Sekaraia 2:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ikiavɨra Itir Godɨn Gavgaviba Bar Itim, uan ziar ekiam bangɨn gavgavim na ganɨga, kantrin pazavɨra an gumazamizibagh amiba, a me mɨkɨmasa na amadagha ghaze, “Tina paza me gami, a paza nan bizir bar pɨn kozim gami.

Sekaraia 2:8 ပူးပေါင်းရင်းမြစ်များ

Onger Akaba 17:8

Nɨ uabɨ uan damazir tuzim geghuva deragha an gari moghɨn, nɨ na geghuv deragh nan ganam. Mati tuarir amebam uan nguziba akumakua uan avɨzimningɨn apengan me modi moghɨn, nɨ na avaragh na modogh.

Godɨn Araziba 32:10

Israelia, ia onganigha pura gumazamiziba puvatɨzir danganimɨn amɨnir ekiaba ivair kam garui. Ezɨ Ikiavɨra Itir God, uabɨn gara uabɨ geghuvi moghɨn, a me akumakua deraghavɨra me geghufi.

Jon Osirizir Akar Aghuim 14:26

Ezɨ Gavgavim ia Danɨngamin Akurvazir Gumazim, a Godɨn Duam. Ezɨ nan ziamɨn, Afeziam anemadaghtɨ a izam. A biziba bar ian sure damuam. Eghtɨ akar kɨ ia mɨkemeziba, a ian sure damutɨ ia uam a dagh nɨghnɨgham.

2 Tesalonika 1:6

Godɨn arazir aghuim a kamaghɨn damuam, gumazamizir osɨmtɨziba ia garɨziba, a ua men osɨmtɨziba ikarvagham.

Matyu 25:40

“Eghtɨ Atrivim me ikaragh kamaghɨn me mɨkɨmam, ‘Kɨ guizbangɨra ia mɨgei, arazir ia nan gumazamizir kɨnibagh amiziba, ia dar na gami.’

1 Jon 4:14

Ezɨ e Afeziar Ekiam amizir bizimɨn gani. A nguazimɨn itir gumazamizibar Akurvazir Gumazimɨn mɨn ikiasa, uan Otarim amada. Ezɨ e bizir kamɨn ganigha an gun mɨgei.

Jon Osirizir Akar Aghuim 17:18

Nɨ fomɨra na amadazɨ ezɨ kɨ izegha nguazir kamɨn gumazamizibar tongɨn iti. Ezɨ kamaghɨra nɨ gumazir na ganɨngiziba, kɨ me amadagha ghaze, me nguazir kamɨn gumazamizibar tongɨn ikiam.

Malakai 3:1

Ezɨ Ikiavɨra Itir Godɨn Gavgaviba Bar Itim, a kamaghɨn akam ikaragha ghaze, “Ia oragh! Kɨ uan abuir gumazim amadaghtɨma, a faragh mangɨva na bagh tuavim akɨram. Ia ghaze, ia datɨrɨghɨn Ekiam bagha gara iti. Eghtɨ a zuamɨra izɨ uan Dɨpenimɨn ikiam. Abuir gumazir ia bar ifongezim izɨ, Akar Dɨkɨrɨzir Gavgavir kamɨn gun ia mɨkɨmam. Kɨ Ikiavɨra Itir Godɨn Gavgaviba Bar Itim, kɨ ghaze, An darorim izi.”

Sefanaia 2:8

Ikiavɨra Itir Godɨn Gavgaviba Bar Itim kamaghɨn mɨgei, “Kɨ Moapɨn kantri ko, Amonɨn kantri barazima, aning nan gumazamiziba dɨpova akar kurabar me mɨgɨa uari fe. Me pamten mɨgɨa ghaze, me Israelia abɨnigh men nguazim inigham.

Habakuk 2:8

Ia kantrin avɨrir igharazibar gumazamizibar biziba, ia bar da okeme. Egha ia men gumazamizir bar avɨrim mɨsoghezɨ me ariaghirezɨ, ia men nguibar ekiabagh asɨghasɨki. Egha men gumazamizir varazira ataghizɨ me ikiavɨra iti. Egh me gɨn, igharaz darazi gamizɨ moghɨra, me dɨkavigh arazir kamra ia damuam.

Maika 7:10

Apaniba faragha kamaghɨn e mɨgɨa ghaze, “Ikiavɨra Itir God, ian God managh iti?” Egh me gɨn gantɨ Ikiavɨra Itir God en akuraghtɨ, me bar aghumsigham. E gantɨ Ikiavɨra Itir God me dɨkɨtɨ, mati gumazamiziba tuavimɨn beghneazim dɨti moghɨn, a me dɨkabɨnigham.

Maika 5:6

Me Asirian kantri ko mɨsogh me abɨnigh, men kantri iniam, an ziam Nimrot, me me dama a inigham. Eghtɨ arazir kamɨn, gumazir dapanir kam, Asirian e gasɨghasɨghasa iziba, a men dafarimɨn en akuragh, uam e inigham.

