Sekaraia 9:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ “Kɨ uan gumazamizibar garima me mɨzazir ekiam ini. Kamaghɨn amizɨ, kɨ uan kantri geghuv, mɨdorozir gumaziba ateghtɨma, me nguazir kamɨn izeghan kogham. Kɨ uam apaniba ateghtɨ me ua nan gumazamiziba abɨnɨva arazir kurabar me damuan kogham.”

Sekaraia 9:8 ပူးပေါင်းရင်းမြစ်များ

Aisaia 54:14

Kɨ uan arazir aghuimɨn gɨn mangɨ nɨ damightɨ, nɨ gavgavigham. Eghtɨ gumazir nɨ dɨkabɨraghamin tam ua nɨn boroghɨn ikian kogham. Eghtɨ nɨ bizitam uam an atiatingan kogham. Atiatir arazim nɨn saghon ikiam.

Aisaia 60:18

Egh nguazir kamɨn ruaghatevir nɨ gariba, gumazamiziba ua tintinibar uariv soghan koghtɨ, nɨ bizir asɨghasɨzir nɨgɨnitam bareghan kogham. Eghtɨ nɨn dɨvazir gavgavimɨn ziam kamaghɨn ikiam, ‘Ekiam Gumazamizibar Akurvasi.’ Eghtɨ nɨn dɨvazir gavgavimɨn tiar akar ekiamɨn ziam kamaghɨn ikiam, ‘E Ekiamɨn Ziam Fam.’

Aisaia 52:1

O Saion, nɨ dɨkavigh tugh gavgavigh! O Jerusalem, nɨ God baghavɨra itir nguibar ekiam! Nɨ kurkazir bar aghuiba uabɨn kurkegh ganganir bar aghuim damuam. Guizbangɨra, Ekiam gɨfozir puvatɨziba, me gumazir uan mɨkarzir mogomer iniba aghorezir puvatɨziba, ko Godɨn damazimɨn zuezir puvatɨziba, me uam nɨn aven izan kogham.

Jeremaia 31:12

Eghtɨ me izɨ Saionɨn Mɨghsɨamɨn tugh bar akuegh, egh bar pamtemɨn araghasɨ dɨm ighiabar amuam. Egh bizir bar aghuir Ikiavɨra Itir God me ganɨngiziba bagh bar akuegham. Egh me wit ko, wain ko, olivɨn boreba ko, sipsipba ko, bulmakaun kɨ me ganɨngiziba, me da bagh bar akuegham. Egh me bar deraghvɨram otivigham, mati dagher azenim dɨpamɨn otevezir puvatɨ. Egh me ua pazɨ ikian kogham.

Amos 9:15

Kɨ uan gumazamizibar amamangatɨghtɨ, me nguazir kɨ me ganɨngizir kam deragh a dapiagh ikiam. Eghtɨ gumazitam uam me batueghan kogham. Kɨ Ikiavɨra Itir God, ian God, kɨ mɨkemegha gɨfa.”

Esekiel 39:29

Kɨ uan Duam isɨ Israelɨn ikɨzim gingegham, egh uam akɨrim ragh me gasaraghan kogham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Aisaia 52:12

Ia fomɨra Isip ategha zuamɨram aravghuzɨ moghɨn, ia Babilon ategh zuamɨra arɨ izan kogham. Puvatɨ. Ia bar aghumra daru izam. Eghtɨ Ikiavɨra Itir God, a ian faragh mangam. Egh uaghan ian gɨn izam, egh a bar deragh ian gan, ia geghuv ian aku izam.

Aisaia 31:5

E fo, kuaraziba pɨn mɨgha, egha deraghvɨra uan mɨkonibar itir nguzibagh eghufi. Kamaghɨra, kɨ Ikiavɨra Itir Godɨn Gavgaviba Bar Itim, kɨ deragh Jerusalem geghuv deragh an ganam. Kɨ zurarama an boroghɨn ikɨ mangɨn izegh damu a getiva deragh an ganɨva an akurvagham.”

