Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sefanaia 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

2 Puvatɨghtɨ, Ikiavɨra Itir God uan anɨngagharim akaghtɨ, ia ikuvigham mati akɨmariba mɨdɨi. Puvatɨghtɨ, Ikiavɨra Itir God ian ataram, eghtɨ an adarim avimɨn mɨn ian isiam.

အခန်းကိုကြည့်ပါ။ ကော်ပီ




Sefanaia 2:2
22 ပူးပေါင်းရင်းမြစ်များ  

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.


Kamaghɨn amizɨ, gumazamizir kaba mɨzarazimɨn ghuariamɨn mɨn pura gɨvagham. Me dɨmagarimɨn ghuariamɨn mɨn iti, eghtɨ aruem anangtɨ, ghuariam zuamɨra mɨsɨngigham. Me raizɨn mɨsevibar mɨn amɨnim dagh ivangtɨ, da pura tintinibar mangam. Egh me avir mɨgharimɨn mɨn pɨn ghuavanang pura gɨvagham.


Apaniba mati, aperiar dafam aforegha izi. Eghtɨ God men atarɨva pamtem me mɨkemeghtɨ, me uamategh arɨ uan nguibabar mangam. God men agɨraghtɨ, me pura mangam, mati amɨnim mɨghsɨabar dɨkavigha, raizɨn mɨsevibagh varazɨ, da pura tintinibar zui, egha mati amɨnir dafam pamtem iza, nguazir mɨneziba avizɨ da tintinibar ghuavanadi.


Ezɨ gumazamizir arazir kurabagh amiba, me kamaghɨn ikian kogham. Bar puvatɨ. Amɨnim raizɨn mɨsevibagh ivarazɨ da zui moghɨn, bizir me amiba deragh otivan kogh, dagheba dar puvatɨgh pura mangam.


Ikiavɨra Itir God kamaghɨn an gɨn zuir gumazamizibav gei, “Kɨ men atara kamaghɨn uan nɨghnɨzim akɨrigha gɨfa, kɨ kantriba bar dar gumazamiziba inigh izɨ me akuvagh, men arazir kuraba ikarvagham. Eghtɨ nan anɨngagharim avimɨn mɨn nguazir kamɨn danganiba bar dagh asɨghasigham. Kamaghɨn amizɨ, ia nɨghnɨzir avɨribar amuan markɨ. Ia Dughiar kɨ kantriba bar dar gumazamiziba isɨ kot darɨghamim bagh pura mɨzuam ikɨ.


Dughiar kamɨn, Ikiavɨra Itir God uan anɨngagharim akagham, eghtɨ men gol ko silva tong bar men akuraghan kogham. Bar puvatɨgham. An anɨngagharim, avimɨn mɨn otogh nguazimɨn ruaghateviba bar dar isigham. A zuamɨram otogh, nguazimɨn gumazamiziba bar me agɨvagham.


God dughiar avɨribar me batozir puvatɨ, mati amɨnir ekiam dadar mɨdiaribagh ivai.


Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”


Kɨ Ikiavɨra Itir God, kɨ uabɨ Israelia me ko mɨkɨmam. Eghtɨ bizir kɨ mɨkemeziba, da zuamɨram otivam. Ia akaba batozir ikɨzim, ia oragh! Ia aremeghan kogh ikɨvɨra ikɨtɨ, kɨ mɨkemezɨ moghɨn damuam. Kɨ Ikiavɨra Itir Godɨn Ekiam, kɨ kamaghɨn mɨkeme.”


Ikiavɨra Itir Godɨn anɨngagharim ikɨvɨra ikɨ mangɨ, bizir a damuasa nɨghnɨziba bar ada gɨvagham. Egh dughiar abuananamɨn, ia gumazamiziba bizir kaba deraghvɨram adagh fogham.”


“Ia deraghvɨram oragh! Ia gumazamizir akɨrim ragha na gasaraziba. Ia kamaghɨn damutɨ, kɨ ia gasɨghasightɨ, gumazitam ian akuragh ua ia inighan kogham.


Ia uari amɨragh teviba apɨrigh magɨrɨ, an dagarimningɨn tor. Puvatɨghtɨ, an adarim zuamɨrama otoghtɨ ia arɨmɨghiregham. Guizbangɨra, an anɨngagheghtɨ an anɨngagharim zuamɨrama otogham. Eghtɨ gumazitam God bagh izɨ an aven modogh, nɨghnɨzir gavgavim an ikɨ bar akuegham.


Ia Judaba ko Jerusalemia, ia na bagha uan mɨkarzir mogomebar inibar ghoregha na ko akam akɨrizɨ moghɨn, kamaghɨra ia na baghvɨra ikɨ uari isɨ na danɨng. Ia kamaghɨn damighan koghtɨ, nan anɨngagharim avir ekiamɨn mɨn otogh, ia amizir arazir kuram bagh ian isitɨ, gumazitam anemungueghan kogham.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