Sekaraia 10:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Israelian gumazamiziba me mɨdorozir gumazir gavgavibar mɨn otivigh bar akuegham, me mati gumaziba wainɨn dɨpaba ame. Eghtɨ men ovavir boriba gɨn otivigh, kɨ Ikiavɨra Itir God, me gamizir bizir aghuir kabagh nɨghnɨgh bar akuegham.

Sekaraia 10:7 ပူးပေါင်းရင်းမြစ်များ

Sekaraia 9:15

Ikiavɨra Itir Godɨn Gavgaviba Bar Itim, oramɨn mɨn deravɨra uan gumazamizibagh eghuvam, eghtɨ me katapelbar uan apanibav sogh bar me abɨragham. Me mɨdorozimɨn aven, me mati gumaziba dɨpar onganiba amegha tiariba akara uan apanibav suagharɨsi. Men ghuziba, mati me ofabar amuasa asɨzir ghuzir itarim inigha, ofa gamir dakozim ginge.

1 Pita 1:8

Ezɨ ia an ganizir puvatɨ, egha ia a gifuegha uan naviba isa a ganɨngi. Ezɨ datɨrɨghɨn ia an gari puvatɨ, egha ia nɨghnɨzir gavgavim an ikia egha bar akonge. Agoroger kam a nguazir kamɨn bizir maba bar dagh afira, ezɨ e a mɨkɨmamin akabagh asa.

Filipai 4:4

Ia Ekiam ko porogh ikɨ egh zurara bar akongegh. Kɨ ua mɨgei, ia bar akongegh.

Aposel 2:26

Nɨ na ateghtɨ, kɨ Gumazamizir Oveaghuezibar Nguibamɨn ikian kogham. Nɨ ua bagha inabazir gumazim aneteghtɨma, an inivafɨzim kurighan kogham. Kamaghɨn nan navir averiam bar akonge. Ezɨ kɨ mɨgɨrɨgɨar aghuibagh ami. God na damuamin bizir aghuiba, kɨ da bagha mɨzuai.

Jon Osirizir Akar Aghuim 16:22

Ezɨ kamaghɨra, ia datɨrɨghɨn naviba oseme. Eghtɨ kɨ ua ian gantɨ, ian naviba bar akuegham. Eghtɨ tav ian agoroger kam batueghan kogham.

Sekaraia 9:17

Nguazir kam bar deraghtɨ, me deravɨra ikiam. Eghtɨ gumazamizir igiaba, me dagher avɨriba ko, wainɨn avɨribar amɨva aghungtɨ, men ganganiba bar deragham.”

Sefanaia 3:14

O Israelian gumazamiziba, ia pamten dɨmɨva ighiabar amu! O gumazamizir Jerusalemɨn nguibamɨn itiba, ian navir averiaba deraghtɨ ia bar akuegh mamaghɨra ikɨ!

Jeremaia 32:39

Kɨ men navir averiabar aven navir vamɨra me danightɨ, me tuavir vamɨran gɨn mangam. Egh me zurara nan atiating nan apengan ikɨtɨ, kɨ me ko men boriba sara deraghvɨra me damuam.

Aisaia 66:14

Kɨ ia gamizir bizir kam, ia an ganigh ian naviba bar akueghtɨ, ian mɨkarziba bar gavgavightɨ ia deravɨra ikiam. Eghtɨ gumazamiziba kamaghɨn fogh suam, Ikiavɨra Itir God uan gavgavimɨn uan ingangarir gumazamizibar akura. Egha apanibara, a men atarima, me an anɨngagharimɨn mɨzazim barasi.”

Aisaia 38:19

Gumazamizir angamɨra ikiavɨra itiba, guizbangɨra merara, kɨ datɨrɨghɨn nɨn ziam fe moghɨn, me nɨn ziam fa nɨ mɨnabi. Amebaba ko afeziaba, nɨ zurara amir bizir aghuiba, me dar gun uan boribav gei.

Onger Akaba 104:15

Nɨ en akurazɨma, e wainɨn ikarɨziba opara dar ovɨziba mɨrmɨra, dar dɨpaba apa en naviba bar akonge. Egha en guaba taghtaghasa, e olivɨn temebar borem isa uan guabagh azui. Egha e dagheba opara, da apava, en mɨkarziba gavgafi.

Onger Akaba 102:28

E nɨn ingangarir gumazamiziba. Nɨ deraghvɨra en boribar gantɨ, me deraghvɨra ikiam. Egh nɨ men ovavir borir gɨn otivamibar akuraghtɨ, me deraghvɨra ikiam.

Onger Akaba 28:7

Ikiavɨra Itir God uabɨ gavgavim isa na ganɨga, nan oramɨn mɨn ikia na modi. Ezɨ kɨ nɨghnɨzir gavgavim an iti. A nan akurvagha na gamima, kɨ uan navir averiamɨn, a bagha bar akuegha onger akabagh amua a mɨnabi.

