Sekaraia 7:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Bar guizbangɨra, kɨ me batoghezɨ, me ghua Kantrin Igharazibar Gumazamizibar tongɨn, pura guighav iti, mati amɨnir ekiam bizibagh ivara. Ezɨ men nguazir aghuir kam, danganir kuramɨn mɨn otozɨ, gumazitam uam a garuir puvatɨ.”

Sekaraia 7:14 ပူးပေါင်းရင်းမြစ်များ

Godɨn Araziba 28:64

“Egh Ikiavɨra Itir God, ia amangightɨ ia nguazir kamɨn tintinibar kantrin igharazibar mangegham. Ia kantrin kabar ikɨva, men asebar ziaba fam, aser kabar marvir guaba, me temeba ko dagɨabar dar ingari. Ia ko ian inazir afeziaba fomɨra aser kabar ziaba fer puvatɨ.

Godɨn Araziba 28:33

Egh ikɨzir igharazibar gumazamizir ia fozir puvatɨziba izɨ dagher ia puvɨra ingarava opariziba iniam. Egh me zurara pazɨ ia damu, egh mɨzaziba ia danɨngam.

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Godɨn Araziba 4:27

Egh Ikiavɨra Itir God, ia aghamsightɨ ia tintinibar mangɨ kantrin igharazibar ikiam, egh ian gumazamizir avɨrim arɨmɨghireghtɨ vabara ikiam.

Sekaraia 2:6

Ikiavɨra Itir God uan gumazamiziba kamaghɨn me mɨgei, “Ia izɨ! Ia izɨ! Kɨ fomɨra tintinibar ia aghamsɨghizɨ, ia nguazir kamɨn danganiba bar dar ghue. Ezɨ datɨrɨghɨn, ia kalabusɨn itiba, ia Babilonɨn nguibar ekiam ategh arɨ ua Saionɨn izɨ. Ia dɨkavigh zuamɨra izɨ!”

Sefanaia 3:6

Ikiavɨra Itir God kamaghɨn mɨgɨa ghaze, “Kɨ kantrin maba bar me agɨfa, egha men nguibar ekiabagh asɨghasɨki. Ezɨ dar nguibar ekiar dɨvazir gavgaviba itiba ko, dɨpenir ruarir ganganir gumaziba itiba, da ikuvigha iti. Gumazitaba nguibar ekiabar itir puvatɨ, kamaghɨn amizɨ, gumazamiziba ua nguibar ekiabar aven itir tuavibagh aruir puvatɨ.

Sekaraia 9:14

“Ikiavɨra Itir God uan gumazamizibagh isɨn azenaram otogh barir pimɨn asam. Eghtɨ an afuziba onɨmarim mɨn taghtagh zuamɨra mangam. Eghtɨ Ikiavɨra Itir Godɨn Ekiam sɨgham givigh, sautɨn amadaghan ikegh, pamtem sueba akun daru, amɨnir bar gavgavim ko, amozim sara izam.

Habakuk 3:14

Apaniba en agɨraghtɨ e pura tintinibar arɨ mangasa, me amɨnir bar dafamɨn mɨn izi. Apaniba e dɨkabɨnasa bar akuegha, mati gumaziba pazɨ gumazir biziba puvatɨzibar amuasa izima, gumazir biziba puvatɨziba mongegha iti. Ezɨ puvatɨ, nɨ apanibar mɨdorozir gumazibar dapanimɨn barir afuziba inigha dar anarɨram ase.

Nahum 1:3

Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Amos 1:14

Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Daniel 8:9

Ezɨ komɨn dozir igiar mam, 4plan komɨn kabar mam gisɨn aghui. Egha komɨn igiar kamɨn gavgavim bar ekefegha ghuavɨra ikia gumazamizir sautɨn amadaghan itiba ko, aruem anadi naghɨn itiba ko, God uan gumazamizibagh anɨngizir nguazir aghuir kamɨn me dɨkabɨra.

