Sekaraia 9:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia Saionɨn nguibar ekiamɨn itir gumazamiziba, ia bar akongegh! Ia Jerusalemɨn itir gumazamiziba, ia bar tiariba akar pamtemɨn dɨm. Ia gan, ian atrivim mara ia bagha izi! A ziar ekiam ikiava mɨdorozim gamuava uan apaniba abɨri. Egha a uabɨ uan ziam fer puvatɨ. A gumazir kɨnir ziaba puvatɨzir mamɨn mɨn donkin mam gaperagha izi. Kar donkin amebamɨn nguzir asem.

Sekaraia 9:9 ပူးပေါင်းရင်းမြစ်များ

Sekaraia 2:10

Egha Ikiavɨra Itir God ua ghaze, “Ia Saionɨn nguibamɨn gumazamiziba, ia mati nan guivir kɨ ifongezim, ia araghasɨva bar akongezir ighiabar amu. Bar guizbangɨra, kɨ uabɨ izɨ ian tongɨn ikiam.

Mak Osirizir Akar Aghuim 11:7

Egha aning donki inigha Iesus bagha izegha uan korotiar azenan azuiba suegha donki gisɨn da ghuanizɨ, Iesus a gisɨn apera.

Aisaia 43:11

Kɨ uabɨra, kɨ Ikiavɨra Itir God, egha ian Akurvazir Gumazim, ezɨ ian akurvazir gumazitam ua itir puvatɨ.

Matyu 11:29

Ia na da fofozim iniva nan mɨgɨrɨgɨabar apengan ikɨ, egh mati temer ruarir me bulmakauningɨn tuemning gatɨzɨma aning uaning inigha ingangarim gami moghɨn, ia nan apengan ikɨ. Ia na gɨfo, kɨ uan navir averiamɨn aven uabɨ dɨkabɨragha, egha gumazamizibar asughasusi. Egh kɨ ia damutɨ ia aghuvsazim iniam.

Aisaia 40:9

O Saionɨn gumazamiziba, ia mɨghsɨar ekiamɨn mavanangɨva, akar aghuim akun. O Jerusalemɨn gumazamiziba, ia pamtemɨn dɨmɨva akar aghuim akun. Nɨ atiatingan kogh, akam akun Judan nguibabav kɨm suam, “Ia gan, ian God a izi!”

Aisaia 62:11

Ia oragh! Ikiavɨra Itir God, kamaghɨn nguazir kamɨn gumazamiziba bar me mɨkemegha ghaze: “Ia Saionɨn nguibamɨn gumazamiziba bagh mangɨ kamaghɨn me mɨkɨm suam, ‘Ia gan, ian Akurvazir Gumazim, a izi! A faragha mɨdorozim gamua apanibagh afiragha, gumazamiziba bizir aghuibar mɨn me inizɨ, me a ko izi.’

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

Aisaia 12:6

O Saionɨn Mɨghsɨamɨn itir gumazamiziba, ia fo, Israelian Godɨn Bar Zuezim, a ian tongɨn ikia ingangarir ekiabagh amua, ziar bar ekiam iti. Kamaghɨn amizɨ, ia pamten dɨmɨva arang bar akuegh onger akabar amu.

Onger Akaba 2:6

“Kɨ uabɨ gumazir atrivimɨn ikiamin kam amɨsevegha gɨfa. Kɨ uabɨ a isa Saionɨn Mɨghsɨar ua bagha inabazimra anefazɨ, an aperaghav iti.”

Jon Osirizir Akar Aghuim 1:49

Ezɨ Nataniel akar kam baregha kamaghɨn a ikaragha ghaze, “Tisa, nɨ Godɨn Otarim! Nɨ Israelian Atrivim!”

Matyu 1:21

An otarim bateghtɨma, eghtɨ a uan gumazamizibar arazir kuraba gɨn amadagh men akurvagham. Kamaghɨn nɨ ziam Iesus a datɨgh.”

Jeremaia 30:9

Kɨ Ikiavɨra Itir God, men God, me nan apengan ikiam. Eghtɨ kɨ me bagh Atrivim Devitɨn ovavir boribar tav amɨseveghtɨ, a me gativagh men ganam. Eghtɨ me an apengan ikiam.”

Aisaia 45:21

Ia gumazamiziba bar moghɨra izɨ kotɨn aven uari bagh mɨkɨm. Ia fofoghsɨ uarira uarir azangsɨgh suam, godɨn manamra a fomɨra bizir datɨrɨghɨn otivasa mɨkemeziba, da datɨrɨghɨn guizbangɨrama otifi? Kɨrara, kɨ God, kɨ bizir kabav kemezɨ, da datɨrɨghɨn otifi. Ezɨ ua godba puvatɨ. Kɨ Godɨn arazir aghuibaram amim, egha kɨ ian Akurvazir Gumazim. Ezɨ ua godba puvatɨ, kɨrara kɨ God.

Onger Akaba 45:1

Mɨgɨrɨgɨar aghuir avɨrir maba nan nɨghnɨzimɨn izi. Kɨ onger akar kam osirightɨ me atrivim bagh a dɨponam. Nan mɨzem mati fɨnfɨnim, a gumazir akɨnafariba osira fofozimɨn mɨn ikia onger akar kam osiri.

