Rutɨn Eghaghanim 1:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ezɨ Naomi ghaze, “Ia ‘Naomi,’ na darɨghan markɨ. Ziar kam kamakɨn, amizir navir aghuim itim. Puvatɨ. Godɨn Gavgaviba Bar Itim navir osɨmtɨzim na ganɨngi. Ezɨ ia ‘Mara,’ na darɨgh, ziar kam kamakɨn, amizir navir kuram itim, mati dagher mɨsozim pamten an akam mɨsosi.

Rutɨn Eghaghanim 1:20 ပူးပေါင်းရင်းမြစ်များ

Jopɨn Akɨnafarim 6:4

Godɨn Gavgaviba Bar Itim, barir marasinɨn kuram itibar na gasi. Marasinɨn kurar kam nan namnamɨn aven ghuzɨ, nan nɨghnɨzim ikufi. God atiatim na danɨngamin bizir guar avɨriba amadi.

Hibru 12:11

Afeziam e akɨrmɨghasa osɨmtɨzim e ganɨngizɨ, e ghaze, osɨmtɨzir kam bar e itarazɨma e ikia bar akongezir puvatɨ. Egha en navir averiaba bar oseme. Eghtɨ an e akɨrigh gɨvaghtɨ, dagher aghuir en otivamibara kara: e Godɨn damazimɨn arazir aghuibara damuam, eghtɨ en navir averiaba amɨragh ikiam.

Aisaia 38:13

Kɨ dɨmagaribar nɨghnɨgha ghua mɨzarazibar tu, egha ghaze, Nɨ laionɨn mɨn nan aghariba apɨri. Nɨ dughiaba bar na gamima, nan ikɨrɨmɨrir kam gɨvasava ami.

Onger Akaba 88:15

Kɨ uan igiamra ikia mɨzazir kamra isa iza datɨrɨghɨn atam areme. Nɨ mɨzazir ekiam na gasezɨ, nan agharapaniba bar nan amɨra.

Onger Akaba 73:14

O God, nɨ arueba ko dɨmagaribar mɨzaziba na ganɨgavɨra iti. Ezɨ osɨmtɨzir kaba, mɨzarazibar fofoziba na ganɨdi.

Jopɨn Akɨnafarim 19:6

“Ezɨ kɨ arazir kuratam gamizir puvatɨ. God uan ifongiamra bizir kabagh ami. A uan iver ekiamɨn nan suiragha na amɨghɨrɨ.

Jopɨn Akɨnafarim 5:17

“Nɨ oragh. Godɨn Gavgaviba Bar Itim, gumazitamɨn arazim akɨrmɨghtɨ, gumazir kam, a bar akongegham. Kamaghɨn amizɨ, God ti nɨ akɨrmɨghasava ami, ezɨ nɨ an aghuzir akaba baragh egh akɨrim ragh a gasan markɨ.

Jopɨn Akɨnafarim 11:7

“Godɨn Gavgaviba Bar Itimɨn fofozir aghuiba ko nɨghnɨzir aghuiba, nɨ ti bar dagh fogha iti? Puvatɨ. Egha nɨ ti an fofozimɨn mɨtaghniabar abaragha iti? Bar puvatɨ.

Ua Me Ini 6:3

Azenir bar faragha ghua gɨvazibar, kɨ Abraham ko Aisak ko Jekop, me batifi. Ezɨ me fo, kɨ Gavgaviba Bar Itir God. Egha kɨ uan ziam Ikiavɨra Itir God, an gun me mɨkemezir puvatɨ. Me ziar kam gɨfozir puvatɨ.

Jenesis 43:14

Kɨ God ko mɨkɨmamin mɨgɨrɨgɨam kara, Gavgaviba Bar Itir God, gumazir kamɨn nɨghnɨzimɨn akuraghtɨ a ian apangkufigh. Egh a ian aveghbuar igharazim ko Benjamin amadaghtɨ aning na bagh izɨ. God ifongeghtɨ nan boriba bar ovengeghtɨ, a dera kɨ pura ikiam.”

Jenesis 17:1

Ezɨ Abram gɨn azenir 99pla anetuzɨma, Ikiavɨra Itir God a batogha a mɨgɨa ghaze, “Kɨ Gavgaviba Bar Itir God. Nɨ zurara nan akam baragh, nan apengan ikɨva nan damazimɨn deragh arazir aghuibar amu.

Akar Mogomem 21:22

Ezɨ kɨ gari, nguibar ekiar kamɨn aven Godɨn Dɨpenir gumaziba ingarizɨ tam itir puvatɨ. Ekiam, a Godɨn Gavgaviba Bar Itim, ko Sipsipɨn Nguzim, aning uaning Godɨn Dɨpenimɨn danganim ini.

Akar Mogomem 1:8

Ekiam, a Godɨn Gavgaviba Bar Itim, a kamaghɨn mɨgei, “Kɨrara kɨ faraghavɨra ikia, egh abuan ikɨvɨra ikiam.” Kar Godɨn kamnangra, a datɨrɨghɨn ikia, fomɨra ikia, egh gɨn uamategh izam.

Ua Me Ini 15:23

Egha me gɨn ghua Maran danganimɨn otivigha dɨpar mam bato. Dɨpar kam akatorimɨn aven mɨsosi, ezɨ me anereman ibura. Dɨpar kamɨn ziam, Mara, an mɨngarim, bizim akamɨn aven anɨnganigha mɨsosi.

Jopɨn Akɨnafarim 9:18

“God tong na ataghɨrazir puvatɨ, ezɨ kɨ avughsezir puvatɨ, kamaghɨn kɨ mɨzazim isavɨra iti. Ezɨ bizir a na gamir kaba, da na gamima, kɨ osɨavɨra iti.