Onger Akaba 72:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Nɨ men ingangaribar aven bizir aghuir avɨribar amutɨ, men dabirabim deragham. Nɨ gumazamizibar amutɨ, me arazir aghuibar gɨn mangɨ.

Onger Akaba 72:3 ပူးပေါင်းရင်းမြစ်များ

Aisaia 52:7

Godɨn akar aghuim inigha izir gumazamizibar darorim, a bar dera. Me mɨghsɨabar pɨn ikegha akar aghuim inigha iza Saionɨn aven iza kamaghɨn mɨgei, “Ia dabirabir aghuim ko navir amɨrizimɨn ikɨ! Bizir bar aghuiba ia bativam, God ian akurvaghtɨ ia deravɨra ikiam. Eghtɨ ia Saionɨn gumazamiziba, ian God, an atrivimɨn ikiam.” Eghtɨ gumazamiziba akam inigha izir gumazamizibar gansɨ bar akuegham.

Joel 3:18

Dughiar kamɨn, wainɨn azenir avɨriba otivigh mɨghsɨaba avegham, eghtɨ mɨghsɨar muziariba bar, bulmakaun avɨriba dar ikiam. Eghtɨ gɨn Judan nguazimɨn itir daghurir dakeziba, dɨpar avɨriba zurara dagh izɨvagh ivemaram. Eghtɨ dɨpatam Ikiavɨra Itir Godɨn Dɨpenimɨn ikegh azenan izɨ, emɨr ivemar Akasɨn Temeba Itir Danganir Zarimɨn mangam.

Daniel 9:24

“Nɨ 70plan dughiabar, 7plan azeniba akuvagh kamaghɨra damu mangɨ 490ɨn azenibar otogham. Kar dughiar God inabazim, a nɨn gumazamiziba ko nɨn nguibam Jerusalem, a uamategh men arazir kuraba akɨrigh da avegham. A gumazamizibar arazir kuraba bar ada agɨvaghtɨ, me arazir aghuim damu mamaghɨra ikiam. Eghtɨ Godɨn Dɨpenim uam a baghvɨra ikiam. Eghtɨ a bizir kabar amutɨ, akam inigha izir gumazibar akaba ko irebaba guizbangɨram otivam.

Onger Akaba 72:16

Dagher avɨriba Lebanonɨn kantrin otivi moghɨn, gumazamizibar azenibar otiv. Eghtɨ gumazamiziba bar avɨrasemegh nguibabar ikɨ, egh grazibar mɨn danganiba bar dar ikɨ.

Onger Akaba 65:12

Danganir dadaba itiba, bulmakauba ko sipsipba dagh izefi. Azenir avɨriba mɨghsɨabar ikɨtɨ, mɨghsɨaba bar akongegh.

Aisaia 45:8

“O overiam ko ghuariaba, ia nan akurvazim ko dughiar aghuim, gumazamizibagh ingɨ, mati amozim nguazim giri. O nguazim, nɨ mati, nɨ uan akam akarigh, nan akurvazim inightɨ an aghungɨva arazir aghuim damightɨ, a gumazamizibar navibar aven ikɨ gavgavigham. Kɨ, Ikiavɨra Itir God, kɨ uabɨ uan gumazamizibar akurvaghasa bizir kabar ingarizɨ da otifi.”

Aisaia 60:17

“Kɨ nɨn brasba inigh, da ikarvagh golba isɨ nɨ danɨngam. Kɨ nɨn ainba inigh, da ikarvagh silvaba nɨ danɨngam. Kɨ nɨn temer arariba inigh, da ikarvagh brasba nɨ danɨngam, egh nɨn dagɨaba inigh, da ikarvagh ainba nɨ danɨngam. Eghtɨ atrivitam ua nɨn gan, pazɨ nɨ damuan kogham. Kɨ nɨn atrivibar amutɨ, me navir amɨrizim ko arazir aghuimɨn gɨn mangɨ deraghvɨra nɨn ganam.