Sefanaia 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ Ikiavɨra Itir Godɨn Gavgaviba Bar Itim, Israelian God, kɨ zurara angamɨra ikia, guizbangɨra mɨgɨa Akar Gavgavir kam gami, Moapia ko, Amonia me ikuvigham, mati Sodom ko, Gomora ikuvizɨ moghɨn me ikuvigham. Eghtɨ ikarɨzir ataghatariba otivigh men nguazim bar anevegham. Eghtɨ amangsɨzim itir moziba nguibar kamɨn otoghtɨ a bar ikuvigh kamaghɨra ikiam. Eghtɨ nan adarazir ikiavɨra itir varazira, me, me mɨsogh pura men biziba iniva, men nguaziba iniam.”

Sefanaia 2:9 ပူးပေါင်းရင်းမြစ်များ

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Godɨn Araziba 29:23

Eghtɨ ian nguazim, avim bar an isightɨ, a nguazir kɨnim gavaghtɨ, salfan dagɨaba ko amangsɨziba a gizɨvagh, graziba puvatɨghtɨ dagheba oparamin danganir aghuiba puvatɨgham. A Sodom, ko Gomoran nguibar ekiamningɨn mɨn gan, egh uaghan Atma ko Seboimɨn ngubamningɨn mɨn ganam. Nguibar ekiar kaba, Ikiavɨra Itir God dar anɨngaghegha bar adagh asɨghasɨki.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Jeremaia 50:40

Kɨ fomɨra Sodomɨn nguibam ko Gomoran nguibam ko, nguibar aningɨn boroghɨra itiba saram asɨghasɨki. Ezɨ da nguibar kɨnibar otifi. Kɨ Ikiavɨra Itir God, kɨ mɨkeme: Bizir kamra Idomɨn otogham, eghtɨ gumazitam an ikeghan kogham.

Jeremaia 48:1

Ikiavɨra Itir Godɨn Gavgaviba Bar Itim, Israelian God, a Moapɨn kantri gɨnɨghnɨgha kamaghɨn mɨkeme: “Iavzika, Nguibar ekiam Nebon gumazamiziba. Apaniba Nebo bar a gasɨghasigham. Me Kiriataim dɨkabɨragham, a nguibar dɨvazir gavgavim itim. Me a gasɨghasɨgham. Eghtɨ nguibar kamɨn gumazamiziba bar aghumsigham.

Aisaia 49:18

Nɨ uan dapanim fegh pura tintinibar gan! Nɨn boriba uari akuvagh nɨ bagh izam. Kɨ Ikiavɨra Itir God, kɨ zurara ikɨvɨra ikiam, kamaghɨn amizɨ, kɨ guizbangɨra ia mɨgei, ‘Nɨ, mati amizim pamɨn ikiasa bar akuegha kurkazir aghuibar uabɨn kurti moghɨn, nɨ ua me inigh me bagh bar akuegham.’

Akɨnafarir Pol Romɨn Nguibar Ekiamɨn Itir Sios Bagha Osirizim 14:11

E fo, Godɨn Akɨnafarim kamaghɨn mɨgei: “Kɨ ian Ekiam, kɨ zurara ikɨvɨra ikiam, kamaghɨn amizɨ kɨ guizbangɨra ia mɨgei, ‘Nguazimɨn itir gumazamiziba bar moghɨra nan guamɨn teviba apɨrigh, egh uan akabar nan gun mɨkɨm suam, kɨ guizbangɨra God.’ ”

Sefanaia 3:13

Israelian ikiavɨra itir varazira, men dɨbobonim bar sufi. Me arazir kurabar amuan koghɨva, akar ifavaribar amuan kogham. Me guizɨn akabar amu, egh ifaran kogham. Me deraghvɨra dapiagh avughsam, eghtɨ bizitam me damutɨ me atiatingan kogham.”

Sefanaia 2:14

Bulmakauba ko, sipsipba ko, memeba ko, asɨzir atiabara izɨ a dakuam. Apaniba dɨpenibar itir ter arariba isɨ tintinimɨn da kunigham. Kamaghɨn amizɨ, dɨpenir kaba bar ikuvigham. Eghtɨ dɨmagarimɨn kuarazir biariba ko, mɨghɨaba ko, dariaba da pura izɨ dɨpenir kabar ikɨva dar dɨpenir akɨniba ko, tiar akaba ko, winduabar dapiagh ikɨva arangam.

