Akɨnafarir Pol Romɨn Nguibar Ekiamɨn Itir Sios Bagha Osirizim 11:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Tuavir kamnangra God Israelia bar men akurvagham. Godɨn Akɨnafarim kamaghɨn mɨkeme: “Akurvazir Gumazim Jerusalemɨn ikegh izam. Egh a Jekopɨn ovavir boribar amightɨma me Godɨn akam barazir puvatɨzir arazim ategham.

Godɨn Akar Aghuim; Akar Dɨkɨrɨzir Gavgavir Igiam

²⁶ Tuavir kamnangra God Israelba bar men akurvagham. Godɨn Akɨnafarim kamaghɨn mɨkeme, “Akurvazir Gumazim Jerusalemɨn ikegh izam. Egh a Jekopɨn ovavibar amightɨma me Godɨn akam barazir puvatɨzir arazim ategham.

Akɨnafarir Pol Romɨn Nguibar Ekiamɨn Itir Sios Bagha Osirizim 11:26 ပူးပေါင်းရင်းမြစ်များ

Aisaia 59:20

Ikiavɨra Itir God kamaghɨn mɨgei, “Kɨ men Akurvazir Gumazimɨn mɨn Saionɨn izam. Kɨ Jekopɨn ovavir borir uan arazir kuraba ataghiziba, kɨ ua bar me iniam.”

Onger Akaba 14:7

Kɨ kamaghɨn ifonge, Israelian akurvaghamin gumazitam Saionɨn nguibamɨn ikegh azenan izɨ. Ikiavɨra Itir God, uan gumazamizibar akuraghtɨ me deravɨra ikɨtɨ, Jekopɨn ovaviba bar akuegham. Guizbangɨra, Israelian naviba deragham.

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Aposel 3:26

God kamaghɨn ifonge, ia vaghvagh uan arazir kuraba ateghtɨ, a deravɨra ia damuam. Bizir kam bagha a uan ingangarir gumazim amɨsevegha ia bagha faragha anemada.”

Aisaia 45:17

Ezɨ Ikiavɨra Itir God, Israelian akuragha gɨfa. Egh a me damightɨ, me zurara deraghvɨra ikɨ mamaghɨra ikiam. Egh okam nɨghnɨghan kogh, aghumsɨghan kogham.

Taitus 2:14

Krais kamaghɨn ifonge, a uam e inigh en arazir kuraba adangasa. Eghtɨ e bar zuegh an gumazamizibar mɨn ikiam. Egh e arazir aghuibar amusɨ bar ifongegham. Bizir kam bagha, a uabɨ uan mɨkarzim anigha, areme.

Matyu 1:21

An otarim bateghtɨma, eghtɨ a uan gumazamizibar arazir kuraba gɨn amadagh men akurvagham. Kamaghɨn nɨ ziam Iesus a datɨgh.”

Onger Akaba 106:47

O Ikiavɨra Itir God, en God, nɨ datɨrɨghɨn en akuragh! E gumazamizir bar igharazibar torimɨn iti, nɨ uam e akuvagh uam e inigh en nguazimɨn izɨ. Eghtɨ e nɨn ziar ekiam gɨnɨghnɨgh nɨn ziar ekiam mɨnabagham. E nɨn ziam fɨsɨ bar akuegham.

Esekiel 39:25

“Kɨ Ikiavɨra Itir Godɨn Ekiam, kɨ kamaghɨn mɨgei: Jekopɨn ovavir borir kantrin igharazibar kalabuziabar mɨn itiba, kɨ datɨrɨghɨn men apangkuvigh ua me inigh, men ikɨzim damightɨ me ua deragham. Egh kɨ uan ziar zuruzim deragh an gantɨ, gumazitam anebɨraghan kogham.

Jeremaia 31:1

Ikiavɨra Itir God kamaghɨn mɨgei: “Dughiar kɨ inabazimɨn, kɨ Israelian ikɨziba bar men Godɨn ikiam, eghtɨ me nan gumazamizibaram otogham.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”