Sekaraia 7:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia pazɨvɨra amizir paba ariaghirezibar amuan markɨ. Egh borir afeziba ariaghireziba ko, gumazamizir saghuiamɨn iza ia ko itiba ko, gumazamizir biziba puvatɨziba, ia pazɨ me damuan markɨ. Egh ia uaghan uan adarazi gasɨghasɨghan markɨ.

Sekaraia 7:10 ပူးပေါင်းရင်းမြစ်များ

Jeremaia 5:28

Egha me bar puvɨrama apava naviba ifiki. Me arazir kurabar amuasava atiatir puvatɨgha dagh ami. Me kotɨn aven guizɨn arazibar gɨn zuir puvatɨgha, arazir kamɨn borir afeziaba ariaghireziba, arazir kurabar me gami. Ezɨ onganarazibagh amir gumazamiziba osɨmtɨziba itima, me men akurvazir puvatɨgha, men osɨmtɨzir kaba agevir puvatɨ.

1 Jon 3:15

Tina gumazamizir igharazitabagh ifongeghan kogh mati gumazir gumazamizibav sozim. Ia fo gumazir gumazamizibav soziba, me ikɨrɨmɨrir aghuir zurara itim inian kogham.

Jems 5:4

Ia deravɨra oragh, ingangarir gumazamiziba ian azenibar dagheba isi, ezɨ ia me gifaragha men ivezir mabar anogoroke. Ezɨ ingangarir gumazamizir kaba me uan ivezibagh nɨghnɨgha, Godɨn dɨa ghaze, a ian arazir kuraba ikarvagham. Ezɨ ingangarir gumazamizibar dɨmdiam, Ekiar Gavgaviba Bar Itim, a baraki.

Aisaia 1:23

O Jerusalem, nɨn gumazir dapaniba, me gumazir akaba batoziba, egha me uaghan okɨmakɨar gumazibar namakaba. Me zurara kotiabar dughiamɨn, me gumazir arazir kurabagh amibar amamangatɨzɨ, me uarir akurvaghasa me givizivigha, dagɨaba ko biziba me ganɨdi, ezɨ me men akurvasi. Egha me kotiaba barazir dughiamɨn, me borir ameboghfeziaba oveaghuezibar akurvazir puvatɨ, Egha me uaghan deragha kuariba arɨgha oragha, amizir paba oveaghuezibar osɨmtɨziba akɨrir puvatɨ.

Onger Akaba 72:4

Atrivim deragh onganarazibagh amir gumazamizibar akurvagh men osɨmtɨziba akɨram. A biziba puvatɨzir gumazamizibar akurvagham. Egh gumazir igharaz darazi gasɨghasɨghasava amiba, a me abɨnam.

Onger Akaba 21:11

Me arazir kuratabar pazɨ nɨ damuasa, nɨghnigha akam akɨrigha gɨfa. Eghtɨ men nɨghnɨzir kam, a dagheba puvatɨgham.

1 Korin 6:10

ko okɨmakɨar gumazamiziba, ko gumazamizir igharaz darazir biziba bagha navim dɨkaviba, ko dɨpar onganiba apiba, ko akar kuraba uari gasir arazim gamiba, ko gumazir pura igharazibar biziba uari bagha da isiba, gumazamizir kamaghɨn amiba bar, me God Bizibagh Ativamin Dughiamɨn aven ikian kogham.

Matyu 23:13

Egha Iesus ua kamaghɨn mɨgei, “Ia Judan Arazibagh fozir gumaziba ko Farisiba, Iavzika, ia bar ikuvigham! Ia ifavaribagh amir gumaziba! Ia God Bizibagh Ativamin Dughiamɨn tiam asarazɨ, gumazamiziba azenan iti. Egha ia uaghan aven mangan aghua. Ezɨ gumazamiziba aven mangasava amima ia men tuaviba apɨri.

Malakai 3:5

Egha Ikiavɨra Itir Godɨn Gavgaviba Bar Itim ghaze, “Kɨ izɨ ian araziba tuisɨgham. Kɨ bar zuamɨra kotɨn aven gumazamizir kabar arazir kurabar gun me mɨkɨmam. Gumazamizir kabar kara: imezibagh amir gumazamiziba ko, kukunir gumaziba ko, gumazamizir poroghamibagh asɨghasɨziba ko, gumazamizir kotɨn akabagh ifariba ko, gumazir dapanir deragha uan ingangarir gumaziba ivezir puvatɨziba ko, gumazir amizir odiaribagh ifara pura men biziba isiba ko, gumazamizir afeziaba ariaghirezir boribar biziba isiba ko, gumazamizir Kantrin Igharazibar Gumazamizir men tongɨn itibar akurvazir puvatɨziba. Gumazamizir arazir kaba bar dagh amiba me nan apengan itir puvatɨ.”

Sekaraia 8:17

Ia arazir kurabar gumazamizir igharazibar amusɨ nɨghnɨghan markɨ. Ia kotiamɨn mɨtivigh, akar ifavaribar amuan markɨ. Kɨ ifavarir arazim ko, kotiam oteghavkɨrir arazim ko, uarir atara uariv sozir araziba, kɨ bar dar aghua.”

