Sekaraia 12:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Dughiar kam otogh gɨvaghtɨ, kɨ Jerusalem damightɨma a dagɨar bar osɨmtɨzimɨn mɨn otogham. Eghtɨ kantriba bar a ko mɨsoghsɨ uari akuvagh, me uari ikuvigham, mati gumazim dagɨar osɨmtɨzir kam fava mɨzazim isi.

Sekaraia 12:3 ပူးပေါင်းရင်းမြစ်များ

Matyu 21:44

Eghtɨ gumazir manam dagɨar kam gisɨn irɨghɨva, an aghariba mɨsarighiregham. Eghtɨ dagɨar kam gumazitam gisɨn irɨghɨva, bar anemɨsararigham.”

Luk Osirizir Akar Aghuim 20:18

“Nɨ tina temer guarir kam gisɨn irɨghɨva dɨpɨrigh irɨgham, eghtɨ a tina gisɨn irɨghtɨma gumazir kam bar mɨsarighiregham.”

Sekaraia 14:6

Eghtɨ angazangarim aruemɨn dughiamra otivan kogham. Puvatɨ.

Sekaraia 13:1

“Dughiar kam otoghtɨ kɨ mozir dɨpam damightɨ an anang otogh iram. Devitɨn ovaviba ko, Jerusalemɨn nguibamɨn itir gumazamizir igharaziba, me godɨn ifavaribar ziaba fava, arazir mɨzɨrɨzir avɨribagh ami. Eghtɨ dɨpar kam men arazir kuraba ruam.”

Sekaraia 12:11

Dughiar kamɨn Jerusalemɨn nguibamɨn azirakar bar ekiam an aven otogham. Mati, me fomɨra Megidon danganir zarimɨn ikia, asem Hadatrimon bagha bar puvɨram azi moghɨn, men azirakam an mɨrara mangam.

Akar Mogomem 16:14

Duar bar kurar kaba arazarazir igharagha garibagh ami da otiva, nguazimɨn itir kantriba bar dar atriviba bagha, tintinibar zui. Me atrivibar amutɨ me uan mɨdorozir gumaziba inigh izɨ me akuvasa. Eghtɨ Godɨn Gavgaviba Bar Itim gumazamiziba tuisɨghamin dughiar ekiamɨn, me mɨdorozim damuam.

Sekaraia 14:13

Dughiar kamɨn Ikiavɨra Itir God me damightɨ, me atiatingɨva onganigham. Egh me uarir boroghɨn itir darazir suighɨva, uariv soghɨva arɨghiram.

Sekaraia 12:6

“Dughiar kamɨn kɨ Judan gumazir dapanibar amightɨ, me mati tuzim dafogha isi moghɨn, o mati witɨn azenir bar mɨsɨngizim dafogha isia mɨzariaba zui. Eghtɨ kantrin men boroghɨn itiba da bar gɨvagham. Eghtɨ Jerusalemɨn nguibar ekiamra, a itir danganimra ikɨvɨra ikiam.

Sekaraia 12:4

Kɨ Ikiavɨra Itir God, kɨ dughiar kamɨn apanibar hoziabar amightɨ, da bar atiatigham, eghtɨ dagh isɨn apiazir gumaziba bar onganigham. Kɨ Judabagh eghuva, men apanibar hoziabar amightɨ dar damaziba bar okavigham.

Hagai 2:22

Kɨ kantrin igharaziba ko, atrivibar gavgaviba agɨvagham, egh karisba ighɨrarightɨ, dar karisbar suizir gumaziba da sara daighiregham. Eghtɨ hoziaba arɨmɨghireghtɨ, men mɨdorozir gumaziba dɨkavigh kaghɨra uan roroabav sogh bar me agevegham.

Sefanaia 3:19

Dughiar kamra, apanir ia abɨragha paza ia gamiziba, kɨ me gasɨghasigham. Ia Israelian tintinibar kantrin igharazibar itiba, ia mati sipsipba tintinibar ghuezɨ, ian sueba ikufi. Kɨ ia inigh ua ian nguibamɨn izam. Ia datɨrɨghɨn igharaz darazir damazimɨn bar aghumsɨki, ezɨ kɨ ian aghumsɨzim agɨvagh ziar ekiam ia danɨngam. Eghtɨ nguazimɨn danganiba bar, dar gumazamiziba ian ziaba fam.

Habakuk 2:17

Ia Lebanonɨn ruarir pɨzimɨn itir temer bar avɨriba oke, kamaghɨn amizɨ, God arazir ia amizir kamra, ua ia damuam. Ia mati ruarimɨn itir asɨzir atiaba, asɨzir bar avɨrim mɨsuagharɨki, ezɨ datɨrɨghɨn ia uari ikuvigham. Ia gumazamizir bar avɨrim mɨsozi me ariaghire, egha ia nguazir kam ko, nguibar ekiaba ko, dar aven itir adarazi bar me gasɨghasɨki, kamaghɨn amizɨ, bizir kaba otivam.

Maika 5:15

Kɨ arazir kam bagha nan navim bar osemegha atari. Egh kantribar gumazamizir nan akaba batozir arazir kam, kɨ a ikarvagham.”

Maika 5:8

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, mati laion ruarimɨn itir asɨziba ko, sipsipɨn dɨvazimɨn aven itibar amasa gari. A sipsipbar tongɨn mangɨ, uabɨ fɨ sipsipbav kɨn me givi me aghoram. Eghtɨ gumazir men akurvaghamiba puvatɨgham.

Obadia 1:18

Egh Jekopɨn ovavir boriba, me avimɨn mɨn otivigham. Guizbangɨra, Josepɨn ovavir boriba, me avir mɨzariamɨn mɨn otivigham, egh Ison ovavir boriba avim dadam girɨgha an isi moghɨn men isigham. Eghtɨ Ison ovavir boritam ua ikian kogham. Kɨ Ikiavɨra Itir God, kɨ mɨkemegha gɨfa.”

Aisaia 60:12

Ezɨ kantrin nɨn apengan ikia nɨn ingangaribar amuan aghuaziba, me bar moghɨra ikuvigh bar gɨvagham.