Sekaraia 13:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Sekaraia 13:9 ပူးပေါင်းရင်းမြစ်များ

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Aposel 2:21

Eghtɨ Ekiamɨn ziamɨn dɨmamin adarasi, a men akurvagham.’

Aisaia 48:10

Kɨ ia damightɨ ia zueghasa nɨghnɨsi, egha kɨ avimɨn ia tuezir puvatɨ, mati gumazim silvan mɨneziba adangasa avimɨn da tue. Ia uan arazir kuraba ataghɨraghasa, kɨ osɨmtɨzir guar avɨriba ataghizɨ, da ia batifi. Kɨ tuavir kamɨn ian nɨghnɨziba ko araziba tuisɨsi.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Akar Mogomem 21:7

Gumazamizir mɨdorozim gamua apaniba abɨriba, kɨ bizir kaba me danɨngam. Egh kɨ men Godɨn ikɨtɨ, me nan boribar ikiam.

1 Pita 4:12

Nan namakaba, osɨmtɨzir kam avimɨn mɨn ia tuivigh gavgavighasa ia batifi. Eghtɨ ia dɨgavir kuram damuan markɨ, egh suam, bizir igharagha gariba e batifi.

Jeremaia 30:22

Eghtɨ ia Israelia, ia nan gumazamizibaram otoghtɨ, kɨ ian Godɨn ikiam.”

Aisaia 43:2

Ia dɨpar konibagh irɨ mangɨtɨ, kɨ ia ko mangam. Ia faneba abɨgh vongɨn mangɨtɨ, da ia avan kogham. Eghtɨ ia avir ekiar puvɨra isimɨn aven mangɨtɨ, a ian isian kogham.

Jems 1:12

Gumazim osɨmtɨziba aterɨva, egh uaghan osɨmtɨziba bar dar aven tugh gavgavigh, uan nɨghnɨzir gavgavim ateghan koghtɨ, God ivezir aghuim a danɨngtɨma a zurara itir ikɨrɨmɨrir aghuim iniam. Ivezir aghuir kam, God akar dɨkɨrɨzim gamua ghaze, gumazir bar a gifongeziba, a me danɨngam. Kamaghɨn, gumazir kam bar akongegh.

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.

Hibru 8:10

Kɨ ian Ekiam, egha kɨ kamaghɨn ia mɨgei, gɨn izamin dughiam otoghtɨ, kɨ Israel ko Akar Dɨkɨrɨzir Gavgavim damightɨ, eghtɨ a kamaghɨn mangam: Kɨ uan araziba men nɨghnɨzibar arɨgh, egh da isɨ men navir averiabar da osiram. Egh kɨ men Godɨn ikɨtɨma me nan gumazamizibar ikiam.

Jopɨn Akɨnafarim 23:10

Ezɨ God nan daroriba bar dagh fo. Egh a bizitam na damigh fogham, kɨ golɨn mɨn bar dera.

Jeremaia 31:33

Kɨ Ikiavɨra Itir God, kɨ kamaghɨn ia mɨgei, Gɨn izamin dughiam otoghtɨ, kɨ Israel ko Akar Dɨkɨrɨzir Gavgavim damightɨ, a kamaghɨn mangam: Kɨ uan araziba men nɨghnɨzibar arɨgh, egh da isɨva men navir averiabar da osiram. Egh kɨ men Godɨn ikɨtɨma me nan gumazamizibar ikiam.

Aisaia 58:9

Egh ia na ko mɨgɨa nan deir dughiam, kɨ Ikiavɨra Itir God, kɨ ian dɨmdiam baragham. Eghtɨ dughiar ia uarir akurvaghsɨ na bagh arangamimɨn, ia fogh suam, kɨ ia ko iti. “Eghtɨ ia guizbangɨra igharaz darazi dɨkabɨrir arazim ko paza me gamir arazim ategh, dafariba me gasa, akar kuraba mɨgeir arazim atakigh.

Ofa Gami 26:12

Kɨ ian tongɨn daruva ian Godɨn ikiam. Eghtɨ ia nan gumazamizibar ikiam.

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

Aghuzir Akaba 17:3

Ikiavɨra Itir God kamaghɨn fofoghasa, e gumazir aghuiba o gumazir kuraba, egha en naviba badagh foghasa, mati me avimɨn gol ko silva tuaghɨva aningɨn gɨfofoghasa, ka guizbangɨn bizim, ti puvatɨ.

Onger Akaba 144:15

Gumazamizir God kamaghɨn deragha me gamiba, me bar akongegh. Gumazamizir Ikiavɨra Itir God inizɨ, a men Godɨn mɨn iti, me bar akongegh.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

Esekiel 37:27

Nan Dɨpenim men tongɨn ikɨtɨ, kɨ men Godɨn ikɨtɨ, me nan gumazamizibar ikiam.

Esekiel 36:28

Egh ia nguazir kɨ fomɨra ian inazir afeziabagh anɨngizir kamɨn ikiam. Egh ia nan gumazamizibaram otoghtɨ, kɨ ian Godɨn ikiam.

Esekiel 11:20

Egh me arazir kɨ ifongeziba guizbangɨra dar suiraghɨva, deravɨra bizir kɨ damuasa me mɨkemezibar gɨn mangam. Egh me nan gumazamizibar mɨn ikɨtɨ, kɨ men Godɨn ikiam.

Jeremaia 32:38

Egh me nan gumazamizibar ikɨtɨ, kɨ men Godɨn ikiam.

Akar Mogomem 8:7

Ezɨ faragha zuir ensel uan sɨgham givima, amozir ofɨzir ekiar dagɨabar mɨn gariba ko avim, aning ghuzim sara isafuragha nguazim giri. Ezɨ me nguazim ko temeba 3plan okoruabar vaghvagha da tuira, ezɨ nguazimɨn okoruar mam, avim bar an isi. Ezɨ temebar okoruar mam, avim bar an isi, egha avim uaghan nguazimɨn aghuir graziba bar adar isi.