Maika 4:11

Ezɨ kantrin avɨriba ia gasɨghasɨghasa uari akufa. Egha me ghaze, “Aria, e Jerusalemɨn nguibar ekiam bar a gasɨghasigh, an gantɨ a bar ikuvigh ikiam.”

Amos 1:13

“Ia oragh! Ikiavɨra Itir God Akar Gavgavir kam ia ganɨga ghaze, Amonian kantrin gumazamiziba, arazir kurabagh amua ghuavɨra iti. Me ua nguazitaba iniasa mɨsosi, egha Gileatɨn Distrighɨn itir amizir naviba adaiba, me men naviba abɨzi da bɨaghiri. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Amos 1:11

“Ia oragh! Ikiavɨra Itir God Akar Gavgavir kam ia ganɨga ghaze, Idomɨn kantrin aven itir darasi, arazir kurabagh amua ghuavɨra iti. Me uan adarazira Israelia, men agɨntɨgha, men marazi mɨdorozir sababar me mɨsozi me ariaghɨrima, me tong men apangkuvir pu. Bar puvatɨ. Men anɨngagharir arazir kam men tongɨn ikiavɨra iti. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Amos 1:9

“Ia oragh! Ikiavɨra Itir God Akar Gavgavir kam ia ganɨga ghaze, Tairɨn nguibar ekiamɨn gumazamiziba, arazir kurabagh amua ghuavɨra iti. Me ikɨzir mabar gumazamiziba bar me isa Idomɨn kantrin me amadazɨ, Idomia me isa kalabusɨn mɨn me atɨ. Me fomɨra ikɨzir kaba ko deragh dapiasa akam akɨri, ezɨ puvatɨ, me datɨrɨghɨn uan akar dɨkɨrɨzim abɨki. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Esekiel 35:5

“Ia Idomia fomɨra Israelian apanim gami, egha kɨ ivezir kuram me ganɨdir dughiamɨn, apaniba iza me mɨsozima, ia apanibar akuragha Israelia mɨsoghezɨ me ariaghire.

Esekiel 26:2

“O nguazir kamɨn gumazim, Tairɨn nguibar ekiamɨn gumazamiziba bar akuegha tiariba akara kamaghɨn mɨgei: “Bar dera, Jerusalemɨn nguibar ekiam, a ikuvigha gɨfa, ezɨ Kantrin Igharazibar Gumazamiziba ua an mangɨ dagɨar ingangaribar amuan kogham. Me datɨrɨghɨn e baghvɨra izɨ dagɨar ingangarim damutɨ e bizir bar avɨriba ikiam.

Esekiel 25:15

Ikiavɨra Itir Godɨn Ekiam kamaghɨn mɨgei, “Filistiaba fomɨra ikegha iza datɨrɨghɨn, me uan navir averiabar aven Judabar apanim gamua, apangkuvir arazim men puvatɨgha ikarvazir arazim me gamua, arazir kurabar me gamua me gasɨghasɨgha ghuavɨra iti.

Esekiel 25:12

Ikiavɨra Itir Godɨn Ekiam kamaghɨn mɨgei, “Idomia ikarvazir arazim gamua, egha bar arazir kurabar Judan ikɨzim gamizɨ, arazir kurar kam bar ekefe. Me osɨmtɨzir ekiam uari gatɨ.

2 Atriviba 24:2

Ezɨ dughiar kamɨn, Ikiavɨra Itir God, Babilonian gumazir bɨzir maba ko, Siriabar gumazir bɨzir maba ko, Moapian gumazir bɨzir maba ko, Amonian gumazir bɨzir maba, me izɨ, Jehoiakimɨn adarazi ko mɨsogh Judan kantri gasɨghasɨghasa, a me amada. Ikiavɨra Itir God fomɨra uan akam inigha izir gumaziba, kar an ingangarir gumaziba, uan akaba isa me ganɨngizɨ, me an gun mɨkeme. Ikiavɨra Itir God mɨkemezɨ moghɨn, datɨrɨghɨn bizir kabagh amizɨ, da guizbangɨram otifi.

Jenesis 20:6

Ezɨ God irebamɨn a ikaragha ghaze, “Are, kɨ fo, nɨ nɨghnɨzir aghuarim ikia kamagh ami. Ezɨ kɨ uabɨ nɨn amamangatɨzir puvatɨzɨ, nɨ a koma akuizir puvatɨgha nan damazimɨn arazir kuram gamizir puvatɨ.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Sekaraia 2:9

Kɨ uabɨ ivezir kuram me danɨngasava ami, eghtɨ gumazamizir me abɨrazɨ men ingangarir gumazir kɨnibar ikeziba, me dɨkavighɨva, uan apaniba pazavɨra me damuva me da men biziba iniam.” Bizir kam otoghtɨma, me bar fogh suam, Ikiavɨra Itir Godɨn Gavgaviba Bar Itim, na amada.

