Sekaraia 12:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Eghtɨ dughiar kamɨn, kantrin igharazir Jerusalem ko mɨsoghava amiba, kɨ bar dagh asɨghasɨgham.”

Sekaraia 12:9 ပူးပေါင်းရင်းမြစ်များ

Hagai 2:22

Kɨ kantrin igharaziba ko, atrivibar gavgaviba agɨvagham, egh karisba ighɨrarightɨ, dar karisbar suizir gumaziba da sara daighiregham. Eghtɨ hoziaba arɨmɨghireghtɨ, men mɨdorozir gumaziba dɨkavigh kaghɨra uan roroabav sogh bar me agevegham.

Aisaia 54:17

Eghtɨ mɨsoghamin bizir katam nɨ gasɨghasighan kogham. Eghtɨ nɨ mɨtɨgh gavgavigh gumazir pura mɨgɨrɨgɨaba nɨ gasibar mɨgɨrɨgɨaba ikarvagham, eghtɨ men mɨgɨrɨgɨaba gavgaviba bar puvatɨgham. Ezɨ arazir kamra kɨ deravɨra uan ingangarir gumazamizibar garava, me gamizɨ, me uan apaniba dɨkabɨri. Nan arazir kam, a ivezir aghuimɨn mɨn, kɨ a isa uan ingangarir gumazamizibagh anɨdi. Kɨ Ikiavɨra Itir God, kɨ mɨkemegha gɨfa.”

Sekaraia 12:2

“Kɨ Jerusalem damightɨ a wain itir kavɨn mɨn otogham. Eghtɨ kantrin igharazir an boroghɨn ikia, a gasɨghasɨghasava amiba, me mati gumazir wainɨn kavɨn kam amegha onganiziba. Me mɨdorozim bagh Jerusalemɨn nguibar ekiamɨn mangɨva, me Judan nguibar dozir igharaziba bar da sara ekɨarugham.

Aisaia 29:7

Eghtɨ kantrin igharazibar mɨdorozir gumazir avɨrir Ariel ko mɨsogha paza a gamiziba, da uam ikian kogham. Ezɨ me nguibar ekiam iniasa ingarizir dakoziba, da pura gɨvagham, mati Jerusalemia irebar kuramɨn men ganizɨ mokɨn. Egh mati irebamɨn mɨn garir bizim dɨmangan otogha zuamɨra pura zui moghɨn, an apaniba zuamɨra bar gɨvagham.

Aisaia 54:15

Eghtɨ gumazitaba nɨ ko mɨsoghsɨ izɨtɨ, nɨ kamaghɨn fogh suam, kɨ me amadazir puvatɨ. Me uan ifongiamɨn izi. Kamaghɨn amizɨ, tina nɨ mɨsoghasa izi, a uabɨ kuram iniam.