba akuv me mughasa, mati tuarir amebam uan avɨzimingɨn nguziba avarazɨ moghɨn, kɨ ia damuasa ifonge. Ezɨ ia na bagh izan aghua.

Matyu 22:11

“Ezɨ gumazamiziba apiazɨma, atrivim men ganasa aven zui. Egha a ghua gumazir mamɨn garima, a poroghamibar isamɨn azuir adiaritam aruzir puvatɨ.

Matyu 10:25

Eghtɨ suren gumazim uan tisan mɨn otoghɨva, egh deragham. Egh ingangarir gumazim uan ekiamɨn mɨn otoghɨva, a uaghan deragham. Me ziar kam Belsebul isa dɨpenimɨn ghuavim gatɨ, ezɨ e kamaghɨn fo, me uaghan bar ziar kuraba da isɨva an adarazir arɨgham.”

Esekiel 16:14

Nɨn ganganiba deravɨram otozɨ, Kantrin Igharazibar Gumazamizir avɨrim, nɨn eghaghanim gɨfo. Kɨ uabɨ nɨ asɨngizɨ nɨ ganganir bar aghuim gamua taghtasi. Kɨ Ikiavɨra Itir Godɨn Ekiam, kɨ kamaghɨn mɨkeme.

Aisaia 61:10

Godɨn ingangarir gumazim ghaze: Kɨ uan Ikiavɨra Itir God bagh bar akongegham. Guizbangɨra, a nan akurazɨ, an arazir aghuim mati korotiar ruarim na avara, egha mati gumazim amuimɨn ikiasa deragha kurke, egha mati amizim pamɨn ikiasa deragha kurke. Kamaghɨn amizɨ, an navir averiamɨn aven itir bar akongezir arazim bar na gizɨfa.

Aisaia 60:7

“Eghtɨ Kedaria ko Nebaiotia uan sipsipba nɨ bagh da inigh izam. Eghtɨ kɨ uan gumazamizibar gantɨ, me uan sipsipba inigh nan ofa damusɨ nan ofa gamir dakozimɨn izɨtɨ, kɨ men gan bar akuegham. Eghtɨ kɨ uan Dɨpenir dirim damightɨ, a ziar ekiam inigh bar pɨn ikiam.

Solomon 6:4

O kɨ ifongezir amizim, nɨn ganganim bar dera, mati Tirsan nguibar ekiam, ko Jerusalemɨn nguibar ekiam. Nɨn ganganim nan damazimɨn, nɨ amizir bar dirim, mati gumazir mam gari, mɨdorozir gumaziba uan ababanir inir avɨzibar suigha izi, ezɨ kɨ dɨgavir kuram gamigha mɨkɨman asa.

Solomon 4:3

Nɨn iriviba bar aghevegha, mati benir aghevim. Nɨn akatorim bar aghungigha, bar dera. Inim nɨn guam avara, ezɨ kɨ nɨn koviamningɨn gari, aning dafo, mati pomigranetɨn ovɨzir aghevir akuam.

1 Jon 3:1

Ia nɨghnɨgh, Afeziar Ekiam bar e gifuegha en dɨghorim gami. Egha ziar kam, Godɨn boriba, e gatɨ. Ezɨ guizbangɨra, e an boribara. Nguazir kamɨn gumazamiziba God gɨfozir puvatɨ, me kamaghɨn uaghan e gɨfozir puvatɨ.

Efesus 5:26

Krais kamaghɨn ifonge, an akamɨn tuavimɨn, a uan sios dɨpamɨn a rueghtɨ a Godɨn damazimɨn zuegham.

