Rutɨn Eghaghanim 2:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ezɨ damamin dughiam, Boas kamaghɨn Rut mɨgei, “Nɨ izɨ bret tam inigh wainɨn dɨpar mɨsozim darugh anemegh.” Ezɨ Rut ingangarir gumaziba ko aperazɨ, Boas balin tuezir maba a ganɨngi. Ezɨ an apa ghua bar izɨvazɨ dar naba iti.

Rutɨn Eghaghanim 2:14 ပူးပေါင်းရင်းမြစ်များ

Rutɨn Eghaghanim 2:18

Egha Rut balin ovɨziba inigha nguibar ekiamɨn ghugha uan asamimɨn aka. Egha dagher nar an apa taghiziba sara a ganɨngi.

Matyu 14:20

Ezɨ gumazamizir kaba bar amegha, naviba bar izefe. Ezɨ dagher naba itima, me da akuvagha 12plan akɨrabagh aghui.

Godɨn Araziba 8:10

Egh bizir ia damasa ifongeziba, ia bar ada iniam. Egh ia Ikiavɨra Itir God, ian God, kantrin aghuir a ia ganɨngizir kam bagh an ziam fɨ a mɨnabam.”

Aisaia 58:7

God kamaghɨn mɨgei, “Arazir kɨ ifongezim a kamakɨn: Ia dagheba isɨ mɨtiriaba azir gumazamizibar anɨng. Ia gumazir onganarazibar gantɨ, me dakuamin dɨpeniba puvatɨghtɨ, ia me inigh uan dɨpenibar mangɨ. Ia gumazimɨn gantɨ, a uan mɨkarzim avamin iniba puvatɨghtɨ, ia iniba a danɨng. Ia uan adarazir gantɨ me osɨmtɨziba initɨ, ia men akurvagh.

Aisaia 32:8

Ezɨ gumazamizir aghuiba me ziar ekiaba iti, me zurara arazir zuezibagh ami. Egha me arazir aghuibar amuasavɨra iti.

Onger Akaba 23:5

Nɨ na bagha daghem gamigha azenara na dafazɨ, nan apaniba bar nan gari. Nɨ nan diazɨ kɨ iza nɨ ko aperazɨ, nɨ borem isa nan dapanim ginge. Ezɨ nan itarim bar izɨvagha fasfagha iri.

2 Samuel 17:28

Gumazir kaba itariba ko nguazir mɨneba, ko daguraguir mɨsiaba isɨ Devit uan gumaziba ko me danɨngasa da inigha zui. Egha me dagher maba sara inigha zui, kar wit ko bali, plaua ko witɨn me avimɨn tueziba, ko nguezir igharagha garir pumuning ko, hani ko, bulmakaun otem ko dagher sisɨn me bulmakaun oter eborimɨn ingarizim. Me uaghan sipsipɨn maba inigha ghue. Me kamaghɨn fo, Devit uan gumaziba ko iza gumazamiziba puvatɨzir danganimɨn zuir tuavimɨn ize. Ezɨ mɨtiriam men azima kuariba men pɨri, ezɨ men mɨkarziba bar men amia. Kamaghɨn amizɨ, me dagher kaba inigha me bagha izi, eghtɨ me dar amɨva ua gavgavim iniam.

1 Samuel 25:18

Abigel kamaghɨn oregha zuamɨra 200pla bretba ko memen inimɨn ingarizir wain itir mɨsevir pumuning inigha, sipsipɨn 5plan tuziba ko, 20 kilogremɨn witɨn tueziba, ko 100plan wainɨn ovɨzir ikɨzir apuziziba, ko 200pla fikɨn ovɨzir me apuziziba, a dagher kaba bar ada inigha donkibagh isɨn da arɨki.

1 Samuel 17:17

Ezɨ dughiar mamɨn Jesi kamaghɨn Devit mɨgei, “Nɨ bretɨn 10plan kaba ko 10 kilogremɨn witɨn me avimɨn tueziba inigh, zuamɨra uan aveghbuaba bagh averpenir me itibar mangɨ.

Godɨn Araziba 11:15

Eghtɨ ia daghetamɨn oteveghan kogham. Eghtɨ ian bulmakauba damamin graziba ikiam.

Rutɨn Eghaghanim 2:13

Ezɨ Rut kamaghɨn Boas mɨgei, “Nan ekiam, kɨ nɨn damazimɨn deravɨram oto. Kɨ nɨn ingangarir amizim, kɨ fo, kɨ tong nɨn ingangarir amizibar mɨn itir puvatɨ. Ezɨ nɨ arazir aghuaribar na gamua, nɨmɨra na mɨgeima nan navim bar dera.”

Rutɨn Eghaghanim 2:15

Rut amegha gɨvagha ua dɨkavigha ingarasa zui. Ezɨ Boas kamaghɨn gumazibav gei, “Ia aneteghtɨ a ua bagh balin ikɨzibar boroghɨn ireghav itir balin ovɨzibagh eghuv. Ia akam a gasɨ a mɨkɨman markɨ.