Akɨnafarir Pol Romɨn Nguibar Ekiamɨn Itir Sios Bagha Osirizim 8:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Godɨn Duam uabɨ, en duaba ko porozɨ, e uarir gun mɨgɨa ghaze, e Godɨn boriba.

Godɨn Akar Aghuim; Akar Dɨkɨrɨzir Gavgavir Igiam

¹⁶ Godɨn Duam uabɨ, a en duaba ko porozɨ, e uarir gun mɨgei, e Godɨn boriba.

Akɨnafarir Pol Romɨn Nguibar Ekiamɨn Itir Sios Bagha Osirizim 8:16 ပူးပေါင်းရင်းမြစ်များ

1 Jon 4:13

God uan Duam e ganɨngizɨ, a vaghvagha en itima, e kamaghɨn fo, e an poroghav itima, a en poroghav iti.

2 Korin 1:22

Egha a uabɨ uan inabazir ababanim e gatɨ, kamaghɨn me en gan fogh suam, e an gumazamizibara. Egha uan Duam en navir averiabar ikiasa an e ganɨngi. Godɨn Duamra a uaghan bizir aghuir faragha zuir mam, God e danɨngasa. E Godɨn Duam inigha gɨvagha, kamaghɨn e fo, e guizbangɨra bizir avɨrir maba sara iniam.

2 Korin 5:5

God uabɨ e akɨrigha angamɨra itir ikɨrɨmɨrir kam e ganɨngi, egha uan Duam e ganɨngi. God bizir bar aghuir maba e danɨngasa, egha faragha uan Duam e ganɨngi. Ezɨ e Godɨn Duam inigha gɨvagha bar fo, e bizir aghuir igharaziba uaghan da iniam.

Efesus 1:13

Ezɨ ia Kantrin Igharazibar Gumazamiziba uaghan, ia guizɨn akam baraghizɨma God ia gamizɨ ia an gumazamizibar otifi. Akar aghuir kamra kara: God ian akurvasi. Ia nɨghnɨzir gavgavim Kraisɨn itima God uan Duam ia gatɨ. Kamaghɨn me fogh suam, ia an gumazamizibara. Kar Godɨn Duar a fomɨra akar dɨkɨrigha amizim.

Akɨnafarir Pol Romɨn Nguibar Ekiamɨn Itir Sios Bagha Osirizim 8:26

Kamaghɨra, e gavgaviba puvatɨzir darasi, Godɨn Duam en akurvasi. E fozir puvatɨ, e manmaghɨn biziba bagh God ko mɨkɨmam? En mɨgɨrɨgɨaba otefe. Kamaghɨn amizɨ, Godɨn Duam uabɨ e bagha God ko mɨgɨa, tuavara, an ararem akar e mɨkɨman asazibagh afira.

Efesus 4:30

Eghtɨ ia Godɨn Duam osɨmtɨzim a danɨngan markɨ. Ia fo, God ia an gumazamizibar otivasa, a uan Duam ia ganɨngi. Eghtɨ a ian akaghtɨ ia fogh suam, ia guizbangɨra an gumazamizibara, egh dughiar a uam ia iniamimɨn a ia damightɨ ia bar fɨrighɨregham.

2 Korin 1:12

Bizir kam na gamima kɨ bar akonge. Nan navir averiamɨn, kɨ uan araziba deravɨra da tuisɨgha kamaghɨn fo, kɨ nguazir kamɨn ikia arazir aghuim gami, egha guizbangɨra ian damazibara e arazir bar aghuim gami. Kɨ arazir God nan akazir kam gamua God baghavɨra itir arazibar gɨn ghua, bizitam ian modozir puvatɨ. Kɨ nguazir kamɨn fofozim isa arazir kam gamizir pu. Puvatɨ, kɨ Godɨn apangkuvimɨn gavgavim isa, arazir kam gami.

Akɨnafarir Pol Romɨn Nguibar Ekiamɨn Itir Sios Bagha Osirizim 8:23

Ezɨ bizir kabarama arair pu. Puvatɨ, e uari uaghan arai. E Godɨn Duam inigha gɨfa, mati God e danɨngamin bizir aghuibar faragha zuim a e ganɨngi. Egha e tuavara, dughiar God e damightɨ e an boribar mɨraram otivamim, e a bagha mɨzuai. Dughiar kam, God en mɨkarzibar amightɨ da fɨrighɨregh ganganir igharazimɨn otogham.

1 Jon 5:10

Gumazamiziba uan navir averiamɨn nɨghnɨzir gavgavim Godɨn Otarimɨn ikɨva, egh me bar fogh suam, God mɨkemezir mɨgɨrɨgɨam, a guizbangɨra mɨgɨrɨgɨam. Gumazamiziba nɨghnɨzir gavgavim Godɨn mɨgɨrɨgɨamɨn ikian kogh, egh God uan Otarimɨn gun mɨkemezir akam baraghan aghuaghɨva, me kamaghɨn mati Godɨn mɨgɨa ghaze, God ifari.

Godɨn Araziba 14:1

Moses kamaghɨn Israelia mɨgei, “Ikiavɨra Itir God, ian God, a ua baghavɨra ia ginabazɨ ia an boriba. Kamaghɨn amizɨ, ian gumazitam aremeghtɨ ia a bagh aziva, ikɨzir igharaziba ami moghɨn, uan mɨkarzibar ghor, egh mɨnedevir arɨzibagh isan markɨ.

