Akɨnafarir Pol Romɨn Nguibar Ekiamɨn Itir Sios Bagha Osirizim 8:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Guizbangɨra, God fomɨra nguazimɨn itir biziba da tuisɨgha ghaze, da bar ikufi, da pura bizir kɨniba. Da uari kamaghɨn otozir pu. Puvatɨ. God uabɨ dagh amizɨ da kamaghɨn otifi. Egha da God damuamin bizir aghuim bagha mɨzuai.

Godɨn Akar Aghuim; Akar Dɨkɨrɨzir Gavgavir Igiam

²⁰ Guizbangɨra, God fomɨra nguazimɨn itir biziba da tuisɨgha ghaze, da bar ikufi, da pura bizir kɨniba. Da uari kamaghɨn otozir pu. Puvatɨ. God uabɨ dagh amizɨ da kamaghɨn otifi. Egha da God damuamin bizir aghuim bagha mɨzuai.

Akɨnafarir Pol Romɨn Nguibar Ekiamɨn Itir Sios Bagha Osirizim 8:20 ပူးပေါင်းရင်းမြစ်များ

Jenesis 5:29

Ezɨ Lamek ghaze, “Fomɨra Ikiavɨra Itir God nguazir kam gasɨghasɨgha ghaze, dagheba deragh an otivan kogham. Eghtɨ kamaghɨn e ingangarir dafabar amutɨ, dagheba deragh otivam. Eghtɨ otarir kam nguazim damutɨ dagheba deragh otivtɨ e tong avughsɨ, egh puvɨra ingaran kogham.” Kamaghɨn, Lamek ziam Noa, uan otarim gatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 8:22

E fo, bizir God ingariziba bar moghɨra, mati amizim borim batasa mɨzazim isi moghɨn, da mɨzazim isi. Egha da bar puv tuava ara, iza datɨrɨghɨn oto.

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Fofozir Gumazim 1:2

Bar fofozir gumazir kam kamaghɨn mɨgɨa ghaze, “Biziba bar, dar mɨngariba bar mongezɨ, bar guizbangɨra, e dagh fozir puvatɨgha bar okam nɨghnɨsi.”

Jenesis 6:13

Kamaghɨn, God kamaghɨn Noa mɨgɨa ghaze, “Gumazamiziba bar uariv soghava orazir puvatɨzir arazim gami, ezɨ nguazir kam arazir kuram bar a gizɨfa. Kamaghɨn, kɨ nguazir kam sara, me gasɨghasɨghasa. Kɨ gumazamiziba bar me agɨvaghtɨ, me ua ikian kogham.

Joel 1:18

Graziba puvatɨzɨ, bulmakaun okoruaba mɨtiriam puvɨra men azi, kamaghɨn amizɨ, me arai, egha dar okoruaba pura tintinibar aruava ongani. Ezɨ sipsipɨn okoruaba uaghan mɨtiriam men azi, ezɨ me aghariba gunigha bar amɨra.

Jeremaia 12:11

Eghtɨ nguazir kam pura ikɨtɨ, gumazamiziba an puvatɨgham. A dɨpaba puvatɨzir danganimɨn mɨn otogham. Eghtɨ nguazim ikɨva azitɨ, kɨ a baragham. Eghtɨ nguazir kamɨn itir gumaziba, ua a gɨnɨghnɨghan kogham.

Onger Akaba 39:5

Nɨ ti nan ikɨrɨmɨrimɨn dughiabagh amizɨ da bar otefe. Nan ikɨrɨmɨrimɨn dughiar kam nɨn damazimɨn a pura bizimɨn oto. Gumazamiziba bar, men ikɨrɨmɨrim mati gumazim akamɨn amɨnim giverazɨ a zui. (Ighiam gamua an suiam atugha avughsegha ua ighiam gami.)

Akɨnafarir Pol Romɨn Nguibar Ekiamɨn Itir Sios Bagha Osirizim 8:24

E bizir aghuir e fogha iniamiba bagh mɨzuai iti, kamaghɨn amizɨ God en akura. E suam, e bizir mam bagh mɨzuam fogham, e tɨghar a iniam. Egh gumazamiziba tizim bagha bizir me inigha gɨvazim bagh mɨzuam ikiam?