Akɨnafarir Pol Romɨn Nguibar Ekiamɨn Itir Sios Bagha Osirizim 7:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Kɨ uan navir ghurim mɨgei. Kɨ fo, bizir aghuitam nan aven itir puvatɨ. Kamaghɨn amizɨ, kɨ arazir aghuibar amuasa ifuegha, dar amuamin gavgaviba pu.

Godɨn Akar Aghuim; Akar Dɨkɨrɨzir Gavgavir Igiam

¹⁸ Kɨ fo, bizir aghuitam nan aven itir puvatɨ. Kɨ uan navir ghurim mɨgei. Kamaghɨn amizɨ, kɨ arazir aghuibar amuasa ifonge, egha dar amuamin gavgaviba pu.

Akɨnafarir Pol Romɨn Nguibar Ekiamɨn Itir Sios Bagha Osirizim 7:18 ပူးပေါင်းရင်းမြစ်များ

Jon Osirizir Akar Aghuim 3:6

Nguazir kamɨn itir amiziba boriba batima, borir igiaba otifi. Ezɨ Godɨn Duam gumazimɨn duam gamima, a gumazir igiamɨn oto.

Onger Akaba 51:5

Kɨ uan amebamɨn navir averiamɨn aven ikiavɨra itima, arazir kuraba nan iti. Arazir kurar kaba nan mɨkarzimɨn ikiavɨra itima nan amebam na bate.

Akɨnafarir Pol Romɨn Nguibar Ekiamɨn Itir Sios Bagha Osirizim 7:25

Godra, a en Ekiam Krais Iesusɨn ingangarimɨn tuavimɨn, a nan akuragham! Ezɨ kɨ God mɨnabi! Egha kɨ uabɨ, uan nɨghnɨzimɨn navir averiamɨn aven Godɨn mɨgɨrɨgɨabar ingarir gumazimɨn iti. Egha uan navir ghurimɨn aven, kɨ uaghan Moses Osirizir Arazibar otozir arazir kuram, kɨ an ingangarir gumazimɨn iti.

Jopɨn Akɨnafarim 14:4

E gumazamiziba nɨn damazimɨn bar mɨze. Eghtɨ tina e damightɨ e nɨn damazimɨn zuegham? Bar puvatɨ.

Galesia 5:24

Gumazamizir Krais Iesusɨn gɨn zuiba, me navir ghurimɨn araziba ko biziba bagha bar ifongezir arazir kuraba inigha, ter ighuvimɨn da gura. Egha dagh afuzɨma, da aremegha gɨfa.

Jenesis 6:5

Ezɨ Ikiavɨra Itir God, nguazim bar an itir gumazamizibar gari, men arazir kuraba bar ikufi. Gumazamiziba dughiaba bar, uan navir averiamɨn aven arazir kuraba baghavɨra nɨghnɨgha dagh ifongeghavɨra iti.

Taitus 3:3

Nɨ fo, e faragha uaghan nɨghnɨzir aghuiba puvatɨ, egha e akaba batosi. Satan e gifarazɨma, e Godɨn tuavimɨn zuir puvatɨ. E inivafɨzir kam ifongezir arazibar gɨntɨgha nguazir kamɨn arazibar gara dar amuasa naviba dɨkafi. Egha dar ingangarir gumazir kɨnibar mɨn iti. E nɨghnɨzir kuraba ko arazir kurabar igharaz darazigh amuava igharaz darazir biziba bagha naviba isiava arui. Gumazamiziba en apanim gamima, e uaghan men apanibagh ami.

Akɨnafarir Pol Romɨn Nguibar Ekiamɨn Itir Sios Bagha Osirizim 7:19

Arazir aghuir kɨ damuasa ifongeziba, kɨ dagh amir pu. Egha arazir kurar kɨ damuasa ifongezir puvatɨziba, kɨ dagh ami.

Akɨnafarir Pol Romɨn Nguibar Ekiamɨn Itir Sios Bagha Osirizim 7:15

Egha kɨ amir araziba, kɨ deragha dar mɨngaribagh fozir puvatɨ. Arazir kɨ damuasa bar ifongeziba, kɨ dagh amir puvatɨ. Egha arazir kɨ ifongezir puvatɨziba, kɨ zurara dagh ami.

