Sekaraia 9:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Egha uaghan a Hamat, a nguibar ekiar Distrik Hadrakɨn boroghɨn itim, ko, Tairɨn nguibam ko, Saidonɨn nguibamɨn gari. Tair ko Saidonɨn gumaziba ti ghaze, me fofozir aghuir avɨriba iti. Ezɨ Ikiavɨra Itir God guizbangɨra uaghan men gari.

Sekaraia 9:2 ပူးပေါင်းရင်းမြစ်များ

Esekiel 28:12

“O nguazir kamɨn gumazim, nɨ mangɨ Tairɨn atrivim bagh azirakam damu, a mɨkɨm suam: “Kɨ Ikiavɨra Itir Godɨn Ekiam kamaghɨn nɨ mɨgei: Nɨ faragha gumazamiziba bar me gafiragha gumazir aghuimɨn oto. Ezɨ nɨn fofozim bar ekevegha nɨ gamizɨ nɨn ganganiba bar dera.

Jeremaia 49:23

Ikiavɨra Itir God akam Damaskusɨn nguibar ekiamɨn gumazamizibar iti. A kamaghɨn mɨgei: “Hamat ko Arpatɨn nguibar ekiamningɨn gumazamiziba, me bativamin bizir kuraba me da baregha, dɨgavir kuram gami. Me atiatia, nɨrɨzir agorogem sara ikia deragha apiazir puvatɨ. Me mati ongarir ekiam dɨpɨraghira puv ingara amɨraghirɨgha itir puvatɨ.

Obadia 1:20

Israelɨn notɨn itir mɨdorozir gumaziba, me faragha kantrin igharazimɨn kalabusɨn ikezɨma, men kalabuziam gɨvazɨma me ua ize. Gumazir kaba mangɨ Fonisian nguazim inigh, mangɨ notɨn amadaghan Sarefatɨn nguibamɨn tugham. Ezɨ Jerusalemɨn itir mɨdorozir gumazir kalabusɨn ikegha uamategha izeziba, me Sarefatɨn nguibamɨn ikia, Negevɨn Distrighɨn aven itir nguibaba iniam.

Amos 6:14

Ezɨ Ikiavɨra Itir God, a Godɨn Bar Gavgaviba Itim kamaghɨn mɨgei, “Israelia, kɨ kantrin igharazibar mɨdorozir gumazitaba amadaghtɨ, me izɨ ia ko mɨsogham. Egh me notɨn amadaghan itir nguibam Hamatɨn ikegh ia gasɨghasɨgh, mangɨ sautɨn amadaghan Araban Fanemɨn tugham.”

2 Atriviba 25:21

Kar Hamatɨn nguazim. Ezɨ atrivim mɨkemezɨ, me gumazir kabav soghezɨ me ariaghire. Babilonia kamaghɨn amigha, me gɨn Judan igharaziba inigha ghua Babilonɨn kalabus gatɨ.

2 Atriviba 23:33

Isipɨn Atrivim Neko, Joahasɨn atrivir ingangarim agɨfa, egha a isa Riplan nguibar ekiamɨn kalabus gatɨ, an Hamatɨn kantrin aven itir nguibam. Ezɨ Joahas Jerusalemɨn aven uam atrivimɨn itir puvatɨ. Ezɨ Atrivim Neko Judan kantrin gumazamizibagh amima, me takisɨn mɨn dagɨaba a ganɨdi, dar dɨbobonim, 3,400 kilogrem silva ko 34 kilogrem gol.

1 Atriviba 17:9

“Nɨ dɨkavigh Saidonɨn nguibar ekiamɨn boroghɨn itir nguibar mam Sarefatɨn mangɨ, egh kagh daperagh ikɨ. Nɨ oragh, nguibar kamɨn, amizir mam iti, an pam areme. Kɨ, dagheba nɨ danɨngɨva egh nɨn gan nɨn akurvaghasa, kɨ amizir kam amɨsevegha a mɨkeme.”

Dɨboboniba 13:21

Kamaghɨn amizɨ, 12plan gumazir kaba moga garir gumazibar mɨn Kenanɨn nguazim getiasa ghue. Me Sautɨn amadaghan Senɨn gumazamiziba puvatɨzir danganimɨn otogha ghua nguibar ekiam Rehopɨn oto, a notɨn amadaghan ikia Hamatɨn nguibar ekiamɨn zuir tuavir akamɨn boroghɨn iti.

Jeremaia 25:22

Tairɨn atriviba ko, Saidonɨn atriviba ko, ongarimɨn vongɨn itir nguibabar atriviba sara, kɨ bar me ganɨngi.

Jeremaia 47:4

“Filistiaba gasɨghasɨghamin dughiam a izegha gɨfa. Kɨ men tuavim apɨrigham, eghtɨ me ua Tair ko Saidonɨn akuraghan kogham. Fomɨra Filistian ovaviba Kritɨn Arighatɨzim ategha iza Filistian nguibar ekiabar iti. Ezɨ datɨrɨghɨn, kɨ Ikiavɨra Itir God, kɨ nguibar ekiamɨn itir Filistian varazira gasɨghasɨghasava ami.

Esekiel 27:1

Ikiavɨra Itir God kamagh na mɨgei.

Esekiel 28:1

Ikiavɨra Itir Godɨn Ekiam kamaghɨn na mɨgei,

Amos 1:3

Amos kamaghɨn mɨgei: “Ia oragh! Ikiavɨra Itir God Akar Gavgavir kam ia ganɨga ghaze, Sirian kantrin aven itir nguibar ekiam Damaskus, an gumazamiziba arazir kurabagh amua ghuavɨra iti. Me Gileatɨn Distrighɨn itir gumazamiziba bar me dɨkabɨragha me abɨni. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.