Sekaraia 3:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ enselɨn kam, enselɨn an faragha tuivighav itibav gɨa ghaze, “Ia korotiar pughpurir an aghuiziba suegh.” Egha a Josua mɨgɨa ghaze, “Nɨ oragh. Kɨ nɨn arazir kuramɨn osɨmtɨzim ko, korotiar pughpurir kaba suegha gɨfa. Kɨ datɨrɨghɨn korotiar igiaba nɨ danɨngam.”

Sekaraia 3:4 ပူးပေါင်းရင်းမြစ်များ

Luk Osirizir Akar Aghuim 15:22

“Ezɨ an afeziam kamaghɨn uan ingangarir gumazibav gei, ‘Ia zuamɨra! Korotiar bar aghuir ruarim inigh izɨva a darugh. Egh ring an dafarim darugh, dagarir asuaba a daghuigh!

Aisaia 61:10

Godɨn ingangarir gumazim ghaze: Kɨ uan Ikiavɨra Itir God bagh bar akongegham. Guizbangɨra, a nan akurazɨ, an arazir aghuim mati korotiar ruarim na avara, egha mati gumazim amuimɨn ikiasa deragha kurke, egha mati amizim pamɨn ikiasa deragha kurke. Kamaghɨn amizɨ, an navir averiamɨn aven itir bar akongezir arazim bar na gizɨfa.

Akar Mogomem 7:14

Ezɨ kɨ kamaghɨn an akam ikara, “Gumazir ekiam, nɨ uabɨ fo.” Ezɨ a kamagh na mɨgei: “Gumazamizir kaba me uan apanibar dafaribar osɨmtɨziba ko mɨzazir ekiaba ini. Ezɨ osɨmtɨzibar dughiam datɨrɨghɨn gɨfa. Ezɨ me uan korotiaba Sipsipɨn Nguzimɨn ghuzimɨn da ruegha, dagh amizɨ, da ghurghuri.

Esekiel 36:25

Egh dɨpar dɨkɨriam inigh, ian dapanibagh isɨn a kavamang ian arazir kuraba batueghtɨ, ia nan damazimɨn bar zuegham. Egh ian arazir kurar ia marvir guaba fem bagh, ia rueghtɨ ia zuegham.

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

1 Korin 6:11

Fomɨra ian marazi kamaghɨn ike. Ezɨ God ia ruegha, ia gamizɨ, ia an gumazamizibar otifi. Ia, Ekiam Krais Iesusɨn ziam ko en Godɨn Duamɨn gavgavimɨn, God ia gamizɨ, ia an damazimɨn derazir gumazamizibar otifi.

Sekaraia 3:7

“Ikiavɨra Itir Godɨn Gavgaviba Bar Itim ghaze, nɨ nan Akar Gavgavibar gɨn mangɨva, ingangarir kɨ nɨ danɨngamiba nɨ bar dar amutɨ, kɨ nɨ ateghtɨ nɨ nan Dɨpenim ko, bizir nan ziam feba nɨ dar ganam. Egh kɨ nɨ ateghtɨ, nɨ enselba ami moghɨn, nan boroghɨn izam.

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Aisaia 61:3

Gumazamizir Saionɨn nguibamɨn aven ikiava aziba, kɨ bar akongezir arazim ko navir amɨrizim me danɨngtɨ, me gavgavigham. Egh kɨ averenir me uan dapanibagh atɨziba adegh, kurkazir aghuiba men kurkegham. Kɨ borem me daghuightɨ, me bar akuegh, men osɨmtɨzir ararem gɨvagham. Egh me ua uan gavgavim inigh, gumazim korotiar aghuim aruzɨ moghɨn, Ikiavɨra Itir God bagh bar akongegh onger akar aghuibar amuam. Egh me temer Okɨn, Ikiavɨra Itir God, uabɨ oparizibar mɨn, tuivigh ikɨ deraghvɨra Ikiavɨra Itir Godɨn gɨn mangɨ an ziar ekiam fam.

Hibru 8:12

Eghtɨ kɨ men apangkuvigh men arazir kuraba gɨn amangɨva, egh ua dagh nɨghnɨghan kogham.”

2 Korin 5:21

Krais uabɨ arazir kuratam gamizir puvatɨ. Ezɨ God kamaghsua, e Krais ko porogh, an gavgavimɨn e Godɨn damazimɨn gumazamizir aghuibar otivam. Kamaghɨn, God en akurvaghasa en arazir kuraba bar Krais gisɨn da arɨki, ezɨ Krais mati uaghan gumazir arazir kurabagh amir mamɨn mɨn oto.

Sekaraia 3:9

Kɨ Ikiavɨra Itir Godɨn Gavgaviba Bar Itim, kɨ dagɨar aghuir mam inigha Josuan boroghɨn anetɨ. Dagɨar kam, a 7plan damaziba iti. Eghtɨ dagɨar kam gisɨn, kɨ akatam osirigham. Egh kɨ dughiar vamɨran, nguazir kamɨn arazir kurabar osɨmtɨzim gɨn amangam.

Onger Akaba 51:9

Nɨ nan arazir kuraba ua dar ganan markɨ. Nɨ da batuegh ua adagh nɨghnɨghan markɨ.