Hosea 1:10

Israelia ua bar avɨrasemegham, mati ongarir dadarimɨn gigim, eghtɨ me me mengan iburagham. Datɨrɨghɨn God kamaghɨn me mɨgei, “Ia nan gumazamiziba puvatɨ.” Egh gɨn dughiatam izɨtɨ, a kamaghɨn me mɨkɨm suam, “Ia Godɨn Zurazurara Angamɨra Itimɨn boriba.”

Matyu 5:9

Ia gumazamizir adariba ko mɨdoroziba ageviba, me ‘Godɨn Boriba,’ ia darɨgham. Kamaghɨn ian naviba deragh.

Luk Osirizir Akar Aghuim 20:36

God me damightɨma, me ua dɨkavigham. Me ua dɨkavightɨ e fogh suam me Godɨn boribara, egh me enselbar mɨn ikiam. Kamaghɨn amizɨ me uam arɨmɨghiran koghɨva, egh poroghamibar amuan kogham.

Jon Osirizir Akar Aghuim 1:12

Ezɨ gumazamizir maba a ini, egha nɨghnɨzir gavgavim an ziamɨn iti. Kamaghɨn amizɨ, a me gamizɨma me Godɨn boribar mɨn otifi.

Aposel 5:32

E God amizir bizir kaba uan damazibar dar ganigha dar gun mɨgei. Ezɨ Godɨn Duam uaghan bizir kabar gun mɨgei. God baragha an gɨn zui adarasi, a uan Duam me ganɨngi.”

Akɨnafarir Pol Romɨn Nguibar Ekiamɨn Itir Sios Bagha Osirizim 8:14

E fo, gumazamizir Godɨn Duam men faragha zuima me an gɨn zuiba, gumazamizir kaba bar Godɨn boriba.

Akɨnafarir Pol Romɨn Nguibar Ekiamɨn Itir Sios Bagha Osirizim 8:19

Guizbangɨra, God ingarizir biziba bar, me dughiar God uan boriba azenim darɨghamim a bagha mɨzua, uan dapaniba fegha tintinibar gara nɨghnɨghɨsi, dughiar manamra bizir kam otivam?

Akɨnafarir Pol Romɨn Nguibar Ekiamɨn Itir Sios Bagha Osirizim 9:8

Akar kamɨn mɨngarim kamaghɨn ghu, borir inivafɨzimɨn otiviziba, me Godɨn boriba pu. Puvatɨ. Borir Godɨn akar dɨkɨrɨzimɨn otiviba, me guizbangɨra Abrahamɨn ovaviba.

Akɨnafarir Pol Romɨn Nguibar Ekiamɨn Itir Sios Bagha Osirizim 9:26

Ia faragha danganir mamɨn itima, kɨ ia mɨgɨa ghaze, ‘Ia nan adarazi puvatɨ.’ Egh danganir kamnaghɨra kɨ ia mɨkɨm suam, ‘Ia Godɨn zurazurara angamɨra itimɨn boriba.’ ”

Galesia 3:26

Ia gumazamizir dɨpamɨn rueziba, ia Kraisɨn puegha, Kraisɨn mɨn otifi. Egha datɨrɨghɨn Krais Iesusɨn aven ia ikɨzir vamɨra. Bar guizbangɨra, ia datɨrɨghɨn Judaba ko Kantrin Igharazibar Gumazamizibar mɨn itir pu. Ia ingangarir gumazamizir kɨniba ko gumazamizir fɨriaghɨrezibar mɨn itir pu. Ia gumaziba ko amizibar mɨn itir pu. Bar puvatɨ. Ia nɨghnɨzir gavgavim Krais Iesusɨn ikia, ia bar moghɨra Godɨn boriba. Kamaghɨn, e ua Moses Osirizir Arazibar apengan itir puvatɨzɨ, da ua e gativagha en garir puvatɨ.

Galesia 4:6

Ezɨ ia datɨrɨghɨn Godɨn boribagh ava. Ezɨma God uan Otarimɨn Duam amadazɨma an en navir averiabar iti. Ezɨ Duar kam en aven kamaghɨn dei, “O Ame! Nan afeziam.”

1 Jon 3:1

Ia nɨghnɨgh, Afeziar Ekiam bar e gifuegha en dɨghorim gami. Egha ziar kam, Godɨn boriba, e gatɨ. Ezɨ guizbangɨra, e an boribara. Nguazir kamɨn gumazamiziba God gɨfozir puvatɨ, me kamaghɨn uaghan e gɨfozir puvatɨ.

1 Jon 3:2

Nan adarasi, e datɨrɨghɨn Godɨn boriba. Egha e fozir puvatɨ, e gɨn manmaghɨn otivam. God bizir kam tɨghar en akagham. E kamaghɨn fo, Krais uamategh nguazir kamɨn izɨtɨ, e uan damazibar deravɨra an ganam. Egh an mɨn otogham.

1 Jon 3:10

Tina arazir aghuim gamir puvatɨ, a Godɨn borim puvatɨ. Egh tina Godɨn borir igharazibagh ifongezir puvatɨ, a uaghan Godɨn borim puvatɨ. Kamaghɨn e fo, te Godɨn boriba, ezɨ te Satanɨn boriba.

Akar Mogomem 21:7

Gumazamizir mɨdorozim gamua apaniba abɨriba, kɨ bizir kaba me danɨngam. Egh kɨ men Godɨn ikɨtɨ, me nan boribar ikiam.