Sekaraia 5:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir Godɨn Gavgaviba Bar Itim ghaze, “Kɨ akar kam amadazɨma, a zui, eghtɨ a mangɨ okeir gumaziba ko, gumazir ifavaribagh amua pura nan ziam dɨboriba, a men dɨpenibar aven mangam. Egh akɨnafarir kam men dɨpenir akɨniba ko, dagɨaba bar da agɨvaghtɨ, gumazir kaba bar ikuvigham.”

Sekaraia 5:4 ပူးပေါင်းရင်းမြစ်များ

Aghuzir Akaba 3:33

Ikiavɨra Itir God ghaze, gumazir kuraba uan amuiroghboriba sara bar arɨghiregham. Egha a gumazir aghuiba uan amuiroghboriba ko deraghavɨra me gamua, egha men gari.

Malakai 3:5

Egha Ikiavɨra Itir Godɨn Gavgaviba Bar Itim ghaze, “Kɨ izɨ ian araziba tuisɨgham. Kɨ bar zuamɨra kotɨn aven gumazamizir kabar arazir kurabar gun me mɨkɨmam. Gumazamizir kabar kara: imezibagh amir gumazamiziba ko, kukunir gumaziba ko, gumazamizir poroghamibagh asɨghasɨziba ko, gumazamizir kotɨn akabagh ifariba ko, gumazir dapanir deragha uan ingangarir gumaziba ivezir puvatɨziba ko, gumazir amizir odiaribagh ifara pura men biziba isiba ko, gumazamizir afeziaba ariaghirezir boribar biziba isiba ko, gumazamizir Kantrin Igharazibar Gumazamizir men tongɨn itibar akurvazir puvatɨziba. Gumazamizir arazir kaba bar dagh amiba me nan apengan itir puvatɨ.”

Jopɨn Akɨnafarim 18:15

Me oveghtɨ, gɨn men ikɨzimɨn aven tav ua ikɨ, men dɨpenimɨn ikian kogham. Eghtɨ ikɨzir igharazimɨn gumazamiziba izɨ, men dɨpenimɨn aven itir mughuriar kuram agɨvsɨ, pauran me salfan dagɨamɨn ingarizim fusfugham. Egh gɨn me uari dɨpenir kamɨn ikiam.

Godɨn Araziba 7:26

Egh ia aser kabar marvir guatam inigh uan dɨpenibar aven izan markɨ. Ia tam inigh izeghtɨ, Ikiavɨra Itir God, dagh gasɨghasɨzi moghɨn ia gasɨghasɨgham. Aser kaba da bizir bar kuraba, ezɨ God bar dar aghua. Kamaghɨn amizɨ, ia dar aghuagh bar akɨriba ighegh dagh asaragh.”

Jopɨn Akɨnafarim 20:26

Dagɨaba ko bizir me akuvaziba bar ikuvigham, eghtɨ mɨtarmem bar da avaragham. Eghtɨ gumazir kurar kaba uan biziba sara, avir nguazimɨn gumazitam atɨzir puvatɨzimɨn aven, bar ovegham.

Aisaia 24:6

God men arazir kurabar osɨmtɨzim bangɨn mɨkemezɨ, dughiar bar kuram nguazimɨn otozɨ, gumazamizir bar avɨrim, avir ekiam men isigha gɨfa, ezɨ bar varazira iti. A kamaghɨn damightɨ, gumazamiziba uan arazir kurabar osɨmtɨziba ateram.

Jeremaia 2:26

Ikiavɨra Itir God, ua kamaghɨn mɨgei: “Me okɨmakɨar gumazimɨn suirazɨ an aghumsɨghizɨ moghɨn, kamaghɨra ia Israelia bar aghumsigham. Ian atriviba, ko gumazir dapaniba, Godɨn ofa gamir gumaziba, akam inigha izir gumazamiziba, ko Israelian gumazamiziba bar, ia uaghan aghumsɨzim iniam.

Hosea 4:2

Me akar kurabar gumazamizibav gei. Me uarigh ifarava, gumazamizibav sozi me ariaghiri, egha igharazibar biziba okɨava, egha poroghamiba uari bakeir arazim gami. Me arazir kurar avɨrim saram ami, egha gumazamizibav suagharɨgha ghuavɨra iti. Ezɨ arazir kam bar ekevegha ghuavɨra iti.

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Amos 3:10

Ikiavɨra Itir God kamaghɨn mɨgei, “Samarian gumazamiziba okɨmakɨar arazim ko mɨdorozir arazim gamua, pura bizir avɨriba isa ghua uan dɨpenir gavgavibagh arɨzi, da bar izefe. Me guizbangɨn arazir aghuibar amuan fofoziba bar puvatɨ.”

Sekaraia 5:3

Egha a kamaghɨn na mɨgei, “Akɨnafarir kam ghaze, dughiar kuram otogh mangɨ nguazir kamɨn itir gumazamiziba bar me avaragham. Ezɨ akɨnafarir kamɨn osizirir mam ghaze, gumazir okeiba, God kantrin kamɨn me batuegham. Ezɨ akɨnafarir kamɨn osizirir igharazir mam ghaze, te ifavaribagh amua pura pɨn akakagha ghaze guizbangɨra, a uaghan me batuegham.”

Sekaraia 8:17

Ia arazir kurabar gumazamizir igharazibar amusɨ nɨghnɨghan markɨ. Ia kotiamɨn mɨtivigh, akar ifavaribar amuan markɨ. Kɨ ifavarir arazim ko, kotiam oteghavkɨrir arazim ko, uarir atara uariv sozir araziba, kɨ bar dar aghua.”

Godɨn Araziba 28:16

“God ian nguibaba ko ian azenibagh asɨghasightɨ, da bar ikuvigham.

Josua 9:20

E kamaghɨn me damuam: e me ateghtɨ me angamɨra ikiam. E fo, e Godɨn damazimɨn me ko akam akɨrigha akar dɨkɨrɨzir kam abɨghan kogham. E me mɨsueghtɨ, me aremeghtɨ, God en atarɨva bar e gasɨghasigham.

Jopɨn Akɨnafarim 8:22

Egh a nɨ gifongezir puvatɨzir gumazamiziba abɨraghtɨ, me bar aghumsigham. Eghtɨ gumazamizir arazir kurabagh amiba, me uan biziba sara bar ovegham.”