Rutɨn Eghaghanim 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Nɨ ingangarir amizibar gan, me ingara ghua managh tu nɨ merara gɨn mangɨ. Kɨ nɨ bagha ingangarir gumaziba akar gavgavim me ganɨngi. Me arazir kuratam nɨ damighan kogham. Kuarim nɨn pɨrtɨ, nɨ mangɨ mɨner ekiar ingangarir gumaziba dɨpaba tuiziba, dar dɨpatam amegh.”

Rutɨn Eghaghanim 2:9 ပူးပေါင်းရင်းမြစ်များ

1 Jon 5:18

E fo, Godɨn otivizir boriba me arazir kurabar gɨn zuir pu. Puvatɨ, Godɨn otozir Otarim, Iesus, deravɨra Godɨn borir igharazibar gari. Ezɨ Satan bizitam me damighan kogham.

Jenesis 20:6

Ezɨ God irebamɨn a ikaragha ghaze, “Are, kɨ fo, nɨ nɨghnɨzir aghuarim ikia kamagh ami. Ezɨ kɨ uabɨ nɨn amamangatɨzir puvatɨzɨ, nɨ a koma akuizir puvatɨgha nan damazimɨn arazir kuram gamizir puvatɨ.

1 Korin 7:1

Kɨ datɨrɨghɨn mɨgɨrɨgɨar ia akɨnafarimɨn osiriziba ikarvaghasa. Gumazim o amizim poroghamim gamizir puvatɨ, a dera.

Matyu 10:42

Eghtɨ tav suam, kɨ Iesusɨn suren gumazitamɨn akurvaghsɨ, egh pura dɨpar orangtɨzim isɨva suren gumazamizir ziaba puvatɨzir katam danigham, bar guizbangɨra kɨ ia mɨgei, God ivezir aghuim a danɨngam.”

Aghuzir Akaba 6:29

Kamaghɨra, nɨ gumazir igharazimɨn amuim ko dakuightɨ, me bar pazavɨra nɨ damightɨ nɨ bar ikuvigh ivezir kuram gitavɨraghan iburagham.

Onger Akaba 105:15

“Kɨ ua bagha mɨsevezir gumazamiziba, ia me gasɨghasɨghan markɨ! Ia nan akam inigha izir gumaziba pazɨ me damuan markɨ!”

Jopɨn Akɨnafarim 19:21

“God uan agharimɨn na mɨsoghezɨ kɨ bar ikuvigha iti. Kamaghɨn, ia nan namakaba, e uari, ia nan kuarkuvigh deravɨra na damu.

Rutɨn Eghaghanim 2:8

Ezɨ Boas kamaghɨn Rut mɨgei, “Nan guivim, nɨ nan azenimɨn kaghɨra ikɨ, egh ua bagh balin ovɨzibagh eghuv. Gumazir igharazitamɨn azenimɨn mangan markɨ. Nɨ nan ingangarir amiziba ko kaghɨra ikɨ.

Rutɨn Eghaghanim 2:10

Ezɨ Rut irava nguazimɨn fuagha, uan guam nguazim mɨtuagha irɨghav ikia kamaghɨn Boas mɨgei, “Kɨ kantrin igharazimɨn amizim. Ezɨ nɨ manmaghɨn nan gara na gɨfogha deravɨra na gami?”