Akɨnafarir Pol Romɨn Nguibar Ekiamɨn Itir Sios Bagha Osirizim 8:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Kamaghɨra, e gavgaviba puvatɨzir darasi, Godɨn Duam en akurvasi. E fozir puvatɨ, e manmaghɨn biziba bagh God ko mɨkɨmam? En mɨgɨrɨgɨaba otefe. Kamaghɨn amizɨ, Godɨn Duam uabɨ e bagha God ko mɨgɨa, tuavara, an ararem akar e mɨkɨman asazibagh afira.

Godɨn Akar Aghuim; Akar Dɨkɨrɨzir Gavgavir Igiam

²⁶ Kamaghɨra, Godɨn Duam e gavgaviba puvatɨzir darazir akurvasi. E fozir pu, e manmagh biziba bagh God ko mɨkɨmam? En mɨgɨrɨgɨaba otefe. Kamaghɨn amizɨ, Godɨn Duam uabɨ e bagha God ko mɨgɨa, tuava ara, an ararem akar e mɨkɨman asazibagh afira.

Akɨnafarir Pol Romɨn Nguibar Ekiamɨn Itir Sios Bagha Osirizim 8:26 ပူးပေါင်းရင်းမြစ်များ

Matyu 10:20

Ia uari mɨkɨman kogham, puvatɨ. Ian Afeziamɨn Duamra, ian akatoribar aghu mɨkɨmam.

Efesus 6:18

Ia bizir kabar amuva, egh God ko mɨkɨm. Egh a ian akurvaghsɨ ia an azangsɨgh. Ia zurara, Godɨn Duam ian navibagh inivtɨ, ia God ko mɨkɨm. Egh angamɨra ikɨ gan, egh dughiatam God ko mɨgeir arazim ataghɨraghan markɨ, egh zurara Godɨn gumazamiziba bar me bagh a ko mɨkɨm.

Galesia 4:6

Ezɨ ia datɨrɨghɨn Godɨn boribagh ava. Ezɨma God uan Otarimɨn Duam amadazɨma an en navir averiabar iti. Ezɨ Duar kam en aven kamaghɨn dei, “O Ame! Nan afeziam.”

Jon Osirizir Akar Aghuim 14:16

Eghtɨ kɨ Afeziamɨn azangsɨghtɨ, a gavgavim ia danɨngamin Akurvazir mam ia bagh anemangam. Eghtɨ a ia ko ikɨ mamaghɨra ikiam.

Efesus 2:18

Kamaghɨn Kraisɨn ingangarimɨn tuavimra e bar, Judaba ko Kantrin Igharazibar Gumazamiziba, Godɨn Duam en akurvazima e uari akuvagha Afeziamɨn boroghɨn izi.

Akɨnafarir Pol Romɨn Nguibar Ekiamɨn Itir Sios Bagha Osirizim 8:15

E kamaghɨn fo, Duar God ia ganɨngizim, a ia gamizɨ, ia pura ingangarir gumazamizibar otozir puvatɨ, egh ia bizibar atiati. Puvatɨ. Godɨn Duam ia gamizɨ, ia an boribar otifi. Egha Godɨn Duamɨn gavgavimɨn e an dɨa ghaze, “O Ame, En Afeziam!”

Onger Akaba 6:9

Kɨ uabɨn akurvaghasa Ikiavɨra Itir God ko mɨgeima, a na baregha gɨfa. Kɨ a ko mɨgeir mɨgɨrɨgɨaba, a da baregha gɨfa.

Hibru 4:15

E uari arazir kuraba dɨkabɨnamin gavgaviba puvatɨ. Egh e kamaghɨn nɨghnɨghan kogham, Ofa Gamir Gumazibar Dapanir kam, en nɨghnɨzibagh fogh en kuarkuvighan kogham. Puvatɨ. Satanɨn ifavarir arazir e bativiziba, da uaghan bar a bativigha gɨfa. Ezɨ an arazir kuratam gamizir puvatɨ.