Matyu 15:19

Kɨ gumazamizibar nɨghnɨzibar otivir bizir kabav gei, nɨghnɨzir kuraba, ko gumazibav soagharɨzir araziba, ko gumazamiziba tintinibar uari isava akuir araziba, ko poroghamiba uari bakeir araziba, ko okɨmakɨar araziba, ko kotiabar gumazamizibagh ifarir araziba, ko gumazamizibar ziabagh asɨghasɨzir araziba.

Jenesis 8:21

Ezɨ Ikiavɨra Itir God Noa amizir mughuriar aghuim zuir ofa bagha bar ifuegha ghaze, “Kɨ ua gumazamizibar arazir kuraba bagh nguazim gasɨghasɨghan kogham. Guizbangɨra, gumazamiziba boribar mɨn ikia ghua asangizir dughiamɨn, me bar arazir kuram damuamin nɨghnɨziba iti. Ezɨ bizir kam bagha, kɨ biziba bar dagh asɨghasɨki. Egh kɨ dughiar kamɨn amizir arazir kamɨn mɨrara, uamategh angamɨra itir biziba bar dagh asɨghasɨghan kogham.

1 Pita 4:2

Kamaghɨn datɨrɨghɨn tugh mangɨ, ian inivafɨzimɨn ikɨrɨmɨrim gɨvaghamin dughiam, ia navir ghurimɨn arazibar gɨn mangan markɨ; ia God ifongezir arazibar gɨn mangɨ.

Filipai 3:12

Kɨ kamaghɨn nɨghnɨzir puvatɨ, kɨ Krais Iesusɨn arazim inigha gɨvagha, gumazir aghuimɨn otogha gɨfa. Puvatɨ. Kɨ zurara ingangarir gavgavim gamua arazir kamɨn suizi moghɨn, Krais nan suira.

Luk Osirizir Akar Aghuim 11:13

Ia afeziar arazir kurabagh amiba, egha ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra uan Duam isɨ gumazir a ko mɨgeibar anɨngam.”

Onger Akaba 119:176

Kɨ nɨn ingangarir gumazim. Kɨ sipsipɨn ovengezimɨn mɨn tuavir aghuim ataki. Kɨ nɨn Akar Gavgaviba gɨn amadir puvatɨ, kamaghɨn amizɨ, nɨ na bagh izɨ na buri.

Onger Akaba 119:40

Kɨ nɨn akabar gɨn mangasa bar ifonge. Nɨn Araziba da bar dera, kamaghɨn nɨ ikiavɨra itir ikɨrɨmɨrim na danɨng.

Jopɨn Akɨnafarim 25:4

Kamaghɨn amizɨ, e gumazamiziba manmaghɨn Godɨn damazimɨn deragham? Amebam otezir gumazir manatam, Godɨn damazimɨn zuegham? Bar puvatɨgham.

Akɨnafarir Pol Romɨn Nguibar Ekiamɨn Itir Sios Bagha Osirizim 13:14

Egh ia uan Ekiam Krais Iesus arugh, mati gumazim mɨdorozir biziba aghui. Ia uan navir ghurimɨn arazibagh nɨghnɨghɨva, navir ghurimɨn ifongiam uam an gɨn mangan markɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 7:5

E faragha uan navir ghurimɨn arazibar gɨn zuima, Moses Osirizir Araziba agoroger kuram en mɨkarzibagh anɨngizɨma, e arazir kuram gami. Ezɨ arazir kamɨn ovevem e bato.

Onger Akaba 119:173

Kɨ nɨn akaba zurara dar gɨn zui. Kamaghɨn, nɨ zurara nan akurvaghsɨ gan ikɨ.

Aisaia 64:6

E nɨn damazimɨn arazir kurabagh amigha, bar mɨze. E amir arazir kaba e ghaze, da ti derazɨ e dagh ami, arazir kaba nɨn damazimɨn bar ikuvigha, mati inir avɨzir bar pughpurizim. En arazir kurar kabara e gamima, e amɨnim ter afarir mɨdiaribagh ivarazɨ da ghuezɨ moghɨn, e bar mɨsigha atam ariaghire.

Onger Akaba 119:5

Kɨ kamaghsua ifonge, kɨ nɨn arazir nɨ ifongezibar gɨn mangɨsɨ bar gavgavigham.

Onger Akaba 119:32

Nɨ fofozir arazir aghuir avɨriba na danɨngtɨ, kɨ nɨn Akar Gavgaviba atamra dar gɨn mangɨsɨ nɨghnɨgham.