Jeremaia 52:30

Ezɨ a namba 23ɨn azenimɨn atrivimɨn itir dughiamɨn, gumazir dapanir faragha zuim, Nebusaradan, Judan gumazamizir 745pla inigha kalabus gatɨ. Me bar moghɨra men dɨbobonim, 4,600plan gumazamiziba.

Jeremaia 44:6

Kamaghɨn amizɨ, kɨ bar men anɨngaghegha, Judan nguibaba ko Jerusalemɨn tuaviba bar pazavɨra dagh amua dagh asɨghasɨki. Ezɨ me ikuvigha kamaghɨra iti.

Jeremaia 36:19

Ezɨ gumazir dapaniba kamaghɨn Baruk mɨgei, “Nɨ mangɨ Jeremaia inigh gua mangɨ modogh. Nɨ gumazitam ateghtɨ a gua modir danganim gɨfoghan markɨ.”

Jeremaia 30:23

Ia gan! Ikiavɨra Itir Godɨn anɨngagharim gumazir kuraba bativasava ami, mati amɨnir gavgavim ko amozir ekiam me bato, egha mati amɨnir ighuagha aruim men dapaniba abɨni.

Jeremaia 5:15

Kɨ Ikiavɨra Itir God, kamaghɨn Israelia ia mɨgɨa ghaze, Ia Israelia, ia oragh! Kɨ saghon itir nguibar mamɨn mɨdorozir gumaziba inigh izɨtɨ, me ia ko mɨsogham. Me fomɨra uan kantrin ikia iza datɨrɨkɨn, egha me gumazamizir bar gavgaviba. Egh ia men akar me mɨgeim mɨkɨman iburagham. Egh uaghan a gɨfoghsɨ damuva avegham.

Aisaia 21:1

Ikiavɨra Itir God, Babilon ikuvighamin akar kam anɨngi, an ongarimɨn boroghɨn gumazamiziba puvatɨzir danganimɨn iti. Ia oragh, osɨmtɨzir bar dafam ko, bizibagh asɨghasɨzir arazim me batogham. Apaniba izɨ mati, amɨnir bar gavgavim, Negevɨn danganim, a sautɨn amadaghan itir gumazamiziba puvatɨzir danganimɨn ikegha, pamtem ivegha iza bɨzimɨn mɨn nguazim avigha izi. Gumazamiziba puvatɨzir danganir kam, gumazamizibagh amima me bar atiati.

Aisaia 17:13

Apaniba mati, aperiar dafam aforegha izi. Eghtɨ God men atarɨva pamtem me mɨkemeghtɨ, me uamategh arɨ uan nguibabar mangam. God men agɨraghtɨ, me pura mangam, mati amɨnim mɨghsɨabar dɨkavigha, raizɨn mɨsevibagh varazɨ, da pura tintinibar zui, egha mati amɨnir dafam pamtem iza, nguazir mɨneziba avizɨ da tintinibar ghuavanadi.

Onger Akaba 58:9

Gumazim temer muziarim voroghɨrama anetuzɨ moghɨn, God bar zuamɨra me gasɨghasigham. Me angamɨra ikiavɨra itima, God men anɨngaghegha bar moghɨra me agɨfa.

2 Eghaghaniba 36:21

Israelia fomɨra uan nguazimɨn ikia, egha 7plan azenibar vaghvagha dar aven azenir vamɨra avughsazim nguazim ganɨngizir puvatɨ. Kamaghɨn amizɨ, Ikiavɨra Itir God faragha Jeremaian akam garugha mɨkemezir akam, guizbangɨram otivasa, Israelia ghua 70plan azenibar Babilonɨn kalabuziabar mɨn iti. Ezɨ men nguazim puram avughsa iti.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Ofa Gami 26:33

Kɨ apaniba amadaghtɨ, me ia mɨsogh ia batueghtɨ ia tintinibar kantrin igharazibar mangegham. Eghtɨ ian nguazim uaghan gumazamiziba puvatɨgh pura ikiam, eghtɨ nguibar ekiaba ikuvigh ikiam.

