Sekaraia 7:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Guizbangɨra, me uan dapanibagh amizɨ da dagɨabar mɨn gavgafi. Me nan akam baraghan aghua, kɨ Ikiavɨra Itir Godɨn Gavgaviba Bar Itim. Nan Duam akar kam me bagha a isa nan akam inigha izir gumazibagh anɨngi. Ezɨ me akar kamɨn gɨn zuir puvatɨ, ezɨ kɨ puvɨra men atari.

Sekaraia 7:12 ပူးပေါင်းရင်းမြစ်များ

Esekiel 11:19

Eghtɨ kɨ me damutɨ, me navir vamɨran ikiam. Kɨ duar igiam isɨ men navir averiabar atɨgham. Faragha men navir averiaba dagɨabar mɨn bar gavgafi. Eghtɨ kɨ men navir averiabar amutɨ, da amɨraghamɨregh na gifuegh na baghvɨra ikiam.

2 Eghaghaniba 36:16

Ezɨ gumazamiziba, akam inigha izir gumazibar akabar aghuagha dar abara me dɨpovavɨra iti, ezɨ Ikiavɨra Itir Godɨn anɨngagharim oto. Egha an anɨngagharir kam an gumazamizibar ikiavɨra iti, ezɨ me a gitavɨraghan tuaviba puvatɨ.

Esekiel 36:26

Egh kɨ ian navir averiabar amightɨ da ua igiabar otivigham. Egh duar igiam ia datɨgham. Ian naviba faragha dagɨabar mɨn gavgafi. Kɨ datɨrɨghɨn ian navir kuraba batuegh nɨghnɨzir igiam isɨ ian navir averiabar arɨgham.

Onger Akaba 50:17

Kɨ ia akɨr ia mɨkɨman ia aghuagha, nan akaba gɨrakɨrangɨn ada arɨsi.

Mak Osirizir Akar Aghuim 4:12

Kamaghɨn amizɨma: “ ‘Me zurara ganɨva, egh deragh bizitamɨn ganighan kogham. Me uaghan zurara oraghɨva, egh me deragh bizitamɨn mɨngarim gɨfoghan kogham. Me amuava akar mɨngarim gɨfogha, uan navibagh irazɨ, God men arazir kuraba gɨn amadaghai.’ ”

Esekiel 2:4

Men naviba gavgavizɨ me nan akam barazir puvatɨ. Ezɨ kɨ nɨ amadaghtɨ, nɨ me bagh mangɨ kamaghɨn me mɨkɨm suam, ‘Kar Ikiavɨra Itir Godɨn Ekiam, ia bagha akar kam amada.’

Aisaia 6:10

Egha a uaghan kamaghɨn mɨkeme: “Nɨ gumazamizir kabav kɨmɨva, men nɨghnɨzibar amightɨ, da pɨrigh, egh men kuaribar amightɨ, me akam baraghan aghuagh, egh men damazibar amightɨ, me ganan iburagham. Puvatɨghtɨma, me ua bizitamɨn ganigh akam baregh an mɨngarim gɨfogham. Egh me navibagh iragh egh na bagh izɨtɨ, kɨ men arazir kuraba gɨn amadaghtɨ, me ua deragham.”

Luk Osirizir Akar Aghuim 8:12

Ezɨ witɨn ovɨzir tuavim gireziba mati gumazamizir Godɨn akam baraghiziba, me a baraghizɨ Satan iza men navir averiabar Godɨn akam batoke, eghtɨ me nɨghnɨzir gavgavim Godɨn ikian koghtɨ God ua me inighan kogham.

Sekaraia 7:7

Fomɨra Ikiavɨra Itir God uan akar kam, uaghan gumazamizibav kɨnasa akam inigha izir gumazibagh anɨngi. Dughiar kamɨn, Jerusalem deravɨra itima bizir aghuir avɨriba a gizɨfa. Dughiar kamɨn, Jerusalem ko, nguibar ekiar an boroghɨn itiba ko, sautɨn amadaghan itiba ko, mɨghsɨar dozir aruem ghuaghiri naghɨn itiba, gumazamizir avɨriba bar dagh izɨfa.

Jeremaia 26:19

Maika kamaghɨn mɨgei, Hesekia ko Judaba bar moghɨra ti a mɨsoghezɨ an areme, a? Bar puvatɨ. Hesekia Ikiavɨra Itir Godɨn apengan ikia, egha uan gumazamiziba bagha an azangsɨsi. Ezɨ Ikiavɨra Itir God nɨghnɨzim giragha, bizir kurar a me damuasa mɨkemezibagh amizir puvatɨ. Ezɨ erara, arazir e Jeremaia damuasa mɨkemezim, an osɨmtɨzir ekiam inigh izɨ e datɨgham!”

