Sekaraia 3:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ofabagh amir gumazibar dapanim Josua, nɨ oragh. Ezɨ ia ofa gamir gumazir igharaziba, ia uaghan oragh. Ia mati bizir aghuir gɨn otivamibar ababanir gumaziba. Ia oragh. Kɨ uan ingangarir gumazim amadaghtɨ a izam, an ziam Temer Ghuzir Igiam.

Sekaraia 3:8 ပူးပေါင်းရင်းမြစ်များ

Jeremaia 23:5

“Kɨ Ikiavɨra Itir God, kɨ kamaghɨn mɨgɨa ghaze, Dughiam izɨtɨ, kɨ Atrivim Devitɨn adarazir tongɨn, gumazir aghui tam amɨsevegham. Eghtɨ a Temer Ghuzir Igiam temer dakamɨn otogha aghui moghɨn ikiam. Gumazir kam atrivimɨn ikɨ, nɨghnɨzir aghuim ikɨ, ingangarim damuam. Egh guizɨn arazimɨn gɨn mangɨ nguazir kamɨn gumazamiziba arazir aghuibar me damuam.

Aisaia 11:1

Jesin ovavir boriba, mati temer povim me an okegha gɨvazɨ, an dakam ikiavɨra iti. Eghtɨ gumazir mam otogham, mati temer ghuzir igiam temer dakar kamɨn otogh mavanangam.

Sekaraia 6:12

Egh nɨ kamaghɨn an mɨkɨm, Ikiavɨra Itir Godɨn Gavgaviba Bar Itim ghaze, ‘Gumazir mam, me kamaghɨn a dɨbori, Temer Ghuzir Igiam. Eghtɨ an aghungigh aguar ekiam gavagh bar deraghvɨram otogham. Egh a gɨn Ikiavɨra Itir Godɨn ziam fer Dɨpenimɨn ingaram.

Jeremaia 33:15

Kɨ dughiar kamɨn, Devitɨn adarazir aven gumazir bar aghuitam a damightɨ an otogham, mati Temer Ghuzir Igiam temer aguamɨn otogham. Gumazir kam atrivimɨn ikɨ arazir aghuimɨn gɨn mangɨ, guizɨn arazimɨn nguazir kamɨn itir gumazamizibagh ativagh men ganam.

Aisaia 53:2

Guizbangɨra, Ekiam uan ingangarir gumazim ataghizɨ, a mati temer mam nguazir mɨsɨngizimɨn oto. Ingangarir gumazir kam, an ganganim tong en damazibar derazir puvatɨ, kamaghɨn amizɨ, a ziaba puvatɨ. Ezɨ bizir aghuitam an itir puvatɨ, eghtɨ e an ganɨva a gakongam.

Aisaia 42:1

Ikiavɨra Itir God ghaze: Ia gan! Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Egha uan Duam isa a gatɨ. Eghtɨ a nguazir kamɨn kantribar gumazamiziba guizɨn arazimɨn gɨn mangɨsɨ me tuisɨgham.

Aisaia 20:3

Ezɨ gɨn, Ikiavɨra Itir God kamaghɨn mɨgei, “3plan azenir kaba bar moghɨra, nan ingangarir gumazim Aisaia, korotiar tam ko dagarir asua tam aruzir puvatɨgha, puram arui. Ezɨ an arazir an amizir kam, a bizir bar kurar Isipɨn kantri ko, Itiopian kantri bativamin ababanim.

Aisaia 4:2

Dughiatam gɨn otoghtɨ, Ikiavɨra Itir God Ter Aguam damightɨ, a ua ghuzir igiam otogham. Eghtɨ a nguazim damutɨ dagher aghuiba otivam. Eghtɨ Israelian ikiavɨra itir varazira, me bizir kabar gantɨ, da bar deraghtɨ, me bar akuegham.

Esekiel 12:11

Nɨ me mɨkɨm suam, bizir nɨ amizir kam, a Jerusalemia bativamin bizimɨn ababanim. Eghtɨ apaniba kalabuziabar mɨn me inigh mangɨ, kantrin igharazimɨn me isɨ kalabus darɨgham.

Aisaia 53:11

Ezɨ osɨmtɨzir ekiar an aterezir kamɨn gɨn, a bizir bar aghuibar gantɨ da otivam, eghtɨ a bar akuegham. Ezɨ Ikiavɨra Itir God kamaghɨn mɨgei, “Nan ingangarir gumazir nan damazimɨn derazir kam, a deraghavɨra na gɨfo. Egha a gumazamizir avɨribar arazir kuraba ateri, egh arazir kamɨn a me damutɨ, me nan damazimɨn derazir gumazamizibar otivigham.

Aisaia 52:13

Ikiavɨra Itir God kamaghɨn mɨgei, “Ia oragh, bizir nan ingangarir gumazim amiziba, da bar moghɨra deraghvɨram otivigham. Eghtɨ gumazamiziba ziar ekiam a danɨngɨva, an ziam bar a pɨrafam.

Aisaia 49:5

Nan amebam tɨghar na batamin dughiamɨn, Ikiavɨra Itir God Jekopɨn adarasi Israelia, a men aku ua bagh izasa, na amɨsefe. Kamaghɨn amizɨ, nan God, ziar ekiam na ganɨga, gavgavim na ganɨngi. Ezɨ Ikiavɨra Itir God kamaghɨn na mɨgei,

Aisaia 8:18

Ia gan. Ikiavɨra Itir Godɨn Gavgaviba Bar Itim, Saionɨn Mɨghsɨamɨn ikiava, borir kaba na ganɨngi. Ezɨ kɨ uan boriba ko an e atɨzɨ e Israelian gumazamiziba bagha, ababanimɨn mɨn iti. Eghtɨ me en ganɨva, Godɨn Arazibagh nɨghnɨgham.

Esekiel 37:24

Eghtɨ nan ingangarir gumazim Devit, an ikɨzimɨn tongɨn gumazitam men atrivimɨn ikiam. Me bar uari inigh atrivir vamɨran apengan ikɨtɨ, a uabɨra me geghuvam, mati sipsipba geghuvir gumazim deravɨra uan sipsipbagh eghufi. Dughiar kamɨn, me deraghvɨra arazir kɨ ifongeziba ko bizir kɨ damuasa me mɨkemezibar gɨn mangam.

Esekiel 34:29

“Kɨ men nguazim damutɨ, dagheba bar deravɨram an aghungam. Eghtɨ mɨtiriaba gumazamizibar azir arazim, a gɨvagham. Eghtɨ kantrin igharaziba ua me dɨpovan kogham.

Esekiel 24:24

Esekiel ia bagha ababanim gami, ezɨ ia an amizɨ moghɨra damu. Bizir kaba otoghamin dughiamɨn ia fogh suam, kɨrara, kɨ Ikiavɨra Itir Godɨn Ekiam.”

Aisaia 49:3

Egha a kamaghɨn na mɨgei, “Israel, nɨ nan ingangarir gumazim, nɨ bangɨn, kɨ uan gavgavim ko ziar ekiam isɨ gumazamiziba bar men akagham.”

Onger Akaba 71:7

Na bativizir biziba, gumazamizir avɨriba dar ganigha fo, nɨ na geghuv nan ganasa gavgafi.

Esekiel 12:6

Egh me ganvɨra ikɨtɨ nɨ uan biziba dɨpɨzim datɨgh mɨtarmemɨn mangɨ. Nɨ mangɨ uan guam avaragh, egh foghan kogham, nɨ nguazir manamɨn zui. Nɨ amir arazir kam, ababanir arazim Israelɨn ikɨzimɨn akagham.”