Sekaraia 2:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ Judaba, Ikiavɨra Itir Godɨn kantrin kamra ikɨ, egh me an damazimɨn bar faraghɨvɨra ikiam. Eghtɨ a bar Jerusalem gifueghɨva, ua bagh anemɨsevegham. A Jerusalem gifongezɨ moghɨn, nguibar ekiatam gifueghan kogham.

Sekaraia 2:12 ပူးပေါင်းရင်းမြစ်များ

Sekaraia 1:17

Ezɨ ensel uaghan kamaghɨn akam akunasa na mɨgɨa ghaze, “Ikiavɨra Itir Godɨn Gavgaviba Bar Itim ghaze, An nguibar ekiaba bizir aghuir avɨriba dagh izɨvagham. Eghtɨ gumazamiziba deraghvɨra ikiam. Ikiavɨra Itir God, gavgavim ua Saion danɨngtɨ, a ua tugh gavgavigham. Egh ua baghvɨra uam Jerusalem ginabagham.”

Godɨn Araziba 32:9

Ezɨ Ikiavɨra Itir God, Israelia, me Jekopɨn adarasi, a ua bagha me amɨsevegha men Godɨn iti.

Jeremaia 10:16

Ezɨ Ikiavɨra Itir God, a Jekopɨn ovavir boribar God, a uabɨ biziba bar adar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Onger Akaba 33:12

Kantrin tam God baghavɨra ikɨtɨ, Ikiavɨra Itir God deravɨra a damutɨ a bar akongegham. Kantrin kamɨn gumazamiziba God ua baghavɨra me ginaba.

Jeremaia 51:19

Ezɨ Ikiavɨra Itir God, a Jekopɨn ovavir boribar God, a uabɨ biziba bar dar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Aisaia 41:9

Kɨ nguazir kamɨn ruaghatevimɨn itir nguibar bar saghon itimɨn ia inigha ize. Egha kɨ kamaghɨn ia mɨkeme, ia nan ingangarir gumazamizibar ikɨ. Kɨ ua bagha ia ginaba, egha kɨ ian aghuagha akɨrim ragha ia gasarazir puvatɨ.

Onger Akaba 135:4

Ikiavɨra Itir God ua baghvɨra Jekop ginaba, kamaghɨn Israelia kar bar Godɨn adarazira.

Onger Akaba 82:8

O God, nɨ dɨkavigh izɨ nguazimɨn gumazamiziba bar me gativagh men araziba tuisɨgh. Nguazimɨn itir gumazamiziba bar nɨn gumazamiziba.

Onger Akaba 132:13

Ikiavɨra Itir God, Saion Nguibam ua bagh a ginaba. A nguibar kam bar a gifuegha, zurarama an ikiasa a ginaba.

Onger Akaba 132:14

A ghaze, “Kɨ nguibar kam bar a gifonge. A nan avughsɨzir danganim, kɨ an aven ikɨ mamaghɨra ikiam.

Aisaia 14:1

Eghtɨ Ikiavɨra Itir God uamategh Jekopɨn ovavir boribar apangkuvigham. A ua bagh Israelia mɨsevegham. Egh a men aku uamategh men nguazimra mangam. Eghtɨ Kantrin Igharazibar Gumazamiziba izɨ me ko ikɨ, men gumazamizibagh avagham.

Sekaraia 3:2

Ezɨ Ikiavɨra Itir God kamaghɨn Satan mɨgei, “Satan, kɨ Ikiavɨra Itir God, nɨn atara ghaze, nɨ akatam mɨkɨman kogham! Kɨ Ikiavɨra Itir Godɨn Jerusalem gifongezim, kɨ nɨ mɨgɨa ghaze, nɨ nɨmɨra ikɨ. Gumazir kam Josua, kɨ uam a ini, a mati gumazim aviradiar avim isim inigha anemunge.”

Godɨn Araziba 32:10

Israelia, ia onganigha pura gumazamiziba puvatɨzir danganimɨn amɨnir ekiaba ivair kam garui. Ezɨ Ikiavɨra Itir God, uabɨn gara uabɨ geghuvi moghɨn, a me akumakua deraghavɨra me geghufi.

Esta 6:13

Egha a uan amuim ko namakaba bizir a bativizibar gun bar me mɨkeme. An amuim ko an namakar fofozir avɨriba itiba, me kamaghɨn a mɨgei, “Datɨrɨghɨn nɨn ziam ko gavgavim Mordekai nɨ dama a iniasa. A Judan gumazim, nɨ anebɨnsɨ damuva avegham. A nɨ dɨkabɨragh nɨ agɨvagham. Eghtɨ nɨ puram an guraghav ikiam.”

Onger Akaba 105:15

“Kɨ ua bagha mɨsevezir gumazamiziba, ia me gasɨghasɨghan markɨ! Ia nan akam inigha izir gumaziba pazɨ me damuan markɨ!”

Aisaia 17:14

Guaratɨzibar, apaniba iza nguibam korima, gumazamiziba bar atiatingi. Egha mɨzarazibar me itir puvatɨ. God, arazir kamɨn, en apanibar tuaviba apɨrima, me iza pazav e gamua, en biziba okeir puvatɨ.

Jeremaia 30:16

Guizbangɨra, ia gasɨghasɨzir adarasi, me uari ikuvigham. Ian apaniba mangɨ saghon itir nguibabar kalabusɨn ikiam. Gumazir paza ia gamigha ian biziba okemeziba, apaniba pazɨ me damuva, men biziba okɨmam.