Akar Mogomem 8:8

Ezɨ namba 2 ensel uan sɨgham givima, bizir mam mati mɨghsɨar ekiamɨn mɨn avim an isima, me anekunizɨ a ghua ongarim giraghu. Ezɨ ongarim 3plan okoruabar uabɨ tuirazɨ, an okoruar mam ghuzimɨn oto.

Akar Mogomem 8:9

Bizir ongarimɨn angamɨra itiba, da uaghan me 3plan okoruabar da tuira, ezɨ okoruar kabar mam, bar ariaghire. Ezɨ kuriba uaghan, me 3plan okoruabar da tuira, ezɨ kuribar okoruar mam, bar moghɨra ikufi.

Akar Mogomem 8:10

Ezɨ namba 3 ensel uan sɨgham givima mɨkovezir ekiar mam adenimɨn mɨn puvɨra isia, overiam ategha irɨ. Ezɨ me 3plan okoruabar faneba tuira, ezɨ mɨkovezir kam faner okoruar kabar mam gira, egha uaghan dɨpar atuibagh irɨ.

Akar Mogomem 8:11

Mɨkovezir kamɨn ziam kamakɨn, Marasinɨn Bar Puvɨra Mɨsozim. A dɨpar okoruar kabar mam girɨzɨ, dɨpar kaba Marasinɨn Bar Puvɨra Mɨsozimɨn oto. Ezɨ gumazamizir avɨriba dɨpar kam apima, a men navibar isizɨ me ariaghire.

Akar Mogomem 8:12

Ezɨ enselɨn namba 4 uan sɨgham givi, ezɨ me aruem ko iakɨnim ko mɨkoveziba 3plan okoruabar vaghvagha da tuira. Egha me aruemɨn okoruar mam gasɨghasɨgha, iakɨnimɨn okoruar mam gasɨghasɨgha, egha mɨkovezibar okoruar mam gasɨghasɨki. Kamaghɨn amizɨ, arueba bar, dughiar mabar aruem isir puvatɨgha mɨtatangi, ezɨ dɨmagariba bar, dɨmagarir maba iakɨnim ko mɨkoveziba isir puvatɨgha angazangariba puvatɨ.

Jeremaia 24:5

“Kɨ Ikiavɨra Itir God, Israelian God, kɨ ghaze, Judan gumazamizir kɨ me batoghezɨ, me ghua Kaldian nguazimɨn ghueziba, kɨ men garima, me mati fighɨn ovɨzir aghuiba.

Esekiel 20:38

Ian tongɨn itir akaba batogha arazir kurabagh amir gumazamiziba, kɨ me batueghtɨ, me ua ian tongɨn ikian kogham. Me datɨrɨghɨn kantrin igharazibar nguazibar ikia kalabuziamɨn iti, eghtɨ kɨ dar me inigh azenan izam. Eghtɨ me ua Israelɨn nguazimɨn aven mangan kogham. Eghtɨ ia kamagh fogh suam, kɨ Ikiavɨra Itir God.

Daniel 11:35

Eghtɨ apaniba gumazir dapanir tabav soghtɨ me arɨghiram. Eghtɨ men osɨmtɨzir kam gavgavim gumazamizir mabar anɨngam. Me arazir aghuibar amuva, Godɨn damazimɨn bar zuegham. Eghtɨ arazir kam gɨvaghan kogham. A kamaghɨra ikɨ mangɨ God inabazir dughiar abuananamɨn tugham.

Daniel 12:10

Eghtɨ bizir kaba otiv gumazamizibar amutɨ me arazir aghuibar amuam. Egh me Godɨn damazimɨn zuegham. Egh gumazamizir fofozir aghuiba ko nɨghnɨzir aghuiba itir kaba, merara bizir kamɨn mɨngarim gɨfogham. Eghtɨ gumazamizir kuraba me bizir kamɨn mɨngarim gɨfoghan kogham. Egh me arazir kurar avɨrim damuam.

2 Samuel 7:24

O Ikiavɨra Itir God, nɨ Israelia e gamizɨ, e zurara kamaghɨra nɨn gumazamizibar ikiam. Eghtɨ nɨ uabɨ en Godɨn ikiam.

Jopɨn Akɨnafarim 28:1

“Gumaziba gol ko silva iniasa nguazimɨn aven mozir bar konibagh tui. Egha gol ko silva tuamin danganibar ingari, eghtɨ avim dar mɨnezibar isightɨ da bar zuegham.

Onger Akaba 43:4

O God, nɨ nan God, nɨrara nan navim gamima a derazɨ kɨ bar akonge. Kɨ nɨn ofa gamir dakozimɨn mangɨ, egh uan gita mɨsogh nɨn ziar ekiam fam.

Solomon 2:16

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api moghɨn, a na ko ikiasa bar akonge.

Jeremaia 9:6

Me uarira uari abɨrir arazim gamua ghuavɨra ikia, egha ifavarir arazibagh amuavɨra iti. Me nɨghnɨzir gavgavim nan ikɨ, nan gɨn mangan aghua. Kɨ Ikiavɨra Itir God, kɨ kamaghɨn mɨkemegha gɨfa.”

Esekiel 14:11

Kɨ kamaghɨn damigh, Israelɨn ikɨzimɨn tuavim apɨrightɨ me uam akɨrim ragh na gasan kogham. Egh arazir kurabar amuan kogh nan damazimɨn mɨzeghan kogham. Eghtɨ me nan gumazamizibara ikɨtɨ, kɨ men Godɨn ikiam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”