Rutɨn Eghaghanim 1:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ezɨ Naomi Rut mɨgɨa ghaze, “Nɨ gan, nɨn penem zui, a uan gumazamiziba ko uan aseba bagha zui. Nɨ an gɨn mangɨ.”

Rutɨn Eghaghanim 1:15 ပူးပေါင်းရင်းမြစ်များ

Gumazir Dapaniba 11:24

Nɨ uan bizir nɨn asem Kemos nɨ ganɨngiziba, nɨ da ini. Ezɨ en nguazir en God e ganɨngiziba, da en nguaziba.

Sefanaia 1:6

Gumazamiziba akɨrim na gasa, ua nan gɨn zuir puvatɨ, egha tuavim uarir akakaghasa na bagha iza, nan azangsɨzir puvatɨ. Kɨ uaghan gumazamizir kabagh asɨghasigham.”

2 Atriviba 2:2

Egha Elaija kamaghɨn Elisa mɨgei, “Ikiavɨra Itir God mangɨ Betelɨn otivasa na mɨkeme. Kamaghɨn amizɨ, ga uaning, nɨ kagh ikɨ.” Ezɨ Elisa kamaghɨn an akam ikaragha ghaze, “Ikiavɨra Itir Godɨn ziamɨn, kɨ bar guizbangɨra mɨgei, kɨ nɨ ko mangam.” Kamaghɨn amizɨ, aning vɨrara Betelɨn nguibamɨn ghu.

Josua 24:15

Ia Ikiavɨra Itir Godɨn ziam fan aghuaghɨva deravɨra nɨghnigh, ia godɨn manamɨn ziam fam? Ian ovaviba fomɨra Mesopotemian nguazimɨn ikia ziaba fezir aseba, ia da fam? O, Amoria, ia men nguazir ia datɨrɨghɨn itir kam, men aseba, ia da fam? Ezɨ kɨ ko, nan dɨpenimɨn itir adarazi bar moghɨra, e Ikiavɨra Itir Godɨn ziamra fam.”

1 Jon 2:19

Kraisɨn apanir kaba faragha e ko ikegha, e ategha azenan ghue. Egha me guizbangɨra en adarazi puvatɨ. E fo, me en adarazi amuava, e ko ikiai. Me e ategha ghue, ezɨ e fo, me en adarazi puvatɨ.

Hibru 10:38

Ezɨ nan damazimɨn derazir gumaziba, me nɨghnɨzir gavgavim nan ikɨ, kamaghɨn me angamɨra ikɨvɨra ikiam. Eghtɨ men tav uan nɨghnɨzir gavgavim ategh akɨrim ragh na gasaraghtɨ, kɨ a gakueghan kogham.”

Luk Osirizir Akar Aghuim 24:28

Egha me nguibar me ikiamimɨn boroghɨra ghuava, Iesus aning bada ghuavɨra itima,

Onger Akaba 125:5

Nɨ gumazir kurabagh asɨghasɨgh, egh gumazir ifara uan nɨghnɨzibar gɨn zuiba sarama asɨghasɨkigh. Eghtɨ Israelia deraghvɨra ikiam.

Onger Akaba 36:3

Men akatoribar akaba ikuvizɨ, me zurara bizibagh ifari. Egha arazir aghuibara amuamin fofozir aghuitam itir puvatɨ.

Josua 24:19

Ezɨ Josua me mɨgɨa ghaze, “Ia zuamɨra kamaghɨn mɨkɨman markɨ, egh suam, kɨ Ikiavɨra Itir Godɨn ziam fam. Guizbangɨra, Ikiavɨra Itir God, godɨn igharazitam a ko magh garir puvatɨ. A uabɨra, ia an ziam fasa a ifonge. Ia akɨrim a gasaragh godɨn igharazibar ziaba fɨtɨ, a ian arazir kuraba gɨn amadaghan kogham.

Rutɨn Eghaghanim 1:14

Ezɨ Rut ko Orpa, ua puvɨram azi. Aning aziava Orpa uan asamir amebamɨn toregha ghaze, “Kɨ zui.” Ezɨ Rut Naomin suiragha gavgavigha mangan aghua.

Rutɨn Eghaghanim 1:16

Ezɨ Rut kamaghɨn a mɨgei, “Kɨ nɨn gɨn mangɨsɨ, nɨ nan anogoroghan markɨ. Egh uamategh mangɨsɨ na mɨkɨman markɨ. Danganir nɨ mangamim, kɨ uaghan an mangam. Egh danganir nɨ ikiamim kɨ uaghan an ikiam. Ezɨ nɨn adarasi, me uaghan nan adarasi, ezɨ nɨn God, a uaghan nan God.

Dɨboboniba 10:30

Ezɨ Hobap a ikaragha ghaze, “Puvatɨ. Kɨ mangan aghua. Kɨ uamategh uan nguibam ko uan adarazi bagh mangam.”