Ofa Gami 26:22

“Egh kɨ asɨzir atiaba ian tongɨn da amangtɨ, da ian boriba ko bulmakaubav soghtɨ da arɨmɨghiram. Eghtɨ gumazir avɨriba ikian kogh nguibamɨn tuavibar aruan koghtɨ, gumazamizir vabara ikiam.

Aisaia 66:15

Ia gan! Ikiavɨra Itir God avim sara izam, mati a uan karis daperagh amɨnir bar gavgavimɨn mɨn bar puv akɨgh izam. Eghtɨ an anɨngagharimɨn avivzariaba, an apanibar isitɨ, a ivezir kuram me danɨng, bar me agɨvagham.

Aisaia 60:15

“O Jerusalem, nɨ bar ikuvigha pura itima, gumazitam nɨn tuavibar mangɨ izegh gamir puvatɨ. Nɨ mati amizim, an pam an aghuagha anetegha arav ghuzɨ moghɨn iti. Eghtɨ, kɨ nɨ damightɨ, nɨ bar deragh pɨn ikɨtɨ, gumazamiziba nɨ bagh bar akuegham. Eghtɨ nɨ zurazurara kamaghɨra ikiam.

Jeremaia 12:10

“Kantrin Igharazibar Gumazamizibar gumazir dapanir avɨriba iza, nan wainɨn azenir dirim gasɨghasɨki. Me azenir dirir kam dɨkezɨ, a danganir mɨdiarimɨn mɨn iti. Ezɨ gumazamiziba uam an itir puvatɨ.

Esekiel 5:10

Eghtɨ arazir kurar ia amizibar ivezir kuram, ia ameboghfeziaba uan boribav soghɨva dar tuzibar amɨtɨ, boriba uan ameboghfeziabav sogh men tuzibar amam. Kɨ pazɨvɨra ia damuam, eghtɨ ariaghirezir puvatɨzir darasi, kɨ me aghamsightɨ me tintinimɨn nguazir kamɨn danganir igharazibar mangegham.

Esekiel 12:19

Egh nɨ nguazir kamɨn itir gumazamiziba bar moghɨra me mɨkɨm suam, kar Ikiavɨra Itir Godɨn Ekiamɨn akam, a Jerusalemɨn gumazamizir Israelɨn nguazimɨn itiba bagha izi. Nguazir kamɨn itir darasi, me dughiaba bar uan namakaba pazavɨra me gamua arazir kurar avɨribagh ami. Bizir kam bangɨn, apaniba izɨ men biziba bar da avigh mangegham. Kamaghɨn amizɨ, me atiatingvɨra daghebar amɨva, atiatingvɨra dɨpabar amɨ.

Esekiel 22:15

Kɨ ian gumazamiziba inigh tintinimɨn kantrin igharazibar me aghamsigham, eghtɨ arazir kuraba dutugh mangɨ gɨvagham.

Joel 2:3

Da mati, avim dadabar isi moghɨn dagheba ko, graziba, ko, bizir igharaziba sara bar ada agɨfa. Danganir da tɨghar mangamiba, da bar deragha, mati Idenɨn Azenim. Ezɨ danganir me ter afariba ko, graziba amegha gɨvaziba, da mati danganir mɨsɨngizim. Da bizitam ataghizɨ, a itir puvatɨ. Bar puvatɨ. Da biziba bar ada gɨfa.

Sekaraia 8:1

Ikiavɨra Itir Godɨn Gavgaviba Bar Itim akar kam Sekaraia ganɨngi.

Hosea 9:17

Gumazamizir kaba nan Godɨn akaba batogha an akamɨn gɨn zuir puvatɨ. Kamaghɨn amizɨ, an akɨrim ragh uan gumazamizibagh asaragham. Eghtɨ me kantrin igharazibar tongɨn pura guighav itir gumazamizibar mɨn ikiam.