Kolosi 3:10

gumazamizir igiabar otifi, mati gumazim korotiar ghurim sueghava korotiar igiam aru. Ezɨ God, gumazir ian ingarizɨ ia gumazamizir igiabar otivizir kam, a kamaghɨn ifonge, a ia damutɨ ia bar deravɨram a gɨfogham. Kamaghsua, a ia gamuavɨra itima ia an mɨraram otivavɨra iti.

Akɨnafarir Pol Romɨn Nguibar Ekiamɨn Itir Sios Bagha Osirizim 6:23

Guizbangɨra, arazir kuram ivezim isa uan ingangarir gumazamizibagh anɨngi. Ivezir kam an ovevemra. Ezɨ God bizir aghuarir pura e ganɨngizimra kara, zurara itir ikɨrɨmɨrir aghuarim. Ikɨrɨmɨrir kam, e uan Ekiam Krais Iesus ko poroghava a isi.

Akɨnafarir Pol Romɨn Nguibar Ekiamɨn Itir Sios Bagha Osirizim 3:22

Bizir kam kamakɨn, gumazamiziba bar nɨghnɨzir gavgavim Krais Iesusɨn ikɨtɨ, God suam ia nan damazimɨn dera. Tuavir igharazitam ua itir puvatɨ.

Jon Osirizir Akar Aghuim 1:29

Ezɨ amɨmzaraghan Jon Iesusɨn garima an a bagha izi. Ezɨ Jon kamaghɨn mɨgei, “Ia munagh gan! Munar Godɨn Sipsipɨn Nguzim. A nguazimɨn itir gumazamizibar arazir kuraba gɨn amadi!

Luk Osirizir Akar Aghuim 1:19

Ezɨ ensel an akam ikaragha ghaze, “Kɨ Gebriel. Kɨ Godɨn damazimɨn tughav iti. God uabɨ na amadazɨma, kɨ akar aghuir kamɨn nɨ mɨkɨmasa ize.

Sekaraia 3:1

Egha kɨ irebamɨn mɨn garir bizir mamɨn aven garima, Ikiavɨra Itir God ofa gamir gumazibar dapanim Josua, nan aka. Josua Ikiavɨra Itir Godɨn enselɨn boroghɨn tughav iti. Ezɨ Josuan agharir guvimɨn amadaghan, Satan tughav ikia, a isɨ kotiam darɨghasava ami.

Aisaia 52:1

O Saion, nɨ dɨkavigh tugh gavgavigh! O Jerusalem, nɨ God baghavɨra itir nguibar ekiam! Nɨ kurkazir bar aghuiba uabɨn kurkegh ganganir bar aghuim damuam. Guizbangɨra, Ekiam gɨfozir puvatɨziba, me gumazir uan mɨkarzir mogomer iniba aghorezir puvatɨziba, ko Godɨn damazimɨn zuezir puvatɨziba, me uam nɨn aven izan kogham.

1 Atriviba 22:19

Ezɨ Mikaia ua kamaghɨn mɨgei, “Nɨ datɨrɨghɨn deragh kuarim atɨgh oraghtɨ, kɨ Ikiavɨra Itir God nan akazir bizibar nɨ mɨkɨmam. Kɨ garima, Ikiavɨra Itir God uan Nguibamɨn uan atrivir dabirabim gaperaghav iti, ezɨ an enselba bar an okarigha tuivigha iti.

2 Samuel 12:13

Ezɨ Devit kamaghɨn oregha ghaze, “Kɨ Ikiavɨra Itir Godɨn damazimɨn arazir kuram gami.” Ezɨ Natan a ikaragha ghaze, “Ikiavɨra Itir God, nɨn arazir kuraba gɨn amada, ezɨ nɨ aremeghan kogham.

Akar Mogomem 5:11

Egha kɨ ua gara enselɨn tiarir avɨrir maba barasi. Men dɨbobonim handet milienɨn avɨriba ko tausen tausenɨn avɨriba. Me atrivir dabirabim ko bizir angamɨra itiba ko gumazir dapaniba okarigha tuivighav iti.

Matyu 22:11

“Ezɨ gumazamiziba apiazɨma, atrivim men ganasa aven zui. Egha a ghua gumazir mamɨn garima, a poroghamibar isamɨn azuir adiaritam aruzir puvatɨ.

Esekiel 42:14

Ofa gamir gumaziba Godɨn Dɨpenimɨn aven ikegh, me azenan uari akuvir danganim mangɨsɨ, me korotiar zueziba suegh dɨpenir kabar danganir mɨzuarir kabar aven dar arɨgham. Korotiar zuezir kaba me Ikiavɨra Itir Godɨn ingangarim damuasa da azui. Egh korotiar igharaziba aghuigh azenan itir danganir gumazamiziba uari akuvimɨn mangam.”

Maika 7:19

Nɨ uam en apangkufigh. Egh uan suemɨn biziba dɨka da abɨri moghɨn, en arazir kuraba dɨkɨ da abɨnigh, da akunightɨ da ongarir konim bar an aven magɨrɨgh.

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Jeremaia 52:33

Kamaghɨn amizɨ, Jehoiakin ua kalabuziar korotiaba azuir puvatɨ. Egha a zurara dughiabar Babilonɨn atrivim ko apiav ikia apa ghua, Jehoiakin aremezir dughiamɨn tu.