Sekaraia 11:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ kɨ gumazir bizibagh iveza da amadiba bagha, sipsipbagh eghuvir gumazimɨn mɨn oto. Kar sipsipɨn me mɨsuegh damasava amiba. Ezɨ kɨ sipsipbagh eghuvir gumaziba suizir aghorir pumuning ini. Aghorir mam, kɨ ziam Apangkuvim a gatɨgha, igharazim, kɨ Navir Vamɨra a gatɨ. Kɨ aghorir kamningɨn suiragha, sipsipɨn okoruar kamɨn gari.

Sekaraia 11:7 ပူးပေါင်းရင်းမြစ်များ

Sekaraia 11:14

Egha kɨ gɨn, aghorir namba 2 apɨri, aghorir kam kɨ ziam Navir Vamɨra a garɨsi. Ezɨ arazir kam kamaghɨn men akagha ghaze, Judaba ko Israelia, uari abigha ikɨzir pumuningɨn oto.

Sekaraia 11:4

Egha Ikiavɨra Itir God, nan God kamaghɨn na mɨgei, “Nɨ sipsipbagh eghuvir gumazimɨn mɨn damu. Sipsipɨn kaba dar ghuaviba dav sogh dar amasa.

Aisaia 11:4

A kotɨn aven guizɨn arazir aghuimɨn gɨn mangɨ, onganarazibar mɨgɨrɨgɨaba baragh, deraghvɨra me tuisɨgham. A nguazir kamɨn itir gumazir uari abɨra aghumra itiba, a men osɨmtɨziba baragh, me tuisɨgh men akurvagham. An akam me danɨngtɨ, nguazir kamɨn gumazir kuraba, ivezir kuram iniam. A mɨkɨmtɨ, gumazir kurar akaba batoziba arɨmɨghiram.

Sefanaia 3:12

Eghtɨ gumazamizitaba, kɨ me ateghtɨ me Jerusalemɨn nguibamɨn ikiam. Me bizir avɨriba puvatɨgh guizbangɨra uari dɨkabɨragham. Egh na bagh izɨ uarir akurvaghsɨ nan azangsɨgham.

Aisaia 61:1

Ikiavɨra Itir God, akar aghuim gumazamizibav kɨnasa na mɨsevegha, borem nan dapanim ginge, kamaghɨn amizɨ, Ikiavɨra Itir God, en Ekiamɨn Duam, a nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir osɨmtɨzibar apengan itiba, men osɨmtɨziba gɨvagham, eghtɨ kalabusɨn itir gumazamiziba, me bagh kalabusɨn tiar akam kuightɨ, me kalabus ategh fɨrighɨregh mangam.

Jems 2:5

Nan adarasi, ia oragh. Nguazimɨn itir gumazamizibar damazibar itir gumazamizir onganaraziba, gumazamizir kaba God me amɨsevegha ghaze, me nɨghnɨzir gavgavimɨn arazimɨn iti. A fomɨra gumazamizir bar a gifongeziba bagha akam akɨra ghaze, a bar me gativagh men ganam. Kamaghɨn a gumazamizir onganarazir kaba mɨsevegha ghaze, me God Bizibagh Ativamin Dughiamɨn aven ikiam.

Jon Osirizir Akar Aghuim 10:16

Kɨ sipsipɨn maba uaghan iti, da dɨvazir kamɨn sipsipba puvatɨ. Ezɨ kɨ sipsipɨn kaba uaghan men aku izam, eghtɨ me nan tiarim baragham. Eghɨva me bar sipsipɨn okoruar vamɨra ikɨtɨ, sipsipbagh eghuvir gumazir vamɨra bar me geghuvam.

Mak Osirizir Akar Aghuim 12:37

“Egha Devit uabɨ ‘Ekiam’ gumazir kam gatɨ. Ezɨ manmaghɨn amizɨ a ua Devitɨn Ovavim?” Ezɨ gumazamizir avɨriba an mɨgɨrɨgɨaba baregha bar akonge.