Amos 4:1

Ia Samarian amiziba, ia akar kam baragh: Ia mati bulmakaun aghuibar mɨn grazir avɨrim apava ian mɨkarziba bar dera. Gumazamizir gavgaviba puvatɨziba, ia bar pazavɨra me gami. Egha ia osɨmtɨziba isa onganarazibagh amir gumazamizibagh anɨga, tong men apangkuvir puvatɨ. Egha ia uaghan uan pabar dia uari bagh wainɨn dɨpaba inigh izasa me mɨgɨa ghaze, “Ia wainɨn dɨpar avɨriba inigh izɨtɨ, e dar amɨ onganam.”

Esekiel 22:29

Nguazir kamɨn itir gumazamiziba, uan namakabagh ifara biziba okei. Egha zurara arazir kurabar onganarazibagh amir gumazamizibagh amua pazavɨra me gami. Egha Kantrin Igharazibar Gumazamizir men tongɨn itiba abɨra men biziba okei, egha me guizɨn arazim ategha kotiamɨn aven men tuavim apɨri.

Esekiel 22:12

Ezɨ ian gumazamizir maba, iveziba isa ghua igharaz daraziv suagharɨsi. Ezɨ marasi, uan namakabar dagɨaba pura da inigha ua da ikarvaghsɨ an dagɨar an anɨngizim gisɨn ua dagɨaba ini. Ezɨ marasi, uan namakar gumazibagh ifara me gami me atiatima, me me da dagɨaba isa bizir avɨriba iti. Ia bar na gɨn amadagha na gɨnɨghnɨzir puvatɨ. Kɨ Ikiavɨra Itir Godɨn Ekiam, kɨ kamaghɨn mɨkeme.

Esekiel 22:7

Ian aven itir gumazitam tong deravɨra uan ameboghfeziabar akaba baragha men apengan itir puvatɨ. Kantrin igharazibar gumazamizir ian tongɨn itiba ia me abɨri. Egha ian tongɨn itir amizir odiarir paba ovengeziba, ko ameboghfeziaba ariaghirezir boriba, ia men biziba isa pazavɨra me gami.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Aghuzir Akaba 6:18

Gumazir arazir kuram damuasa nɨghnɨzim. Gumazir zuraram arazir kuram damuasa ivemarim.

Aghuzir Akaba 3:29

Nɨn namakar nɨn boroghɨra itiba, nɨ pazɨ me damusɨ nɨghnɨghan markɨ. Me kamaghɨn nɨghnɨsi, nɨ men namakar aghuim.

Onger Akaba 140:2

Me zurara uan navir averiabar aven arazir kurabagh nɨghnɨgha, zurara gumazamizibar tongɨn adaribagh amima, da otifi.

Godɨn Araziba 27:19

“ ‘Gumazim ikɨzir igharazibar gumazamiziba, ko borir afeziaba ariaghireziba, ko amizir paba ariaghireziba pazɨ me damutɨ, God gumazir kam gasɨghasigham.’ Eghtɨ gumazamiziba bar kamaghɨn akam ikaragh suam, ‘Bar guizbangɨra, God kamaghɨra damu.’

Ua Me Ini 23:9

Kantrin igharazibar gumazamizir ia ko itiba ia pazɨ me damuan markɨ. Guizbangɨra, ia uari faragha uan kantri ategha Isipɨn kantrin ikegha, Kantrin Igharazibar Gumazamizibar navir averiabagh fogha gɨfa.”

Onger Akaba 36:4

Me uan mɨsiabagh irav ikia arazir kurabara damuasa nɨghnɨsi. Me zurara tuavir kuramɨn nɨghnɨzibar gɨn mangasavɨra nɨghnɨsi. Egha tong akɨrim ragha arazir kuratam gasarazir puvatɨ.

Jeremaia 7:6

Ia Kantrin Igharazibar Gumazamizir ia ko itiba, pas me damuan markɨ. Egh borir ameboghfeziaba ariaghireziba, ko amizir paba ariaghireziba ia paza me damuan markɨ. Egh ia uan nguazir kamɨn aven, gumazamizir osɨmtɨziba itir puvatɨziba pura me mɨsoghtɨ me arɨghiram markɨ. Egh ia asebar ziaba fan markɨ. Ian arazir kam ia gasɨghasɨgham.

Jeremaia 49:11

Ia Idomia, ia uan boriba bagh nɨghnɨghan markɨ. Ian afeziaba arɨghireghtɨ, kɨ uabɨ ian boribar ganam. Eghtɨ ian amuiba uari, uari isɨ nan dafarim darɨgham.”

Esekiel 18:12

Egha a gumazamizir onganaraziba abɨra arazir kurabar me gami. Egha gumazir igharazibar biziba okei. Eghtɨ namakatam an dagɨar a iniziba ikarvaghsɨ izɨtɨ, gumazir kurar kam ua namakamɨn ababanir bizim a danighan kogham, a pura ua bagha a ini. Egha marvir guabar ziaba fe. Egha arazir kurar kɨ aghuazir igharazibagh ami.