Sekaraia 1:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ezɨ Ikiavɨra Itir Godɨn enselɨn faraghavɨra zuim kamaghɨn mɨgei, “O Ikiavɨra Itir Godɨn Gavgaviba Bar Itim, nɨ 70plan azenibar Jerusalem ko, Judan nguibar ekiaba bagha atara navim bar nɨn ikufi. Nɨ bar dughiar manamra ua men apangkuvigham?”

Sekaraia 1:12 ပူးပေါင်းရင်းမြစ်များ

Sekaraia 7:5

“Nɨ kantrin kamɨn gumazamiziba ko, an ofa gamir gumaziba kamaghɨn me mɨkɨm, ‘Guizbangɨra, 70plan azeniba dar namba 5ɨn iakɨniba ko, namba 7ɨn iakɨniba ia dagheba ataghɨragha azia aghuimazimɨn iti. Ezɨ ia nan ziam fasa arazir kam gamizir pu. Bar puvatɨ.

Daniel 9:2

An azenir farazim, ana atrivimɨn itima, kɨ Daniel, kɨ Godɨn akɨnafariba gara da dɨbori. Egha, Godɨn akam inigha izir gumazim Jeremaia, Ikiavɨra Itir God a ganɨngizir akam, kɨ a gɨnɨghnɨsi. A ghaze, Jerusalem 70plan azenibar ikuvighvɨra ikiam.

Jeremaia 29:10

“Kɨ Ikiavɨra Itir God, kɨ kamaghɨn mɨgei: Akar kamɨn mɨngarim a kamakɨn. Babilon ia gativagh ian ganasa, kɨ 70plan azenibagh inaba. Eghtɨ azenir kaba gɨvaghtɨma Babilon ikuvigham. Eghtɨ dughiar kamɨn kɨ ia ginɨrɨgh, ua ian aku Jerusalemɨn izam, kar kɨ uan akar dɨkɨrɨzimɨn gɨn mangɨva a damuam.

Onger Akaba 102:13

Eghtɨ nɨ dɨkavigh izɨ Saionɨn nguibamɨn apangkuvigham. Ezɨ datɨrɨghɨn dughiar apangkuvamim oto. Nɨ datɨrɨghɨn an uabɨn torogh, egh an akurvagham.

Onger Akaba 74:10

O God, dughiaba manmagh apaniba nɨ dɨpovam? Me nɨn ziam akar kurabar a mɨkɨmvɨra ikiam?

Akar Mogomem 6:10

Duar kaba dɨa kamaghɨn mɨgei, “Gavgaviba bar itir Ekiam, nɨ arazir kuraba bar dar saghon ikia egha bar zue! Ezɨ nɨn akar dɨkɨrɨziba da guizbangɨra otifi! E nɨ mɨzua iti, nɨ zuamɨra nguazimɨn itir gumazamizibar araziba tuisɨghɨva, egh en ghuzimɨn ivezim ikarvagh!”

Sekaraia 1:8

Kɨ dɨmangan irebamɨn mɨn garir bizir mamɨn garima, Ikiavɨra Itir Godɨn enselɨn mam, hoziar aghevim gaperagha izi. A iza danganir zarir mamɨn tevsevibar tongɨn tughav itima, an akɨrangɨn hoziar agheviba ko, baghɨraviba dukumiziba koma, ghurghuriba tuivighav iti. Ezɨ enselɨn maba hoziar kabagh apiaghav iti.

2 Eghaghaniba 36:21

Israelia fomɨra uan nguazimɨn ikia, egha 7plan azenibar vaghvagha dar aven azenir vamɨra avughsazim nguazim ganɨngizir puvatɨ. Kamaghɨn amizɨ, Ikiavɨra Itir God faragha Jeremaian akam garugha mɨkemezir akam, guizbangɨram otivasa, Israelia ghua 70plan azenibar Babilonɨn kalabuziabar mɨn iti. Ezɨ men nguazim puram avughsa iti.

Hibru 7:25

An angamɨra ikia mamaghɨra ikia egha gumazamiziba bagha Godɨn azangsɨsi. An ingangarimɨn tuavimɨn a me inigha Godɨn boroghɨra zui. Kamaghɨn, datɨrɨghɨn ko zurara, a men akurvagham.

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Onger Akaba 69:5

God, nɨ na gɨfo kɨ gumazir onganim. Nan arazir kurabar osɨmtɨziba nɨn damazimɨn mongezir puvatɨ.

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Jeremaia 15:17

Kɨ gumazir dughiar aghuiba baghavɨra itiba ko apiavkia bizibav gɨa atir puvatɨ. Bar puvatɨ. Gumazamizir arazir kurar me amiba bangɨn, anɨngazim na gizɨfa. Kamaghɨn, kɨ uabɨ abɨragha bar nɨn apengan ikia uabɨra iti.

Jeremaia 30:18

Ikiavɨra Itir God kamaghɨn mɨgei: “Kɨ Jekopɨn adarazir apangkuvigh, egh men akuragham. Eghtɨ me uari bagh dɨpenibar ingar, egh deraghvɨra ua uan nguazimɨn ikiam. Egh Jerusalem fomɨra ikezɨ moghɨn, me uam an ingaram. Egh atrivimɨn dɨpenim me an danganimra an ingaram.

Daniel 12:6

Ezɨ aningɨn mav, enselɨn korotiar ghurghurim arugha mong fanemɨn pɨn itim kamaghɨn an azangsɨgha ghaze, “Dughiar manamra bizir me ganɨva atiatingamiba gɨvagham?”

Habakuk 1:2

O Ikiavɨra Itir God, dughiar bar ruarim kɨ nɨn diava ara iti. Ezɨ nɨ dazoghɨn nan dɨmdiam baregh, en akuragham, eghtɨ bizir bar kurar e bativiba, e gasɨghasɨghan kogham?

Onger Akaba 79:5

O Ikiavɨra Itir God, nɨ en ataravɨra iti o? Nɨ dughiar ruarimɨn en atar ikɨ kamaghɨra ikiam o? Nɨ navim en ikuvigh, nɨn anɨngagharim avimɨn mɨn isi kamaghɨra ikiam o?

Fofozir Gumazim 3:3

Egha e gumazibav soghtɨ me arɨmɨghiramin dughiaba iti, egh e me damutɨ me ghuamaghamin dughiaba iti. Egha e biziba angararɨghamin dughiaba iti, egh e bizibar ingaramin dughiaba iti.

Aisaia 47:6

Kɨ bar puvɨra uan gumazamizibar atari, egha kɨ ua uan gumazamizibar mɨn me gɨnɨghnɨzir puvatɨ. Egha kɨ nɨ ataghizɨ, nɨ iza paza me gamua, egha nɨ tong men apangkuvizir pu. Bar puvatɨ. Nɨ bar pazavɨra me gamua osɨmtɨzir bar dafam me ganɨngi. Egha nɨ uaghan gumazamizir ghuribagh amima me osɨmtɨzir dafam ateri.