Sefanaia 2:7

Ezɨ Judan ikɨzimɨn ikiavɨra itir varazira, me ian nguazim iniam. Eghtɨ men sipsipba danganir kamɨn itir grazibar amɨtɨ, Judaba Askelonɨn nguibamɨn itir dɨpenibar dakuam. Eghtɨ Ikiavɨra Itir God, a men God, a me ko ikɨ me damutɨ me deravɨra ikiam.

Amos 1:13

“Ia oragh! Ikiavɨra Itir God Akar Gavgavir kam ia ganɨga ghaze, Amonian kantrin gumazamiziba, arazir kurabagh amua ghuavɨra iti. Me ua nguazitaba iniasa mɨsosi, egha Gileatɨn Distrighɨn itir amizir naviba adaiba, me men naviba abɨzi da bɨaghiri. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Jeremaia 49:18

Kɨ fomɨra Sodomɨn nguibam ko Gomoran nguibam ko, nguibar aningɨn boroghɨra itiba saram asɨghasɨki. Ezɨ da nguibar kɨnibar otifi. Kɨ Ikiavɨra Itir God, kɨ mɨkeme: Bizir kamra Idomɨn otogham, eghtɨ gumazitam an ikeghan kogham.

Jeremaia 46:18

Ezɨ atrivimɨn ziar bar guizbangɨram atrivimɨn itim, a Ikiavɨra Itir Godɨn Gavgaviba Bar Itim. A kamaghɨn mɨkeme, “Kɨ zurara angamɨra iti, kɨ guizbangɨra mɨgei: Gumazitam izam. Eghtɨ an gavgavim bar gumazir igharazibar gavgavim gafiragham, mati Taborɨn Mɨghsɨam bar ruaragha, mɨghsɨar mabagh afira. Egha mati Karmelɨn Mɨghsɨam ongarir dadarimɨn ikia, bar pɨn mar iti.

Dɨboboniba 14:21

Bar guizbangɨra, kɨ Ikiavɨra Itir God, kɨ zurara angamɨra iti, ezɨ nan gavgavim ko angazangarim ko ziar ekiam nguazir kam bar a gizɨfa. Ezɨ kɨ datɨrɨghɨn uan ziamɨn akar dɨkɨrɨzim gamua ghaze,

Jeremaia 49:1

Ikiavɨra Itir God, akam Amonian gumazamizibar iti. A kamaghɨn mɨkeme: “Manmaghɨn ami? Israelia ti otariba puvatɨ, me uan afeziabar nguaziba iniam, a? Ezɨ men tarazi ti uan nguazir kabar iti, o? Manmaghsua aser Milkomɨn ziam fer adarasi, Gatɨn anabamɨn adarazir nguazim ini? Manmaghsua Amonia ghua Israelian nguibabar iti?

Jeremaia 49:33

Eghtɨ Hasor afiar atiabar danganimɨn mɨn otogham, egh a ikuvigh mamaghɨra ikiam. Eghtɨ nguibar kam pura ikiam. Gumazamiziba ua an puvatɨgham.”

Amos 2:1

“Ia oragh! Ikiavɨra Itir God Akar Gavgavir kam ia ganɨga ghaze, Moapia arazir kurabagh amua ghuavɨra iti. Me Idomɨn kantrin atrivim inigha a mɨsoghezɨ an areme. Ezɨ me gɨn uam an aghariba inigha avimɨn da tuezɨ da isigha arinimɨn mɨn oto. Kamaghɨn amizɨ, nan anɨngagharim guizbangɨra Moapia bagha bar ekefe, ezɨ kɨ ivezir kuram me danɨngam.

Godɨn Araziba 29:22

“Ikiavɨra Itir God, gumazir kamɨn nguazim damightɨ, bizir kuraba ko osɨmtɨzir avɨriba a bativam. Eghtɨ an ovavir borir gɨn otivamiba, ko gumazamizir kantrin saghuiabar ikegha izeziba, bizir kurar kabar ganam.

Sekaraia 2:13

O gumazamiziba, ia pura ikɨva oragh! Ikiavɨra Itir God dɨkavigha uan Nguibam ategha e bagha izasava ami. Kamaghɨn amizɨ, e bar moghɨra uan akabar kumigh nɨmɨra ikɨva a mɨzuamam.