Akɨnafarir Pol Romɨn Nguibar Ekiamɨn Itir Sios Bagha Osirizim 11:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Godɨn Akɨnafarimɨn osizirim iti: “God me gamizɨ, me mati gumazamizir aremeziba moghɨn akui. Ezɨ men damaziba bizibar garir puvatɨzɨ, men kuariba biziba barazir puvatɨgha, iza datɨrɨghɨn tu.”

Godɨn Akar Aghuim; Akar Dɨkɨrɨzir Gavgavir Igiam

⁸ Godɨn Akɨnafarimɨn osizirim iti, “God me gamizɨ, me mati gumazir aremezim moghɨn akui. Ezɨ men damaziba bizibar garir puvatɨzɨ, men kuariba biziba barazir puvatɨgha, iza datɨrɨghɨn tu.”

Akɨnafarir Pol Romɨn Nguibar Ekiamɨn Itir Sios Bagha Osirizim 11:8 ပူးပေါင်းရင်းမြစ်များ

Godɨn Araziba 29:4

Egha fomɨra iza datɨrɨghɨn, Ikiavɨra Itir God, ia gamizɨ, ian nɨghnɨziba, ko damaziba ko kuariba pɨrighavɨra itima, ia deraghavɨra bizir kabar mɨngaribagh fozir puvatɨghavɨra iti.

Aisaia 29:10

Ikiavɨra Itir God ian damazibagh amizɨ pariam puv ian azi. Ia mati gumazim akuav aremezɨ moghɨn akui. Ezɨ God uaghan uan akam inigha izir gumazibar damaziba okafi, ezɨ me ganamin bizibar garir puvatɨ. Egha God uaghan an akam inigha izir gumazibar damaziba avara, ezɨ me God amir bizibar garir puvatɨ.

Esekiel 12:2

“O nguazir kamɨn gumazim, ikɨzir nɨ datɨrɨghɨn men tongɨn itir kam, me akaba batozir darasi. Me damaziba ikia gari puvatɨ. Egha me kuariba ikia biziba barazir puvatɨ. Me akaba batogha orazir puvatɨzir ikɨzim.

Luk Osirizir Akar Aghuim 8:10

Ezɨ a me mɨgɨa ghaze, “God fofozim ia ganɨngizɨma, ia God Bizibagh Ativamin Dughiamɨn akar mogomebagh fo. Ezɨ igharaz darazi kɨ akar isɨn zuibara me mɨgei, eghtɨ me zurara ganɨva, egh deragh bizitamɨn ganighan kogham. Egh uaghan zurara oraghɨva, egh me deragh bizitamɨn mɨngarim gɨfoghan kogham.”

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Aposel 28:26

“ ‘Nɨ gumazamizir kaba bagh mangɨ, egh kamaghɨn me mɨkɨm: Gumazamizir kaba uan navir averiabar kua, ezɨ men kuariba oraghan aghua, ezɨ men damaziba okafi. Me kamaghɨn amizɨ, God ghaze, markɨ, men damaziba bizitamɨn ganighai, me foghai, ezɨ men kuariba oreghai, ezɨ me foghai. Ezɨ men naviba kuiaghirɨzɨ me mɨgɨrɨgɨabagh fogha navibagh iragha na bagha izima, kɨ ua me inigha me gamizɨ me deraghai. Me kamaghɨn damuan aghua, kamaghɨn me zurara oraghɨva, egh deragh bizitamɨn mɨngarim gɨfoghan kogham. Me zurara ganɨva, egh deragh bizitamɨn ganighan kogham.’ ”

Aisaia 6:9

Ezɨ Ekiam akar kam Israelian gumazamizibar anɨngasa na mɨkemegha na amada: “Ia zurara ganɨva, egh deragh bizitamɨn ganighan kogham. Ia uaghan zurara oraghɨva, egh ia deragh bizitamɨn mɨngarim gɨfoghan kogham.”

2 Atriviba 17:41

Ikɨzir igharazibar gumazamizir iza Samarian itir kaba, me Ikiavɨra Itir Godɨn ziam fa, egha uaghan uan asebar ziaba fe. Ezɨ datɨrɨghɨn men ovavir boriba uaghan, men arazir kabara gɨn ghuavɨra iti.

2 Atriviba 17:34

Egha datɨrɨghɨn uaghan gumazamizir kaba arazir kamɨn gɨn ghuavɨra iti. Me guizbangɨra Ikiavɨra Itir Godɨn ziam fer puvatɨ, egha me arazir God ifongeziba ko, bizir a damuasa me mɨkemeziba ko, Araziba ko, Akar Gavgaviba, me dar gɨn zuir puvatɨ, kar a Jekopɨn ovavir boribagh anɨngizir araziba. Jekop a gumazir kam, God ziar igharazir kam Israel a ganɨngi.

Esekiel 20:26

Kɨ men amamangatɨzɨ, me uari uan aseba bagha ofabagh amua nan damazimɨn bar mɨze. Egha kɨ men amamangatɨzɨ me uan otarir ivariaba isa aseba bagha me mɨsogha ofabagh ami. Nan nɨghnɨzim kamakɨn, me ti arazir kurar kabar amuva, bar dɨgavir kuram damigh uan arazir kaba bar da ategham. Egh me fogh suam, kɨrara kɨ Ikiavɨra Itir God.”