Jeremaia 17:1

Ikiavɨra Itir God kamaghɨn mɨgɨa ghaze, “Judaba, arazir kurar ia amiba kar ian arazir ia zurarama amiba da zurara ian ikɨvɨra ikiam. Mati gumazim tuizimɨn akar oteviba aghorezɨ moghɨn, ia dar uan navir averiar gavgavibar da osirigha, da isa ofa gamir dakozibar 4plan mɨkebabar, bulmakaun komba aghoregha da osiri.

Jeremaia 5:3

Ezɨ kɨ Ikiavɨra Itir God ikaragha ghaze: “Kɨ fo, nɨ gumazamizir deravɨra guizɨn arazimɨn gɨn zuiba, nɨ bar me gifonge. Egha nɨ gumazamizir kabav soghezɨ, me mɨzazim baraghizir puvatɨ. Nɨ me akɨrasa me gasɨghasɨghizir bizir kam, me an ganigha fofozim inian aghua. Men dapaniba dagɨabar mɨn gavgafi, ezɨ me uan navibagh iraghan aghua.

Aisaia 48:4

Kɨ kamaghɨn bar fo, ian dapaniba mati dagɨaba ko ain, ezɨ ia nan akabar gɨntɨzir puvatɨ. Kamaghɨn amizɨ, kɨ fomɨra bizir gɨn otivamibar akar kam akuni, egha kɨ zuamɨra dagh amizɨ, da otifi.

Jopɨn Akɨnafarim 9:4

God nɨghnɨzir aghuim ko fofozim ko gavgavir ekiam iti. Kamaghɨn, tinara a batuegh a gafiragham? Gumaziba puvatɨ.

2 Eghaghaniba 36:13

Sedekaia bar akaba barazi puvatɨgha, navim giraghan aghuagha, Ikiavɨra Itir God, Israelian God bagh, uamategh izan aghua. Nebukatnesar faragha uabɨn gɨn mangasa Akar Gavgavimɨn Sedekaia gamizɨ, a pura Godɨn ziam dɨbora ghaze, a zurara Nebukatnesarɨn akamɨn gɨntɨgham. Egha Sedekaia uaghan Atrivim Nebukatnesarɨn akaba barazir puvatɨgha, uam an apengan itir puvatɨ.

Aisaia 46:12

“Ia gumazir akaba barazir puvatɨziba, ia nan akam baragh. Ia ti ghaze, dughiar kɨ uamategh ian akuragh ia iniasa mɨsevezim, a saghon ikiavɨra iti, a?

Esekiel 14:5

Aser kaba Israelɨn ikɨzim gamizɨ, me akɨrim ragha na gasara. Ezɨ nan ifongiam kamakɨn, kɨ ua men navir averiaba iniasa nɨghnɨsi, eghtɨ me na baghvɨra ikiam.

Ua Me Ini 7:13

Ezɨ atrivim bizir kamɨn ganigha an navim gavgafi. Ikiavɨra Itir God mɨkemezɨ moghɨn, atrivim Moses ko Aron baraghizir puvatɨ.

Aisaia 65:12

Ezɨ kɨ ia bagha dughiar igharagha garim amɨsevegha gɨfa. Ian apaniba izɨ, uan mɨdorozir sababar ia mɨsoghtɨ, ia arɨmɨghiregham. Ia uan teviba apɨrigh, avigh dapaniba nguazimɨn gantɨ, apaniba ian fɨriba aghoram. Ia fo, kɨ ian deima, ia nan dɨmdiam ikarazir puvatɨ. Kɨ uaghan uan akam ia mɨkeme, ezɨ ia an gɨn zuir puvatɨ. Ia nan akaba batogha, arazir kurar kɨ bar aghuaziba nan damazimɨn dagh ami. Kamaghɨn amizɨ, dughiar kurar kam ia bativam.

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Jeremaia 17:23

Ezɨ ian ovaviba nan akam batuegha, nan gɨn zuir puvatɨgha, nan suren akar aghuiba baraghan aghua.

Jeremaia 42:21

Ikiavɨra Itir God, ian God, a ia danɨngasa na ganɨngizir akam, kɨ datɨrɨghɨn ia ganɨngi. Ezɨ ia akar kamɨn gɨn zuir puvatɨ.

Sekaraia 1:2

A kamaghɨn mɨgɨa ghaze: Kɨ Ikiavɨra Itir God, kɨ fomɨra puvɨra ian inazir afeziabar atari.