Matyu 11:5

Gumazamizir damazir okavɨrɨziba ua gari, ezɨ gumazamizir suer amɨriziba uam arui. Ezɨ gumazamizir lepa itiba ua zuegha dera, ezɨ gumazamizir kuarir orazir puvatɨziba uam orasi. Ezɨ ovengezir gumazamiziba ua dɨkavima, ezɨ gumazamizir onganarazibagh amiba Akar Aghuim barasi.

Onger Akaba 23:4

O God, nɨ na ko iti. Kamaghɨn, kɨ danganir zarimɨn mangɨva ovevemɨn tuavir mɨtarmemɨn mangɨ, egh bizir kurabar atiatingan kogham. Nɨ uan asadivir aghorir sipsipbagh eghuvimɨn suirazɨ, kɨ an gara fo, nɨ na geghuv deragh nan ganam. Kamaghɨn, nan navim bar nan dera.

1 Samuel 17:43

Kamaghɨn amizɨ a Devit dɨpova kamaghɨn a mɨgei, “Nɨ tizim bagh asadivir aghorir mamɨn suiragha izi? Nɨ ghaze, kɨ ti afiam, egha na mɨsoghasa, a?” Egha a Devit gasɨghasɨghasa uan asebar dei.

1 Samuel 17:40

Egha a uan asadivir aghorim inigha daghurir dɨpar mamɨn eghuravimɨn ghuava 5plan dagɨar guar doziba inigha, uan mɨtarir dozim garu. Egha uan katapelɨn suiragha Goliat bagha zui.

Ofa Gami 27:32

Ian 10plan bulmakauba o 10plan sipsipbar tongɨn, dar vamɨra vamɨra, a nana. Ia asɨziba bar bɨzimɨn dar atɨgh, egh bar da mengegh, eghtɨ 10plan asɨzibar tongɨn, dar namba 10ɨn asɨziba, da nana, kɨ Ikiavɨra Itir God.

Onger Akaba 27:4

Kɨ bizir vamɨra bagha Ikiavɨra Itir Godɨn azaragha gɨfa. Bizir kɨ bar ifongezimra kara: kɨ angamɨra itir dughiamɨn, kɨ an Dɨpenimrama aven ikiam. Kɨ an ganganir aghuimɨn gan an boroghɨn ikɨ bar akueghasa. Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.

Onger Akaba 90:17

O Ekiam, nɨ en God, e kamaghɨn ifonge, nɨ en apangkuvigh deraghvɨra e damu. Bizir e amiba mar deraghvɨrama otiv. Nɨ guizbangɨra bizir e amiba, nɨ gavgavim dar anɨngightɨ, da gavgavigh mamaghɨra ikɨ.

Jeremaia 39:10

Egha Nebusaradan, gumazamizir onganarazibagh amir maba ataghizɨ, merara Judan nguazimɨn ikiavɨra iti. Gumazamizir kaba nguaziba ko biziba puvatɨ. Ezɨ a dughiar kamɨn wainɨn azeniba ko, azenir igharaziba sara me ganɨngi.

Aisaia 40:11

A sipsipbagh eghuvir gumazimɨn mɨn, uan gumazamiziba deragha me geghuva men gari. A zurara uan agharimningɨn sipsipɨn nguziba akumakua, me isa uan evarim garɨgha, me ateragha arui. A sipsipɨn amebar nguzir bar muziariba itiba, a men asughasugha, me isa tuaviba men akakagha, men akua zui.

Maika 7:14

O Ikiavɨra Itir God, nɨ gumazamizir ua bagha mɨseveziba, nɨ me eghuvir gumazimɨn mɨn ikɨ, mati sipsipbagh eghuvir gumazim deravɨra uan sipsipbagh eghufi. Me ruarir arɨzibar mɨghsɨabar ikia, nguazir aghuiba puvatɨ. Ezɨ azenibar ingaramin nguazir aghuiba vɨn iti. Me faragha amizɨ moghɨn, nɨ men amamangatɨghtɨ, me mangɨ Basan Distrik ko Gileatɨn Distrighɨn nguazir aghuibar azenibar ingaram, mati sipsipba grazir aghuiba itir nguazim garua grazir avɨriba api.