Sekaraia 11:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ O Lebanonɨn gumazamiziba, avim ian temer sidabar isigham, kamaghɨn amizɨ, ia tuavim apɨran markɨ, ia uan tiar akaba kuigh.

Sekaraia 11:1 ပူးပေါင်းရင်းမြစ်များ

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Sekaraia 10:10

Nan gumazamizir Isip ko, Asirian kantrin itiba, kɨ ua me inigh izɨtɨma, me uan nguazimra dapiagham. Kɨ nguazimɨn mɨtaghniam gɨsɨvaghtɨma, me Gileatɨn Distrik ko, Lebanonɨn nguazim sara iniam. Eghtɨ gumazamiziba nguazir kam bar a gizɨvagham.

Hagai 1:8

Ikiavɨra Itir Godɨn Gavgaviba Bar Itim ghaze, Ia mɨghsɨabar mavanang temeba okegh izighirɨ nan Dɨpenim uam an ingarigh. Eghtɨ nan navir averiam deragh bar akongegham. Egh ia an aven nan ziam fɨtɨ, kɨ uan angazangarim ko, gavgavim saram otogh, ziar bar ekiam iniam.

Habakuk 2:17

Ia Lebanonɨn ruarir pɨzimɨn itir temer bar avɨriba oke, kamaghɨn amizɨ, God arazir ia amizir kamra, ua ia damuam. Ia mati ruarimɨn itir asɨzir atiaba, asɨzir bar avɨrim mɨsuagharɨki, ezɨ datɨrɨghɨn ia uari ikuvigham. Ia gumazamizir bar avɨrim mɨsozi me ariaghire, egha ia nguazir kam ko, nguibar ekiaba ko, dar aven itir adarazi bar me gasɨghasɨki, kamaghɨn amizɨ, bizir kaba otivam.

Habakuk 2:8

Ia kantrin avɨrir igharazibar gumazamizibar biziba, ia bar da okeme. Egha ia men gumazamizir bar avɨrim mɨsoghezɨ me ariaghirezɨ, ia men nguibar ekiabagh asɨghasɨki. Egha men gumazamizir varazira ataghizɨ me ikiavɨra iti. Egh me gɨn, igharaz darazi gamizɨ moghɨra, me dɨkavigh arazir kamra ia damuam.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Esekiel 31:3

Ia Asirian kantri gɨnɨghnɨgh, a fomɨra tugha bar gavgavigha iti, mati Lebanonɨn kantrin itir temer sida ruaragha tughav ikia, aguar diriba ikia dughuazir aghuim isa ruarim ganɨdi. Egha bar ruaragha ghuanaga overiamɨn ghuariabar suiragha iti.

Sekaraia 11:2

Sidan temeba iregha gɨfa, temer kaba ziar ekiaba iti, da ikuvigha gɨfa. Kamaghɨn amizɨ, painɨn temeba ia azi. Me ruarir arɨzimɨn temeba okegha gɨfa, kamaghɨn amizɨ, ia Basanɨn itir okɨn temeba ia azi.

Sekaraia 12:6

“Dughiar kamɨn kɨ Judan gumazir dapanibar amightɨ, me mati tuzim dafogha isi moghɨn, o mati witɨn azenir bar mɨsɨngizim dafogha isia mɨzariaba zui. Eghtɨ kantrin men boroghɨn itiba da bar gɨvagham. Eghtɨ Jerusalemɨn nguibar ekiamra, a itir danganimra ikɨvɨra ikiam.