Matyu 25:45

“Eghtɨ a me ikaragh kamaghɨn me mɨkɨmam, ‘Kɨ guizbangɨra ia mɨgei, arazir ia gumazamizir kɨnibagh amizir puvatɨziba, ia uaghan arazir kabar na gamizir puvatɨ.’

Aposel 9:4

Ezɨ a nguazim girɨgha orazima, tiarir mam kamaghɨn a mɨgei, “Sol, Sol, nɨ tizim bagha na gasɨghasɨsi?”

Habakuk 2:17

Ia Lebanonɨn ruarir pɨzimɨn itir temer bar avɨriba oke, kamaghɨn amizɨ, God arazir ia amizir kamra, ua ia damuam. Ia mati ruarimɨn itir asɨzir atiaba, asɨzir bar avɨrim mɨsuagharɨki, ezɨ datɨrɨghɨn ia uari ikuvigham. Ia gumazamizir bar avɨrim mɨsozi me ariaghire, egha ia nguazir kam ko, nguibar ekiaba ko, dar aven itir adarazi bar me gasɨghasɨki, kamaghɨn amizɨ, bizir kaba otivam.

Aghuzir Akaba 7:2

Nɨ nan akam deraghvɨram an gɨn mangɨ, nɨ deraghvɨra ikiam. Egh deraghvɨra nan akamɨn gan, mati nɨ uabɨ uan damazim geghufi.

Jeremaia 12:14

Ikiavɨra Itir God kamaghɨn mɨgei, “Kɨ Israelian boroghɨra itir kantriba akam men iti. Me arazir kurabagh amua, egha nguazir kɨ uan gumazamizibagh anɨngizir kam pazav a gami. Nɨ oragh! Kɨ apanir kaba men nguazimra me batuegham. Judaba uaghan apanibar tongɨn uan nguazir kɨ me ganɨngizimra iti, eghtɨ kɨ uaghan me batuegham.

Jeremaia 27:7

Kantriba bar an apengan ikɨ, egh uaghan an otarim ko, an igiav otarir gɨn otivamim sara men apengan ikiam. Me Babilonɨn apengan ikɨ mangɨ, kɨ Babilon gasɨghasɨghamin dughiar kɨ mɨsevezimɨn tugham. Dughiar kamɨn, kantrin avɨriba ko atrivir gavgaviba Babilonɨn dɨkabɨragh, me damutɨ me pura men ingangarir gumazir kɨnibar otivigham.

Esekiel 26:20

Kɨ nɨn amadaghtɨ, nɨ Oveaghuezibar Nguibamɨn magɨrɨ gumazamizir bar fomɨra ikeziba ko ikiam. Kɨ nɨ damightɨ, nɨ nguazimɨn apengan magɨrɨ nguibar ekiar kɨ asɨghasɨghiziba ko zurara ikiam. Bizir kam bangɨn, gumazitam ua nɨn danganimɨn ikian kogham. Eghtɨ nɨ ua nguazir kamɨn nguibar aghuitamɨn mɨn otogham kogham.

Esekiel 38:14

“Nguazir kamɨn gumazim, nɨ nan akam an gun Atrivim Gok mɨkɨm suam, ‘Kɨ Ikiavɨra Itir Godɨn Ekiam, kɨ kamaghɨn mɨgei: Nɨ gantɨ, nan gumazamiziba Israelia deravɨra dapiagh ikiam. Eghtɨ nɨ dughiar kamra dɨkavigh me bagh mangɨ.

Aisaia 49:19

“Guizbangɨra, nɨ bar moghɨra ikuvigha bar pura iti. Ezɨ gɨn nɨn boriba uamategh izɨ bar nɨ gizɨvaghtɨ, nɨ me arɨghamin danganiba puvatɨgham. Eghtɨ nɨ gasɨghasɨghizir darasi, me bar nɨn saghon ikiam.

Esekiel 36:11

Kɨ ian itir gumazamiziba ko asɨziba bar dar amightɨ, dar dɨbobonim mavanangam. Ian dɨbobonim bar ghuavanaboghtɨ, gumazamiziba bar avɨrasemegham. Kɨ ia damightɨ, gumazamiziba ian danganir mɨkebaba bar dar ikiam, mati ia fomɨra ikezɨ moghɨn ikiam. Eghtɨ ian dabirabim bar deragham, egh ia fomɨra ikezɨ dabirabim bar a gafiragham. Eghtɨ ia kamaghɨn fogh suam, kɨ Ikiavɨra Itir God.

Esekiel 38:11

Nɨ suam: Kantrin kamɨn gumazamiziba navir amɨrizimɨn ikiava deravɨra iti. Men nguibar ekiaba bar, dɨvazir gavgavir da avɨniziba ko tiar akar gavgaviba puvatɨ. Kamaghɨn amizɨ, kɨ pura aven mangɨ me korogham.

Sekaraia 8:5

Eghtɨ borir doziba nguibar ekiamɨn uari akuvir danganibagh izɨvagh ikararang ikiam.