Onger Akaba 72:4

Atrivim deragh onganarazibagh amir gumazamizibar akurvagh men osɨmtɨziba akɨram. A biziba puvatɨzir gumazamizibar akurvagham. Egh gumazir igharaz darazi gasɨghasɨghasava amiba, a me abɨnam.

Onger Akaba 34:7

Ikiavɨra Itir Godɨn ensel, gumazamizir an atiatia an apengan itiba, a me apaza men akurvasi. Eghtɨ osɨmtɨziba me gasɨghasɨghan kogham.

2 Samuel 16:12

Ikiavɨra Itir God nan arazir kurabar osɨmtɨzibagh fo, egh a ifongeghɨva, a ti adarir kurar datɨrɨghɨn otivizir kaba bagh arazir aghuim na ikaragh, deraghvɨra na damuam.”

Ua Me Ini 3:9

Ezɨ nan gumazamiziba, kɨ men ararem baregha, Isipia pazavɨra me gamir arazibar ganigha gɨfa.

Akar Mogomem 20:9

Me tintinibar nguazir kamɨn mangɨ, Godɨn gumazamiziba uari akuva itir danganim ekɨarugham, kar nguibar ekiar God bar ifongezim. Eghtɨ avim overiamɨn ikegh izighirɨ mɨdorozir gumaziba bar men isigh me kuavaremegham.

Aposel 7:34

Kɨ arazir bar kurar me Isipɨn nan gumazamizibagh amibar gani. Egha kɨ men arareba baregha, men osɨmtɨziba gɨvasa izaghiri. Nɨ izɨ, kɨ ua Isipɨn nɨ amangam.’

Sekaraia 14:11

Eghtɨ Jerusalemɨn itir gumazamiziba danganir kamɨn deravɨra ikiam, eghtɨ bizitam ua me gasɨghasɨghan kogham.

Sekaraia 12:8

Dughiar kamɨn kɨ Ikiavɨra Itir God, kɨ Jerusalemɨn gumazamiziba geghuvam, mati gumazim oramɨn uabɨ modi. Kɨ gavgavim me danɨngtɨ, gumazir mɨdorozibar gavgavizir puvatɨziba, me Atrivim Devitɨn mɨn gavgavigham. Eghtɨ Devitɨn ovavir borir gɨn otivamiba, me, men gumazir dapanibar ikiam, eghtɨ me mati Ikiavɨra Itir Godɨn ensel o God uabɨ, egh me, me geghuvam.

Jeremaia 46:13

Babilonɨn Atrivim Nebukatnesar izɨ Isipɨn kantri ko mɨsoghamin dughiamɨn, Ikiavɨra Itir God akar mam isa uan akam inigha izir gumazim Jeremaia ganɨngi. Akar kam kamakɨn:

Jeremaia 46:2

Akar mam, Isipia bagha ghu. Akar kam, a Isipɨn atrivim Nekon mɨdorozir gumaziba bagha ghu. Mɨdorozir gumazir kaba Yufretisɨn Fanemɨn boroghɨn, Karkemisɨn nguibamɨn otifi. Ezɨ namba 4ɨn azenimɨn, Josaian otarim Jehoiakim, Judan atrivimɨn itima, Babilonɨn Atrivim Nebukatnesar uan mɨdorozir gumaziba ko, iza Isipia mɨsogha me dɨkabɨra. Dughiar kamɨn, Ikiavɨra Itir God Babilonia gɨnɨghnɨgha akar kam isa Isipia ganɨga ghaze:

Aisaia 26:1

Dughiatam gɨn otoghtɨ, Judan nguazimɨn itir gumazamiziba ighiar kam damuam: En nguibar ekiaba bar gavgafi! Ikiavɨra Itir God, a uabɨ en dɨvazir bar mɨtiar gavgavimɨn mɨn iti. An en akurvazima, e uan apaniba dɨkabɨri.