Jems 4:3

Egha ia biziba iniasa God ko mɨgɨa, egha da isir puvatɨ. Ian nɨghnɨziba derazir puvatɨzɨma ia God ko mɨgei. Ia bizir ian mɨkarzimɨn agorogem itiba bagha nɨghnɨsi. Kamaghɨn, ia biziba isir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 15:1

E gumazamizir nɨghnɨzir gavgavim itiba, gumazamizir gavgaviba puvatɨziba, men osɨmtɨziba ater men akurvagham. E uarira uarir akurvaghsɨ nɨghnɨghan kogham.

Luk Osirizir Akar Aghuim 22:44

Ezɨ Iesus nɨghnɨgha bar oseme, egha a pamtem Afeziam ko mɨgei. Ezɨ an doriba otivaghira mati ghuzim nguazim giri.

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

2 Korin 5:4

E nguazimɨn purirpenimɨn aven ikiavɨra ikia, osɨmtɨziba atera navim bigha ara iti. Ezɨ da e gamima e uan inivafɨzir ghurir kam ataghɨraghasava amir puvatɨ. E inivafɨzir igiar aghuim a gisɨn aneghuasa ifonge, mati e korotiar igiam ghurim gisɨn anerughtɨma, anagapazagh ganganir bar aghuim damuam. Tuavir kamɨn en inivafɨzir ovengamim, a ua raghɨrɨgh, inivafɨzir angamɨra ikɨvɨra ikiamimɨn otogham.

Onger Akaba 10:17

O Ikiavɨra Itir God, gumazamizir osɨmtɨziba atera nɨn apengan itiba, nɨ men dɨmdiam baragh gavgavim isɨ men navir averiabar anɨngigh.

2 Korin 5:2

E datɨrɨghɨn nguazimɨn dɨpenir kamɨn ikia, egha navim bigha ara ikia uan dɨpenir Godɨn Nguibamɨn itim inigh, korotiamɨn mɨn e anerughasa bar ifonge.

Matyu 20:22

Ezɨ Iesus akam baregha kamaghɨn a ikaragha ghaze, “Nɨ azangsɨzir bizir kam, nɨ an mɨngarim gɨfozir puvatɨ, egha nɨ a bagha nan azai.” Egha aningɨn azara, “Gua ti kɨ ateramin osɨmtɨzim, uaghan an ateramin gavgavim iti?” Ezɨ aning ghaze, “Are, ga gavgavim iti.”

Onger Akaba 102:5

Kɨ mɨzazim baragha pamten arai. Ezɨ nan mɨkarzim ikuvizɨ, kɨ agharim gura.

Onger Akaba 6:3

O Ikiavɨra Itir God, nan navim osɨmtɨzir ekiam a itaragha ghuaghiri. Ezɨ dughiaba manmaghɨn, osɨmtɨzir ekiar kam nan navir averiamɨn ikɨvɨra ikiam?

Hibru 5:2

Egha a uabɨ a Godɨn damazimɨn bizibar amuamin gavgaviba puvatɨ. Kamaghɨn amizɨ, gumazir fofoziba puvatɨgha pazav amiba, a men asughasusi.

Akɨnafarir Pol Romɨn Nguibar Ekiamɨn Itir Sios Bagha Osirizim 7:24

Maia! Kɨ ghaze, kɨ bar ikufi! Tina nan akuraghtɨma, kɨ mɨkarzir ovengamin kamɨn fɨrighɨrɨgham?

Onger Akaba 69:3

O God, kɨ nɨn dia ghua nan dɨmdiaba bar moghɨra gɨvagha taghizɨ, nan kuarim nan pɨrizɨ, nan gavgaviba gɨfa. Kɨ uabɨn akurvaghasa fomɨra nɨ bagha gara ikia ghua, nan damazimning na gami.

Onger Akaba 102:20

A gara orazi, kalabuziar gumazamiziba uan osɨmtɨziba aterava arai. A gari, me marazi isa kotiam garɨgha egha ghaze, me arɨghregham. God men akuraghasa ifonge, eghtɨ me fɨrighregh, egh ovengan kogham.”

Jopɨn Akɨnafarim 37:19

En nɨghnɨziba derazir puvatɨ, mati e mɨtatemɨn aven iti, ezɨ e manmaghɨn nɨghnɨgh egh God ko mɨkɨmam? Kamaghɨn amizɨ, nɨ mɨgɨrɨgɨar e God mɨkɨmamibar en sure damuam o puvatɨ? Ti puvatɨgham!