Onger Akaba 13:5

Kɨ nɨghnɨzir gavgavim kamaghɨn ikia ghaze, nɨ nan apangkuvigha ikia kamaghɨra iti. Nɨ nan akurvaghasa kɨ bar ifonge.

1 Samuel 2:1

Egha Hana kamaghɨn God ko mɨgei: “O Ikiavɨra Itir God, nɨ na gamima, kɨ bar akonge. Ikiavɨra Itir God, nɨ gavgavim ko ziar ekiam na ganɨngizɨ, kɨ bar akonge. Nɨ nan akurazir bizim bangɨn, kɨ bar akonge. Nɨ bangɨn kɨ uan apanibar ingaravati.

Jenesis 43:34

Ezɨ ingangarir gumaziba aveghbuaba bagha Josepɨn dagher dakozimɨn dagheba tuigha me ganɨngi. Egha Benjamin bagha bar dagher ekiam tui, mati 5plan gumaziba damamin dagheba isa a ganɨngi. Ezɨ me Josep ko amegha wainɨn dɨpar onganiba apa egha bar akuegha egha ongani.

Jenesis 18:19

Kɨ kamaghɨn ifonge, Abraham uan boriba ko uan ovavir boribar sure damightɨ me Ikiavɨra Itir Godɨn akamɨn gɨn mangam. Egh me arazir aghuiba ko arazir nan damazimɨn derazibara darara gɨn mangam. Kamaghɨn, kɨ ua bagha Abraham ginaba. Egh gɨn kɨ uan akar dɨkɨrɨzimɨn gɨn mangɨ, Abraham deravɨram a damuam.”

Aposel 13:33

Datɨrɨghɨn, a Iesus gamizɨ a matmatɨn ua dɨkafi. E men boriba, kamaghɨn amizɨ, an e bagha uan akar dɨkɨrɨzir kam gamizɨ a guizbangɨram oto. Onger Akabar Akɨnafarim sapta 2, kamaghɨn a mɨgei: “ ‘Nɨ nan otarim, ezɨ datɨrɨghɨn kɨ nɨn afeziamɨn oto.’

Aposel 2:39

God fomɨra akam akɨrigha ghaze, a uan Duam isɨ, ia ko, ian boriba ko, ian saghon itir darazi bar, a uan Duam ia danɨngam. God, en Ekiam, gumazamizir a diaziba, a uan Duam me danɨngam.”

Onger Akaba 90:16

E nɨn ingangarir gumaziba, nɨ uan ingangarir gavgaviba en akagh. Nɨ uaghan en ovavir boriba, nɨ uan ingangarir gavgavir aghuiba men akagh.

Onger Akaba 33:21

E nɨghnɨzir gavgavim an ziar bar zuezimɨn iti. Kamaghɨn, e uan navir averiabar aven a bagh bar akongegham.

Aisaia 54:13

Kɨ Ikiavɨra Itir God, kɨ uabɨ nɨn boriba bar men sure damuam, eghtɨ me dabirabir bar aghuim ikiam.

Esekiel 37:25

Me nguazir kɨ uan ingangarir gumazim Jekop ganɨngizimɨn aven ikiam. Kar nguazir men inazir afeziaba ikezim. Me uan boriba ko men gɨn otivamin ovavir boriba, me zurara nguazir kamɨn ikɨ mamaghɨra ikiam. Nan ingangarir gumazim, Atrivim Devit, an ikɨzimɨn gumazitam me gativagh men gan mamaghɨra ikiam.

Joel 2:23

“Ia nan damazimɨn deraghasa, kɨ ian akurvagha amozir avɨriba ia ganɨdi. Amozir dughiabar iakɨnir faragha zuiba, kɨ amoziba ia ganɨga, egha uaghan amozir dughiabar gɨn izir iakɨniba, kɨ amoziba ia ganɨdi. Kamaghɨn amizɨ, ia Saionɨn gumazamiziba, ia bar akongegh. Kɨ Ikiavɨra Itir God, ian God, kɨ ian akurvaghasa amizir biziba, ia da bagh bar akongegh.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Sekaraia 12:8

Dughiar kamɨn kɨ Ikiavɨra Itir God, kɨ Jerusalemɨn gumazamiziba geghuvam, mati gumazim oramɨn uabɨ modi. Kɨ gavgavim me danɨngtɨ, gumazir mɨdorozibar gavgavizir puvatɨziba, me Atrivim Devitɨn mɨn gavgavigham. Eghtɨ Devitɨn ovavir borir gɨn otivamiba, me, men gumazir dapanibar ikiam, eghtɨ me mati Ikiavɨra Itir Godɨn ensel o God uabɨ, egh me, me geghuvam.