Galesia 4:26

Godɨn Akɨnafarim kamaghɨn mɨkeme: “Amizir boriba puvatɨzir kam, nɨn boriba gɨn bar avɨrasemegham. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar, dɨbobonim gafiragham. Kamaghɨn nɨ amizir boriba isir puvatɨzim, nɨ bar akongegh. Nɨ amizir otɨrɨmɨrir mɨzazibagh fozir puvatɨzim, nɨn navim deragh, nɨ bar akuegh, pamtem dɨmɨva araghasɨ.” Ezɨ kamaghɨn Jerusalemɨn igharazim a Godɨn Nguibamɨn iti, Moses Osirizir Araziba a ikiagharɨghɨzir puvatɨzɨma, a datɨrɨghɨn fɨriaghɨrɨ. Ezɨ an en amebamɨn mɨn iti.

Aisaia 53:2

Guizbangɨra, Ekiam uan ingangarir gumazim ataghizɨ, a mati temer mam nguazir mɨsɨngizimɨn oto. Ingangarir gumazir kam, an ganganim tong en damazibar derazir puvatɨ, kamaghɨn amizɨ, a ziaba puvatɨ. Ezɨ bizir aghuitam an itir puvatɨ, eghtɨ e an ganɨva a gakongam.

Solomon 8:4

O Jerusalemɨn amiziba, kɨ kamaghɨn ian azai, ia na ko akam akɨrigh suam, ga uaning gifongezir arazim, ia an tuavim apɨran markɨ, egh ikɨ mangɨtɨ gan ifongiam gɨvagham.

Solomon 3:10

Akuriar aghuir kamɨn sueba, me silvan dar ingari, ezɨ an dabirabir danganim me golɨn an ingari. Ezɨ me akuriar aghuir kamɨn danganir apiaghirimɨn pilo, atrivimɨn inir pɨghaghevimɨn anevara. Jerusalemɨn amiziba deravɨra dabirabir kam asɨngi. Me atrivim bagha ingangarir kam damuasa bar ifonge.

Solomon 3:5

O Jerusalemɨn amiziba, kɨ kamaghɨn ian azai, ia dian asɨzir atiar aghuibagh nɨghnigh, egh na ko akam akɨrigh suam, ia ga uaning gifongezir arazim, an tuavim apɨran markɨ, egh ikɨ mangɨtɨ gan ifongiam gɨvagham.

Onger Akaba 149:4

Ikiavɨra Itir God uan gumazamizibagh ifonge. Gumazir uari abɨra igharaz darazir apengan itiba, a men ziaba fava, me gami me mɨdorozim gamua uan apaniba abɨri.

Onger Akaba 90:17

O Ekiam, nɨ en God, e kamaghɨn ifonge, nɨ en apangkuvigh deraghvɨra e damu. Bizir e amiba mar deraghvɨrama otiv. Nɨ guizbangɨra bizir e amiba, nɨ gavgavim dar anɨngightɨ, da gavgavigh mamaghɨra ikɨ.

Onger Akaba 45:9

Atrivibar guivir maba, me nɨn ziaba itir amizibar tongɨn ikia nɨn dɨpenimɨn aven iti. Ezɨ amizir igiar nɨn amuimɨn otoghamim, a nɨn agharir guvimɨn tughav iti. A Ofirɨn kantrin golɨn asɨngizir korotiar aghuim arugha tughav iti.

Aisaia 21:16

Ezɨ Ekiam kamaghɨn na mɨkeme, “Kedarɨn nguibar ekiamɨn itir gumazamiziba, uan bizir aghuiba sara bar gɨvaghamin azenir bar vamɨra iti. Kɨ bar deravɨra azenir kamɨn dughiaba vaghvagha da medi, egh azenir kam gɨvamin aruer kamra, kɨ me damuasa mɨkemezir bizibar me damuam.

Esekiel 27:21

Ezɨ Arebian gumazamiziba ko kantri Kedarɨn gumazir dapaniba, nɨ ko dagɨaba bagha ingara, uan sipsipɨn nguziba ko sipsipɨn apuriba ko memeba, nɨn biziba bagha, da isa nɨ ko ikarvazir arazim gami.