Aisaia 4:5

Gumazamiziba Saionɨn Mɨghsɨamɨn pɨn Godɨn ziam fɨsɨ uari akuvaghtɨ, Ikiavɨra Itir God ghuariatam damightɨ, an otogh Saionɨn Mɨghsɨam avaragham. Aruebar, ghuariam a gisɨn ikiam, egh dɨmagaribar, a mɨgharim ko avir mɨzariar angazangarimɨn mɨn isi ikiam. Ghuariar kam, averpenimɨn mɨn an mɨghsɨam gisɨn guraghɨv ikɨ, an ziar ekiam ko angazangarir ekiamɨn aven itir bizir aghuiba, an a da avaragham.

2 Atriviba 24:1

Ezɨ Jehoiakim Judabar atrivimɨn itir dughiamɨn, Babilonian Atrivim Nebukatnesar uan mɨdorozir gumaziba ko iza Judan kantri mɨsosi. Egha a me abɨragha, Atrivim Jehoiakim gamizɨ, an an apengan iti. Ezɨ 3plan azeniba gɨvazɨ, Atrivim Jehoiakim, Atrivim Nebukatnesar a gativaghan a bar aghua, egha a uam an apengan itir puvatɨ.

2 Atriviba 23:29

Josaia atrivimɨn itir dughiamɨn, Isipɨn Atrivim Neko, Isipɨn mɨdorozir gumaziba inigha Asirian atrivim ko mɨsoghasa Yufretisɨn Fanemɨn ghu. Atrivim Josaia bizir kamɨn akam baregha, uan mɨdorozir gumaziba inigha ghua Isipia ko mɨsosi. Me Megidon nguibar ekiamɨn boroghɨn mɨsozima, Isipian Atrivim Josaia mɨsoghezɨ, an areme.

Ua Me Ini 3:7

Ezɨ Ikiavɨra Itir God kamaghɨn a mɨgei, “Kɨ guizbangɨra gari, nan gumazamiziba Isipɨn kantrin ikia, men ikɨrɨmɨrim bar ikufi. Egha kɨ me barazi, me ingangarimɨn garir gumazir kurabar atiatia, nan akurvazim bagha arai. Ezɨ kɨ bar men osɨmtɨzibagh fogha men apangkufi.

Sekaraia 9:7

Eghtɨ Filistian ikiavɨra itir varazira, me nan gumazamizibar mɨn otivigh Judan anababar tongɨn ikiam. Jebusia fomɨram amizɨ moghɨn, Ekronba datɨrɨghɨn nan gumazamizibar ikiam. Kamaghɨn amizɨma, me ghuziba itir asɨzir tuzibar aman koghɨva, uaghan Judaba ataghizir dagheba, me dar aman kogham.

2 Atriviba 19:34

Kɨ uan ingangarir gumazim Devit, a ko dɨkɨrɨzir akam ko, uan ziar ekiam gɨnɨghnɨgh, egh bizir kamning bangɨn, kɨ nguibar ekiar kamɨn ganɨva an akurvagham.’ ”

Aghuzir Akaba 3:25

Eghtɨ dughiar kuram zuamɨram otogh gumazir kurabagh asɨghasɨghtɨ, nɨ atiatingan markɨ. Dughiar kamagh gariba izam, mati amozir dafaba ko amɨnir gavgaviba izi, eghtɨ nɨ nɨghnɨzir avɨribar amuan markɨ.

Sekaraia 12:4

Kɨ Ikiavɨra Itir God, kɨ dughiar kamɨn apanibar hoziabar amightɨ, da bar atiatigham, eghtɨ dagh isɨn apiazir gumaziba bar onganigham. Kɨ Judabagh eghuva, men apanibar hoziabar amightɨ dar damaziba bar okavigham.