Jon Osirizir Akar Aghuim 19:15

Ezɨ me kamaghɨn dei, “A batokegh! A batueghtɨ a mangɨ! A isɨ ter ighuvimɨn a gafugh!” Ezɨ Pailat men azara, “Ia ifonge, kɨ ian Atrivim isɨ ter ighuvimɨn a gafugham?” Ezɨ ofa gamir gumazir ekiaba kamaghɨn an akam ikaragha ghaze, “E atrivir igharaziba puvatɨ. Sisar bar uabɨra!”

Matyu 2:2

Egha me kamaghɨn azai, “Borir Judabar Atrivimɨn ikiamim, amebam a batezɨ a managh iti? E an gun mɨgeir mɨkovezim aruem anadi naghɨn an ganigha an ziam fasa izi.”

Luk Osirizir Akar Aghuim 24:27

Egha Iesus aning geghari. A faragha Moses osirizir akabav gɨa, ghua, Godɨn akam inigha izir gumazibar akaba bar aning mɨgei. A Godɨn Akɨnafarimɨn itir akar an gun mɨkemeziba, dar mɨngariba bar aningɨn sure gami.

Gumazir Dapaniba 10:4

A 30plan otariba itima, me 30plan donkibagh apiagha mangɨgh izegh gami. Me Distrik Gileatɨn nguazimɨn, 30plan nguibar ekiaba iti. Me datɨrɨghɨn nguibar ekiar kaba kamaghɨn dar bori, “Jairɨn Nguibar Ekiaba,” egha iza datɨrɨghɨn.

Onger Akaba 149:2

Ia Israelia, God ian ingari, ezɨ ia an bizir kam bagh bar akongegh. Ia Saionɨn nguibamɨn gumazamiziba, ia uan atrivim bagh bar akongegh.

Aisaia 30:6

Ekiam, a Negevɨn danganimɨn, sautɨn amadaghan itir gumazamiziba puvatɨzir danganimɨn itir asɨzir atiaba, akar kam me ganɨngi. A kamaghɨn mɨgei: “Judan gumazir aruaba sautɨn amadaghan itir gumazamiziba puvatɨzir danganir kam garui. Kar gumazamiziba osɨmtɨziba bativamin danganir kurar mam. Laionɨn amebaba ko apuriba ko, kuruzir gumazamizibagh iviba ko, kuruzir kurar mɨghegha zuiba ko, asɨzir atiar kuraba danganir kamɨn iti. Ezɨ gumazir aruar kaba ingangarir dafam gamua, bizir bar aghuir ivezim bar pɨn koziba isa, donkiba ko kamelbagh isɨn arigha ghua, kantrin men akurvaghan koghamiba bagha da atera zui.

Aisaia 33:22

Bar guizbangɨra, Ikiavɨra Itir God uabɨ, jasɨn mɨn ikɨ, egh en atrivimɨn ikɨ, en gumazir deravɨra en ganamim mɨn ikɨ, egh en Akurvazir Gumazimɨn ikiam.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Hosea 1:7

Kɨ Judan gumazamiziba, bar me gifongeghavɨra iti. Kɨ Ikiavɨra Itir God, men God, kɨ uan gavgavimɨn men akurvagham. Kɨ mɨdorozir sabam ko, barir pim inigh me bagh mɨsogh men akuraghan kogham. Kɨ men akurvaghsɨ mɨdorozir gumaziba ko hoziaba amadaghan kogham. Puvatɨ, kɨ tuavir igharazim iti.”

Maika 5:2

Ikiavɨra Itir God ghaze, “O Betlehem, nɨ Efratan Distrighɨn itir nguibam, nɨ Judan anababar nguibabar tongɨn, nɨ nguibar bar dozim, ezɨ nɨn aven gumazitam na bagh gumazir dapanimɨn otogh Israelia gativagh men ganam. Ezɨ bar fomɨra, an ovavir bar faraghavɨra itim, an otogha ike, ezɨ an adarazi datɨrɨghɨn ikia ghuavɨra iti.”

1 Atriviba 1:38

Kamaghɨn amizɨ, ofa gamir gumazim Sadok, ko akam inigha izir gumazim Natan, ko Jehoiadan otarim Benaia, ko Keretia, ko Peletian adarasi, me bar ghua Solomon inigha, Atrivim Devitɨn donki gafagha an akua Gihonɨn Dɨpar Atuir Emɨmɨrimɨn uaghiri.

Aisaia 52:7

Godɨn akar aghuim inigha izir gumazamizibar darorim, a bar dera. Me mɨghsɨabar pɨn ikegha akar aghuim inigha iza Saionɨn aven iza kamaghɨn mɨgei, “Ia dabirabir aghuim ko navir amɨrizimɨn ikɨ! Bizir bar aghuiba ia bativam, God ian akurvaghtɨ ia deravɨra ikiam. Eghtɨ ia Saionɨn gumazamiziba, ian God, an atrivimɨn ikiam.” Eghtɨ gumazamiziba akam inigha izir gumazamizibar gansɨ bar akuegham.

Esekiel 21:32

Avim ia gasɨghasigham, eghtɨ ian ghuziba ian nguazimra iram. Eghtɨ tav ua ia gɨnɨghnɨghan kogham. Kɨ Ikiavɨra Itir God, kɨ kamaghɨn mɨkemegha gɨfa.”

Maika 4:8

Ezɨ nɨ Jerusalem, God nɨn ikia uan gumazamizibar gari, mati sipsipbar gari gumazim uan sipsipbar garir dɨpenir dɨvazimɨn aven iti. Nɨ faragha me geghuvi moghɨn, nɨ bar ekevegh uan kantrin nguibaba bar da gativagh, dagh eghuvam.